2 KHANGTHU 21:20 - PATHIAN LEKHABU THIANGTHO (BSI)

²⁰ A vaihawm lim ah khan kum sawmthum leh ni mi ahi’n; Jerusalem khua’n kum giat sung vai a hawm hi. Ama ngaina khat chale umlo in a thi tai. David khawpi chun a vui sam un, lengte thân vang a chang zo puai.

2 KHANGTHU 21:20 ပူးပေါင်းရင်းမြစ်များ

2 LENGTE 8:24

Tichun, Joram chu a pu leh pate kiang in a ipmu ta’n, amau kiang ah David khawpi chun a vui tau hi; a chapa Ahaziah chu leng in a hung pang tai.

2 KHANGTHU 23:21

Tichun, chemjam ah Athaliah a satlup ua kipat in, a gam sung ah mipi zosia chu a kipak ma mau ah, khawpi sung chule gâl muang tak in a um tai.

2 KHANGTHU 24:16

Israelte â ding leh Pathian leh a In â ding ah thil a bawl phat ziak in, David khawpi chun lengte lakah vui ahi tai.

2 KHANGTHU 24:25

Nasa tak ah a liam nung in a gâlteu in a nusia tau ah, thiampu Jehoiada chapa a thâlup ziakin, a suakte chunle ama chu a lupna chung in a that tau hi. A thi phatin, David khawpi chun a vui tau ah, lengte thân in vang a vui puau hi.

2 KHANGTHU 26:23

Uzziah chu a pu leh pate kiang ah a i-mut phatin, “Phâk ahi,” a ti ziak un, lengte kivuina mun ah chun a vui puau hi. A chapa Jotham in a thasâng in vai a hawm tai.

2 KHANGTHU 28:26

Tu’hin, a thilbawl leh umchan dang haw chu, a masa pen ah kipat a tawp tiang in, Judai gam leh Israel gam ah Lengte Chanchin zikna Lekhabu chun zik lut suak ahi.

2 KHANGTHU 28:27

Ahaz chu a pu leh pate kiang in a ipmu ta’n, Jerusalem khawpi chun a vui tau a; Israel lengte kivuina thân ah chun vang a vui puau hi. A chapa Hezekiah chun a thasâng in vai a hawm tai.

2 KHANGTHU 33:20

Tichun, Manasseh chu a pu leh pate kiang in a ipmu ta’n, ama In ah chun a vui tau hi. Ama chapa Amon in a thasâng in vai a hawm tai.

THUPILTE 10:7

Midik hetzingna chu vangphatna ahi’n; mi nunsiate min chu muat mang kawm in a.

JEREMIAH 22:18

Ziaziakchun, Lalpa chun Judai gam ah Josiah chapa, Lengpa Jehoiakim chungchâng ding thu zia gual hin a gen a: “Aw, ka suapipa!” Ahiloleh, “Katei, ka suapinu!” a hem ti’n ama cha sûn pua’n au. “Katei, Lalpa!” Ahiloleh, “Katei, a ja’umna chu!” ti inle ama chu sûn pua’n a.

JEREMIAH 22:28

Zia hi bêl sesa, kuama’n bangma a ngai lo leh, kuama’n a dawi tâk lo uh, Koniah kha hilo ahi em? Bang ding ah ama leh a suan leh pâkte chu, a het ngai lo nau gam ah, nawdaw ah um ziang a hitau em?