2 KHANGTHU 22:6 - PATHIAN LEKHABU THIANGTHO (BSI)

⁶ Aramte Lengpa Hazael a vado’na Ramah khua a valiamna sukdamna ding ngaitua in, Jezreel khua’n a kile’kit a. Chuleh, Ahab chapa Jehoram damlo entha dingin Judai gam ah Lengpa Jehoram chapa Ahaziah chu Jezreel khua’n a chia suk tai.

2 KHANGTHU 22:6 ပူးပေါင်းရင်းမြစ်များ

2 LENGTE 8:29

Lengpa Joram chu Aram ah Lengpa Hazael tawh a kido lai un, Aram mite’n Ramah ah a sukliamnau be chu hi’dam dingin Jezreel ah a kilêkit a. Judai gam ah Jehoram chapa, Lengpa Ahaziah chu Jezreel ah Ahab chapa Joram a liam tak ziakin, a ve dingin a chia suk tai.

2 LENGTE 9:15

himaleh, Lengpa Joram chu Aram lengpa Hazael tawh a kido lai ua Aram mite’n a sukliamnau be chu sudam dingin Jezreel ah a la kile’kit ta’n. Tichun, Jehu in, “La lung lam uh a hinâk leh kuama’n khawpi ah kipat a la kilepdok in Jezreel ah chanchin hi vatut kiu hen,” a tia.

2 KHANGTHU 21:17

Judai gam do in a hung kuan tau a; tichun, lengpa nei thil zosia, a chapate leh a jite zosia, a chapa naupang pen Jehoahaz tilo sia chu a pawmang tau hi.

2 KHANGTHU 22:1

Jerusalem khua chêngte chun a neupen Ahaziah chu a go a luasak tau ah; a chapa lianzaw te zosia chu Arabte tawh pang khawm sepai honte chun a la that gam tau a. Tichun Jehoram chapa Ahaziah chun Judai gam ah leng ah pang in vai a hawm tai.

2 KHANGTHU 22:5

A thuhilnau chu a mat ziakin, Ramoth-gilead ah Aram khua’ Lengpa Hazael vado, Israelte Lengpa Ahab chapa Jehoram chule a vapanpi hial a. Aram mite chun Jehoram chu a hun kâpliam tau a;

2 KHANGTHU 22:7

Himaleh, Jehoram entha a chia phat leh, Ahaziah in siatna a tuak ding chu Pathian in a la guanggal sa ahi. Zia mun chu a tun phatin, Jehoram tawh kiton in Nimshi chapa Jehu mu dingin a chiauah, Jehu chu Ahab Inkuante sumangthai dingah Lalpa‘n a la guatsa chu ahi’n.

JOSHUA 15:56

Jezreel, Jokdeam, Zanoah,