2 KHANGTHU 21:1 - PATHIAN LEKHABU THIANGTHO (BSI)

¹ Jehoshaphat chu a pu leh pate kiang ah chawldam dingah a chia phatin, David khawpi chun a pu leh pate kiang in a vui tau hi; a chapa Jehoram in a go a lua tai.

2 KHANGTHU 21:1 ပူးပေါင်းရင်းမြစ်များ

2 SAMUEL 2:32

Asahel luang chu a lau ah, Beth-lehem khua, a pa thân mun ah chun a vui tau a. Jan khawvak in Joab tawh a sepaite chun lam a zawt un, Hebron a tun un khua a vâk pan bep hi.

1 LENGTE 22:50

Jehoshaphat chu a pu leh pate kiang in a ipmu tai. Chuleh, a pu leh pate kiang in a pa David khawpi ah a vui tau hi; a chapa Jehoram in a lalna a lua tai.

2 LENGTE 8:24

Tichun, Joram chu a pu leh pate kiang in a ipmu ta’n, amau kiang ah David khawpi chun a vui tau hi; a chapa Ahaziah chu leng in a hung pang tai.

2 KHANGTHU 12:16

Rehoboam chu a pu leh pate kiang in a ipmu ta’n, David khawpi’ vui in a um tai; ama thasâng in a chapa Abijah chu leng in a pang tai.

2 KHANGTHU 20:37

Ziaphatchun, Maresha khua Dodavalu chapa Eliezer chun Jehoshaphat chung ah thil hung tung ding haw chu zia gual hin a gen tai: “Ahazia tawh la kithua ziak un, Lalpa‘n la thilbawlteu chu hun susia ding ahi,” a ti tai. Tichun, a long siamdawteu chu a sia sik sek ah, Tarshish lam in a chia thei ta puai.

2 KHANGTHU 21:20

A vaihawm lim ah khan kum sawmthum leh ni mi ahi’n; Jerusalem khua’n kum giat sung vai a hawm hi. Ama ngaina khat chale umlo in a thi tai. David khawpi chun a vui sam un, lengte thân vang a chang zo puai.

2 KHANGTHU 9:31

Solomon chu a pu leh pate kiang ah chawldam dingin a thi ta’n; a pa David khawpi chun vui in a um tai; chuleh, a chapa Rehoboam chun a go a lua tai.