2 KHANGTHU 23:18 - PATHIAN LEKHABU THIANGTHO (BSI)

¹⁸ Jehoiada chun Mosi Dan lekhabu kizik dungzui in, lim takah La sa kawm ah David in Lalpa In ah Lalpa kiang ah hâlmang thilpiak lân ding ah a la guatsa, Levi thiampute mapuina sêm dingin, David in thu a la piak gual ah Lalpa In veng dingte chule a guat tai.

2 KHANGTHU 23:18 ပူးပေါင်းရင်းမြစ်များ

1 KHANGTHU 23:25

David chun, “Lalpa, Israelte Pathian chun mipite chawldamna a pia ta’n; chuleh, kumtuang in Jerusalem ah chun a chêng den tai.

2 KHANGTHU 29:25

Lalpa‘n a jawlneite thu a la piak dungzui ah David tawh Lengpa thiamgau Gad tawh jawlnei Nathan in thu a la piak dungzui un, Lalpa In ah Levi mite chu a vai khutbetteu, a guipekteu leh a pekkhuangteu tawh a um densak tai.

2 KHANGTHU 29:27

Ziaphatchun, Hezekiah in mâichâm ah chun hâlmang thillatte chu lân dingin thu a pia. Hâlmang thillat a piak phat un, Israelte Lengpa David thilgitheite chu tawh, pengkulte chu thua in, Lalpa pâkna’n La a sa pan ngal un.

2 KHANGTHU 29:30

Lengpa Hezekiah tawh a milian leh lalte chun, David La phuakte leh thiamgau Asaph La te chu Lalpa pâkna ding ah sa dingin, Levi mite chu thu a piau a. Lim tak in pâkna La te chu a sau ah, Pathian ho in a bokkhup tau hi.

2 KHANGTHU 30:27

Ziaphatchun, thiampute tawh, Levi chite chu a dingdok un mipite chu a maljawl tau ah, a kipaknau husa chu Lalpa het in a um tai; a pauchapnau chun a chênna thiangtho van a thawng tai.

2 KHANGTHU 35:2

Thiampute chu a sep ding chiat uh a hawm piak ah, Lalpa In ah a nasep ding chungchâng un tîlkhona a gen a.

2 KHANGTHU 5:5

Thiampute leh Levite chun, zia thuthung thingkuang chu tawh, biakbûk sung ah ûm leh bêl thiangtho zosia chu tawh kikhopna puanbûk chu a hun pawdok ua.

2 KHANGTHU 7:6

Thiampute chu a mun ding chiat un a ding un; Levite chunle Lalpa ma ah a thil githei tum dingteu chu a chawi chiat ua. Lengpa David in Lalpa choihoina dingah: “A ngilneina chun kumtuang a dai hi,” ti ah La a la guanggal dungzui in, amau tawh kimai ngat tua in, thiampute chun pengkul a hun mut tauah; ziaphatchun, Israel mipi zosia le a dingdok chiat tau hi.

EZRA 6:22

Kipak tak in thawipanglo Kût chu ni sagi sung a mang tau a; Lalpa‘n amau a sukkipak ziakin leh, Assuria Lengpa chun a lungthim amau ngaisak dingin a hei ziakin, Israelte Pathian chênna In sakna dingin nasa tak in a kithuapisak hi.