2 KHANGTHU 20:6 - PATHIAN LEKHABU THIANGTHO (BSI)

⁶ zia gual hin a hun genah: “Aw Lalpa, ka pu leh pateu Pathian, van ah Pathian hilo la hem? Khawvel ah nam tinte lenggam zosia chung ah vaihawm hilo la hem? Nangma khut ah thilhitheina leh hatna zo ding kuama a um puau hi.

2 KHANGTHU 20:6 ပူးပေါင်းရင်းမြစ်များ

1 LENGTE 8:23

Zia gual hin a gen a: “Aw Lalpa, Israel Pathian, nang tawh bang Pathian chung lam van ah ahiloleh nuai lam lei ah a um puai, lunggil zosia tawh la ma ah um, la suakte â dingin thuthung leh hepina det tak la vop zing hi;

1 LENGTE 8:30

La suak hi tawh la mi Israelte’n zia mun lam nga a pauchap tak ua leh a dotnau chu van ah la chênna kipat in ngaitha sek inla, ngaidam in.

1 KHANGTHU 29:18

Aw Lalpa, ka suantubul uh Abraham, Isak leh Jakob Pathian, la mipite hin zia gual lungthim hi a put zing theina ding un, a lunggil uh hi hi’det piak in.

2 KHANGTHU 20:5

Jehoshaphat chu Jerusalem khua’ Lalpa In ah vaihawmna pindan thak ah chun, Judah mipite zosia mai ah chun a hung dingdokah;

2 KHANGTHU 25:8

Nanghaw ngei vakuan unla, vado ziang un; hangsan tak in gâl chu do ziang in; achutiloleh, Pathian in la gâlte âng ah hun mualphosak mai ding ahi; Pathian in a nop leh a hun panpi thei in, a nop leh hun panpi lo ziang thei ahi ngâl ah,” ti’n a vagen a.

2 KHANGTHU 5:14

Tichun, Pathian In chu Lalpa lopina sûmpi’n a lua dim tâk ziakin, thiampute chunle na a sêm sêm thei ta puau hi.

2 KHANGTHU 6:14

Aw Lalpa, Israelte Pathian! Lei leh van ah nangma gual Pathian dang him him a um pua’n, a lungthim zosiau ah nangma hun zui la suakte chung ah hin, la thuthung supiting in la hepi sek a;

JOB LEKHABU 9:4

Ama chu lunggil ah pil leh, thilhitheina hat ahi ngâl ah, ama dodâl ah lawting ding kua a hem um?

SAM 115:3

Ka Pathian uh chu vante ah khin a um in; a nop dan dan in bangkim a bawl sek hi.

SAM 46:11

Sepai honte Lalpa chun ei umpi hi; Jakob Pathian chu I kisêlnau ahi.

SAM 47:2

Lalpa, Chungnung Penpa chu a tizat um ngal ah; lei chung zosia ah lal Chungnung pen ahi.

SAM 47:8

Pathian in namtin chung ah vai a hawm in; Pathian chu a lalchutpha thiangtho in a kichu’i.

SAM 54:1

Aw Pathian, la thilhitheina’nei hukhing inla; la thahâtna’n vai ei hawm piak in.

SAM 62:11

Pathian in khatvei a gen ah; zia chu nivei ka he ta’n: thuneina chu Pathian â ahi’n,

PAWTDAWNA THU 3:6

Ama chun a gen zom pek ah, “Keima hi la pa Abraham Pathian, Isak Pathian leh Jakob Pathian chu ka hi,” a tia. Mosi’n Pathian a et ngam lo ziakin a mai chu a sêl tai.

ISAI 14:27

Sepai honte Lalpa guanggal ahi ngal a, kua’n thulsak thei ding a hem? A khut a thâkdaw tâk ngal leh, kua a hem jukkitsak thei ding?

ISAI 66:1

Lalpa‘n zia gual hin a gen hi: Van chu ka lalchutpha ahi’n, lei tual hi ka keng ngakna ahi; kei â ding ah khoi tak ah In ei sak piak ding la hiu ah, ka chawldamna ding mun chule khoi tak hiding a hem?

JEREMIAH 49:19

Jordan lui gâl nângbuk lak ah, sakeibaknei hung pawtdok in gantatna mun a hun zot gual in, Edomte chu phutlo halo in hun delmang ing ka tin; a chung ua vaihawm ding ah ka doitêl taphot hun guat ding ka hi. Kei tawhbang kua a hem um? Kua a hem ei ko ngam? Kua belampu a hem ei lang ngam um?

DANIAL 4:17

Zia thu hi mi thiangthote thupukna dungzui ah, vêngtute thupuan chu ahi; tichun, Hatchungnung pen in, mihingte lenggam zosia chung in thu a nei hi; ama’n a nop tapote â dingin lenggam a pia, mi niampente chule a chung un a koi sek hi, ti hi mi zosia’n a hiattheina ding un,’ ti’n a hung kiko tai.

DANIAL 4:25

Nangma chu mihingte lak ah kipat nawdaw in um in la tin, gamsate lak in hung chêng ta’n la. Chuleh, Hat Chungnung in mihingte lenggam chung in vai a hawm in, a nop nop kiang in lenggam a pesek hi, ti la hun hetdaw masang sia, hun sagi sung chu bawngchalte gual in hampa nêksak ah um in, van dâichîm in hun chapzing ta’n a.

MATTHAI 6:13

Gilo ding ah thepna hun in ei puilût kin la, gilo lak in ei hukdok zaw’n: Gamte, thil hi’theinate, lopinate, kumtuang in nang â ahi, Amen,” ti in.

MATTHAI 6:9

Zia hi la pauchap dan ding uh chu ahi: “Ka Pau van ah um, la min ja in um hen la,

NASEPTE 11:17

Lalpa Jesu Khrista a gin phat un, Pathian thilthawnpiak, eihaw ei piak gual kha a kiang ua a piak tâk nung ah chun, kei hin Pathian nial ding gual ka hem?” a ti’n.

ROMTE 9:19

Nang un ka kiang in, “Bangatia ei dem zing a hem? A doilam kua’n a nang zo ah a hem?” ei tiding la hiu a.

DAN LEKHABU 4:39

Ziaziakchun, Lalpa chu Pathian, chung lam ah van leh nuai lam ah lei ah hin ama tilo a dang umlo ahi ti hen, la lunggil un ngaitua zing tau in.

JOSHUA 2:11

Zia thute chu ka la het phat un, ka ngaituanateu chu a timaw gawp ngâl ta’n; nang uh ziakin hânsanna nei ka um ta puau ah. Lalpa la Pathian uh hi chung lam van leh nuai lam lei ah Pathian tak tak chu ahi ngâl a.