2 KHANGTHU 21:16 - PATHIAN LEKHABU THIANGTHO (BSI)

¹⁶ Ethiopiate kiangah um, Philistin leh Arabte chu Jehoram do ding in Lalpa‘n a hun choktho ta’n.

2 KHANGTHU 21:16 ပူးပေါင်းရင်းမြစ်များ

2 SAMUEL 24:1

Israelte chung in Lalpa lungnatna a hung puangjak kit in, a jakda lam tak bawl dingin David a chokphûl ah, ama chun, “Chia in la, Israel leh Judai gam ah mipi hi vasim in,” ti’n a sawl a.

1 LENGTE 11:11

Ziaziakchun, Lalpa‘n Solomon kiang in, “La lunggel chu zia hi a la hita mai ah, ka thuthung leh la kiang ah ka thupiak ka thugelte la vop tâk lo ziakin, lenggam chu nang ah kipat botdok ing ka tin, la suakpa kiang ah pia ding ka hi.

1 LENGTE 11:14

Ziaphatchun, Lalpa chun Solomon kãl ding mêlma, Edom mi Hadad a tungdok ah; ama chu Edom ah leng Inkuan ah mi ahi.

1 LENGTE 11:23

Solomon kãl him him dingin Lalpa‘n mêlma dang khat, Eliada chapa Rezon a tungding ah; ama chu a pu Zobah khua Lengpa Hadadezer ah kipat taimang a la hi.

2 KHANGTHU 17:11

Philistinte lak ah khenkhatte chun, Jehoshaphat kiang ah thilpiak leh lei man ding dangkate le a hun piau ah; Arabte chunle belamchal sang sagi leh za sagi tawh, kêlchal sang sagi leh za sagi le a hung piau a.

2 KHANGTHU 22:1

Jerusalem khua chêngte chun a neupen Ahaziah chu a go a luasak tau ah; a chapa lianzaw te zosia chu Arabte tawh pang khawm sepai honte chun a la that gam tau a. Tichun Jehoram chapa Ahaziah chun Judai gam ah leng ah pang in vai a hawm tai.

2 KHANGTHU 26:7

Pathian in ama chu Philistinte leh Gurbaal ah chêng Arabte leh Meun mite do dingin a kithuapi a.

2 KHANGTHU 33:11

Ziaziakchun, Assuria lengpa sepaite hotu haw chu Lalpa‘n hun sawl in, Manasseh chu man in thikkhau lingnei leh kol busak in, Babulon khua lam in a pui mang tau hi.

EZRA 1:1

Persia gam ah Lengpa Kuras lal kum khatna’n, Jeremiah kiang ah Lalpa thugen a guitun theina dingin, Lalpa chun Persia Lengpa Kuras in lekhazik ah gam sung pumpi’ tângsam ding sawl dingin a lungthim a hun choktho ah, zia gual hin tâng a sapsak a.

EZRA 1:5

Judah leh Benjamin phung ah luchangte leh thiampute leh Levite lak ah Pathian Thagau in, Jerusalem khua Lalpa In sa ding ah a chaw’phul zosia chu a kuan ziang dingin a kisa zo tau a.

JOEL 3:5

Ka dangka leh sanate leh ka go thilpha zosia la tempul uh cheina dingin la kipuak mang zo ta’ngal un.

AMOS 1:6

Lalpa‘n zia gual hin a gen hi: Gaza bawsiatna pathumte ziak leh, palite ziakin, a chung ua gawtna ding chu lamang pua’ng ka; amau in Edomte kiang ah piak dingin nam pumpi chu, sal in a pui lût ngal un.

AMOS 3:6

Khawpi sung ah launa umlo in kuan, pengkul a mût ngai ah a hem? Lalpa sawl hilo in siatna’n khawpi a tun khum ngai em?

1 SAMUEL 26:19

Tu’hin, ka lalpa, lengpa chun a suak thugen hi a la ngai in. Keima thalupna ding ah hun tîl chu Lalpa ahi chun, a kiang ah kithoina thilpiak chu pom ta hen; himaleh, a hun tîl chu mihing ahileh vang, Lalpa ah kipat ka gochan ding lai nusia in, ‘Chia inla, pathian dangte na sêm in,’ ei ti ziakin tu’ni tiang ah del châkvai ah ei umsak ziakin, Lalpa ma ah hânsia law in um tau hen.