2 KHANGTHU 23:13 - PATHIAN LEKHABU THIANGTHO (BSI)

¹³ a et leh, kotkhak bul, sûtpi bul ah sepai hotu liante leh pengkul mutte lak ah lengpa ding chu a mu ta’n; chuleh, a gam sung ah mipi zosia kipak tak ah pengkul mutte leh La sate’n lengpa lawm ah thil gihawi chitin tawh kithuate chu a mu tai. Athaliah in a puan a botthêk ah, “Kidawha bawlna! Kidawha bawlna!” ti’n a kiko a.

2 KHANGTHU 23:13 ပူးပေါင်းရင်းမြစ်များ

2 LENGTE 11:14

a en ah, a thil hi’dan sek gual un, lengpa chu khuam kiang ah chun a ding ah, lengpa kiang in sepai hotute leh pengkul mûtte a ding ua, a gam ah mipi zosia kipak tak mai in a um ua, pengkulte a mût tau a. Athaliah chun a puante a hun botthêk ah, “Dawha! Dawha!” ti’n a hung kiko tai.

2 LENGTE 23:3

Ziazaw chun, Lengpa chu khuam pakhat bul in a hung ding ah, Lalpa hiatsakte leh a dan thupiakte chu pha tak ah zawm ding leh, hi’ding ah a hilnate chu lungthim leh thagau ah ti tak tak ah zui dingin leh, lekhabu kizik gual gual ah hi’ding um taphot chu hi zel dingin thu a tiam a. Tichun, mipi zosia chule zia thuthung ah chun a hung ding tau hi.

2 LENGTE 9:13

Kin tak in a leng un a puansilteu chu a lau ah a chiana dingin kalbite ah chun a pha tau ah; chuleh, pengkul a mut ua, “Jehu leng ahi,” ti’n tâng a sam tau hi.

2 LENGTE 9:23

Ziaphatchun, Joram chu a kihei kual ah a jam tai. Ahaziah kiang in, “Ahaziah, Kithepna ahi!” a ti malam a.

1 KHANGTHU 12:40

Chuleh, Israel gam ah kipakna nasa tak a um tak ziakin, a unauteu Issakhar tawh Zebulun tawh Naphtali lam pek ah kipat in, sa leh bu, theiga, grep ga, uain tawh sathau haw chu tam tak, sabiltungte, sangawngsaute, sakolte a hun puaksak un, bawngchal leh belamte natiang a hun tawl suk tau hi.

1 KHANGTHU 15:24

Thiampute lak ah Shebaniah, Joshaphat, Nathanel, Amasai, Zekariah, Benaiah leh Eliezer cheng hi, Pathian Thuthung thingkuang ma-âng ah pengkul mût dingah guatdaw a hiu ah, Obed-edom tawh Jehiah chule thuthung thingkuang umna kotkhak vêng ah pang dingah guat a hiu hi.

1 KHANGTHU 15:27

David tawh Levite lak ah Thuthung thingkuang jawnte tawh, La sate leh La sate lakah puitu Kenaniah cheng chu puan malngat in a kivan un; David chu puan malngat ah kisiam thiampu puanâk in a kithuam hi.

2 KHANGTHU 23:12

Athaliah in mipi tai lumlet leh lengpa choihoina husa a het phat in, Lalpa In sung ah mipite kiang in a vachia a;

2 KHANGTHU 23:14

Ziaphatchun, thiampu Jehoiada chun sepaite chung ah thunei sepai hotute chu a hun puidok ah, a kiang un, “Sepaite lak ah kipat in hun puidok unla, ama zui taphot chule chemjam ah satlup ding a hiu,” ti’n a hun gen a. Chuleh, thiampu (Jehoiada) chun: “Lalpa In sung ah hin vang that kiu in,” ti a la gensa ahi.

2 KHANGTHU 34:31

Lengpa chu ama munin a ding ah, Lalpa thu zui ding leh, a thupiakte vopdet ah, a thuthungte leh a dan thuguatte chu a lungthim zosia leh a thagau zosia ah zui ding leh, zia lekhabu kizik dungzui ah thuthungte chu bawl vek dingin, Lalpa kiang ah chun thuthung a hun bawl tai.

SAM 14:5

Pathian chu mi dikte lakah a um sek ziakin, zia tak ah chun lauthawng in um ta’n au.

THUPILTE 11:10

Midik in vangphatna a don phat leh, khawpi sung ah mite a kipak sek un; mi nunsia a thi phat leh mite’n a awi-âm sek ui.

THUPILTE 29:2

Midikte thunei ah a pan phat ua leh mipi a kipak sek un; ahi’n la, migilo in vai a hawm phat leh mipi a thûm sek ui.

THUGENTU 9:12

Kuama’n a chung ah siatna hung tung ding chu a helawk thei paw’ngal a. Sanga lên ah awk gual leh, vacha thâng ah awk gual in, mihingte chung ah le siatna chu a hung tung phut sek hi.

EZEKIEL 46:2

Lengpa chu hulliap lam ah kipat hung lût in, kotbul ah khuam kiang ah chun ding hen. A hâlmang thillat tawh, a kichamna thillatte chu thiampu’n lat piak intin, ama chun kotbul ah kipat bokkhup in ho ta’n tin; chuleh, pawtdok kit ta’n a. Himaleh, kotpi chu nitâk masia khâk lo ding ahi.

VAIHAWMTE 7:8

Sepaite khut ah kipat bêl leh pengkulte chu a lâkpiak ah; a dang Israelte sia chu, amau giabuk lam chiat un a chia kit tau ah; mi zathumte bep chu a um den tau hi. Midiante giamun chu a nuai tak ua, phâijawl ah um ahi.