2 KHANGTHU 21:10 - PATHIAN LEKHABU THIANGTHO (BSI)

¹⁰ Ziaziakchun, Judah mite’n a chung ua vai a hawm uh a lungawi lo ziak un, Edomte chu tu’ni tiang hin a kiphin den tau hi. A pu leh pate Pathian, Lalpa chu a kiheisan tâk ziak un, zia hun ah chun Libnah khua mite chun a lalna paithâk gua’n a hung kiphin tau hi.

2 KHANGTHU 21:10 ပူးပေါင်းရင်းမြစ်များ

1 LENGTE 11:31

Ziaphatchun, Jeroboam kiang in: Phel sawm kilâk in; Lalpa, Israelte Pathian in zia gual hin a gen tai: “En in, lenggam chu Solomon khut ah kipat botdok ding ka hi’n, nam sawmte chu nang hun pia ding ka hi.

1 LENGTE 11:33

kei ei nusia in, Sidonte pathiannu Ashteroth (Astarte le kiti,) Moabte pathian Khemosh leh, Ammon mite pathian Milkom a ho ta’n, a pa David hi gual ah ka lampite zui talo in, ka mit mu ah thil dik hi’dingte, ka thugelte leh ka dan bawlte vop talo ah a um ziak ahi.

2 LENGTE 19:8

Rabshakeh chu a chia kit phatin, Assuria lengpa chun Libnah khua a la sim lai tak a vatuak kha ta’n: Lakish ah kipat ah chun a kipandok hi ti a hiatsa him a hia.

2 KHANGTHU 13:10

Kei haw ka hiu leh vang, Lalpa chu ka Pathian uh ahi’n, ama chu ka nusia ngai puau hi. Lalpa kiangah sêm ding thiampu Aron leh Levi suante lak ah mi ngen ka nei uh ahi.

2 KHANGTHU 15:2

Asa kiang in a chia ah, zia gual hin a genah: “Lengpa Asa leh Judah leh Benjamin phung ah mi zosiate haw, ka thugen hi ngai tiam un: Lalpa ah la um sungsiau chu ama’nle a hun umpi hi. Ama la bawlphat ua leh hung kimusak intin; ahi’n, ama la nutsiau leh vang ama’nle hun nusia ngal ding ahi.

2 KHANGTHU 21:11

Zia bep chule hilo in, Judai tânggam ah chun thoimualte a siam ah, Jerusalem khua chêngte chu thanghuai tak in a pui chavai ah; tichun, Judai gam ah mipite chu a pui mang tai.

2 KHANGTHU 21:8

Jehoram leng ah a pan sung in, Judai gam ah vai hawm khum nuam lo in, Edom mite a hung kiphin tau ah; tichun, amau â ding leng a chuam a kisiam tau hi.

2 KHANGTHU 21:9

Ziaphatchun, Jehoram inle a sepai hotute tawh a kângtalai sepai zosia pui ah do dingin a kipan tauah. Ama leh a kângtalai sepaite zosia a la ûm kîmvêl suak ta Edomte chu jan kâl in a hun do pan tau a.

2 KHANGTHU 28:6

A pu leh pateu Pathian, Lalpa a la nutsia tâk ziak un, Remaliah chapa Pekah chun ni khat sung bep in, Judai gam ah sepai hat leh hangsan ngen nuai khat leh sîng ni hial a that tai.

ISAI 1:28

Ahi’n, migilote leh thil hikhial te chu, hisiat khawm in um ta’n tin uh; chuleh, Lalpa ngaisaklote chu, sukchimit in um in au.

JEREMIAH 2:13

Ka mite’n thil pani a hi’khial ta’ngâl un: Tuinâk hing keima ei nusia in, tui um thei lona bêlsia gual, tui bêlte a kisiam ui.

JEREMIAH 2:19

La nunsiatnau in hun gawt intin, la nungtolnau in hun kophil in a. Lalpa la Pathian uh la kihei mang san uh hi, nang uh a ding ah thil phalo tak leh, khawk tak ahi ti hia’n, muchian tau in; keima hi lei kicha mawng mawng puau hi, ti’n sepai honte Lalpa Pathian in a gen hi.

DAN LEKHABU 31:17

Ziaphat chuleh, a chung ua ka lungnatna kuangjak intin, amau chu kilepsan ing ka tin, ka mai sêlgu ta’ng ka; thil phalo leh tizat um tak in hun chup ta’n ah. Zia ni phat chuleh, ‘I Pathian un ei umpi lo ziak ah zia gual buainate hi tuak hi talo I hiu em leh?’ ti’n tiu in.

DAN LEKHABU 32:21

Ka thangthîpna chu, pathian taklote chung in a choktho un; a milimteu chun ei choklungnau hi. Ziaziakchun, bangma hilote, suklungnat sak ing ka tin, mingol namte thangthîpsak ing ka.

JOSHUA 10:29

Chuleh, Joshua tawh Israelte zosia chu Makkedah khua kipat chun Libnah khua a zuan ua, Libnah khua chule a do tau a.

JOSHUA 21:13

Thiampu Aron suante â dingin, mi thatkhate tailutna ding ah bitna khawpi Hebron leh a gancha tatna ding gam leh, Libnah khua leh a gancha tatna gam zosia,

VAIHAWMTE 10:13

Chuti sapi’nle, lei kiheimangsan tei tei un, pathian dangte lei ho san sek un; ziaziakchun, tu’hin vang hun hukdok talo ding ka hi.