2 KHANGTHU 20:3 - PATHIAN LEKHABU THIANGTHO (BSI)

³ Jehoshaphat chu a lau ma ma ziang ta’n; Lalpa a hun hawl phatin Judai gam pumpi anngawl ah pauchap ding thu a hun puang tai.

2 KHANGTHU 20:3 ပူးပေါင်းရင်းမြစ်များ

2 KHANGTHU 11:16

Israel nam lak ah Lalpa Israelte Pathian lam lunglenna nei zosia chun a hun zui un, a pu leh pateu Lalpa, Pathian kiangah kithawi dingin Jerusalem khua chun a hung tau hi.

2 KHANGTHU 19:3

Zia gual chu hitamaleh, gam sung ah dawikhuamte la suksiat ziak leh, la lunggil tak ah Pathian lam la ngat ziakin, nangma ah chun phatna khat a um tho tho hi,” ti’n a gen a.

2 KHANGTHU 7:14

ka min pu ka mipite a hung kingaitawm ua, a hung pauchap ua, ka mêl a hun hawl ua, a nun siatnau lampi a hun kiheisan phat ua leh, van ah kipat hun ngaitha’ng ka tin, a gitlonateu ngaidam in, a gam uh hi’dam kit ding ka hi.

NEHEMIAH 9:1

Zia tha ah a ni sawmni leh li ni chun, Israel mipite chu anngawl ah saidip puan sil in, leivui kibuak khum in a kikhawm tau a.

ESTHER 4:16

“Chia inla, Susa khua Juda mi zosia ko khawm inla, kei â dingin anngawl in pauchap un; sûn thum leh jan thum sung chu bangma ne lo leh dawn lo in um chiat un. Nanghaw’n la bawl gual un kei leh ka nasêm nungakte hinle bawl ing kau. Ziazaw chuleh, dan lo gual tak himaleh, lengpa kiang in vachia ing ka; ka manthai leh ka manthai himai hen,” ti’n a gen tai.

JEREMIAH 36:9

Judai gam ah Lengpa, Josiah chapa Leng Jehoiakim lal kum ngana, tha kua a ti’n ni chun, Jerusalem ah mi zosia tawh, Judai gam khawpi kipat Jerusalem ah hung khawm zosia chun Lalpa âng ah anngawl ding thu a puang tau a.

DANIAL 9:3

Ziaphatchun, anngawl ah saidip puan sil ah vut lak ah kitung in, Lalpa lam nga’n pauchapna leh dotpiakna ka nei ta’n.

JOEL 1:14

Anngawlna mang thiangtho unla, mipi kikhopna gun tak bawl un. Lalpa la Pathian In uh chun, upate leh zia gam ah chêng zosia chu kikhawm unla, Lalpa ko tau in.

AMOS 5:4

Lalpa‘n Israel Inkuan kiang in zia gual hin a ti ngal a: Ei hawl un, tichun hing in lau;

JONAH 1:16

Ziaphatchun, mite chun Lalpa a lau zaw diak tau a; tichun, Lalpa kiang in kithoina a lân ua, thutiamte a bawl tau hi.

MATTHAI 10:28

Taksa bep thatthei, thagau that theilo chu lau kiu inla; taksa leh thagau susia thei ah, gawt mun ah koithei nalai chu lau zawu in.

VAIHAWMTE 20:26

Ziaphatchun, Israel mipi zosia tawh sepai zosia chu Bethel ah chia kit in, Lalpa âng ah kitung ah kap in, nitâk lam tiang in an a ngawl tau a. Chuleh, Lalpa âng ah hâlmang thillat leh kichamna kithoina thillatte a lân tau a.

1 SAMUEL 7:6

Tichun, mipi zosia Mizpah ah hungkhawm in, tui a khai un; kithoina thillat in zia tui chu Lalpa âng in a sungtha tau a. “Lalpa chung in ka la bawlkhial tau hi,” ti’n, zia ni chun an a ngawl tau a. Tichun, Samuel in Mizpah ah kipat in Israel zosia chung in vai a hawm tai.