2 KHANGTHU 22:11 - PATHIAN LEKHABU THIANGTHO (BSI)

¹¹ Himaleh, lengpa chanu Jehoshabeath chun Ahaziah chapa Joash chu, lengpa thalup ah um ding haw lak ah kipat in a la gudok ah; zia nausen chu a donnu tawh lupna pindan in a la sêlgu ta’n. Tichun, Lengpa Jehoram chanu, thiampu Jehoiada ji Jehoshabeath chu Ahaziah suapinu a hiziak in, Athaliah in a thalup lo dingin a la sêlgu ta’n;

2 KHANGTHU 22:11 ပူးပေါင်းရင်းမြစ်များ

2 SAMUEL 7:13

Ama chun ka In ding ei sak piak intin; tichun, a lenggam lalchutpha chu kumtuang dai dingin sukdet piak ing ka.

1 LENGTE 15:4

A banghileh, Lalpa a Pathian in David ziakin, Jerusalem tungdok kit ding leh, a nung ah a chapa tungding dingin Jerusalem ah thaumei a la pia tai.

2 LENGTE 11:2

Himaleh, Lengpa Joram chanu, Ahaziah suapinu Jehosheba chun Ahaziah chapa Joash chu a puiah, lengpa chate tha ding ah umte lakah kipat chun a la gudok ta’n; ama tawh a enkolnu chu lupna pindan pakhat in a koi tai. Zia gual ah chun Athaliah ah kipat in a sêl mang ah, tha in a um ta puai;

2 KHANGTHU 21:7

Himaleh, David kiangah thuthung a siam ziak leh, ama leh a suante tiang ah vaihawm ah pang zing ding a la tiam tâk ziakin, Lalpa‘n David Inkuan chu a sumangthai ziang nuam tadi puai.

2 KHANGTHU 22:10

Ahaziah nu Athaliah in a chapa chu a thi tai ti a het phat in, Judah Inkuan ah lengpa In sung mi zosia that gam dingin a kipan tai.

2 KHANGTHU 22:12

chuleh, Athaliah vaihawmna kum guk sung chu Pathian In sungah a kiang un a kisêl den tai.

2 KHANGTHU 23:1

A kum sagi’na chun Jehoiada thangtawm in sepai hotu lian pangate tawh kihotuak in, thuthung a siam tau a; zia sepai hotu liante chu: Jehoram chapa Azariah, Jehohaman chapa Ishmael, Obed chapa Azariah, Adaiah chapa Maaseiah leh Zikhri chapa Elishaphat a hiu.

SAM 33:10

Lalpa‘n nam tin lunggel chu bangmalo a chansak ah; mi tin thil guanggal chu bangmalo a suaksak sek hi.

SAM 76:10

La lungnatna la kitûk tânsak phat leh, mihingte lungnatna chun hun chawisâng in au.

PAWTDAWNA THU 8:3

Luipi chu ukêng in dim intin, ziate chu la In sung ah te, la lupna pindan sung ah te, la lupna chung ah te, la miliante In leh la mipite In sung ah te, la thukkhûk ah te leh la vaithum mêkna kuang sung ah te hung lut in au.

THUPILTE 21:30

Lalpa doi lo lam ah mihing pilna, hetthiamna leh lem guatna lawting a um ngai puai.

ISAI 65:8

Lalpa‘n zia gual hin a gen ah: Grep bawk lak ah a pha khen khat a um ziakin, min, “A lak ah pha khenkhat a um ziakin, susia sik sek ziang kin?” a tiu a; tichun, zia gual chun hawi ing ka tin, a leng in hise suak ziang pua’ng ka.

NASEPTE 4:28

la khut leh la lemguatna ah la guatlawk taphot chu, hung guitun sak ding in.