2 KHANGTHU 20:24 - PATHIAN LEKHABU THIANGTHO (BSI)

²⁴ Judai gam ah mite chu gamthip ah gâlvên buksâng a hung tun phat un, mipite umna lam chu a vak thîl ua leh, pakhat chale suakcha lo ah mithiluang kizam tek tuk haw chu a mu tau hi.

2 KHANGTHU 20:24 ပူးပေါင်းရင်းမြစ်များ

2 LENGTE 19:35

Zia jan ma ma’ chun, Lalpa vansawlchâk a hung ah, Assuria mite kikulna mun ah sepaite nuai khat leh sîng giat leh sang nga a that ah; jingkal khawvak phatin, a thisa ngen a la hitau hi.

1 KHANGTHU 5:22

Pathian melmate do a hiziak un duaisan a that puau hi. Sal ah pui mang ahi masiau zia gam ah chun a chêng den tau hi.

2 KHANGTHU 20:23

Ammonte leh Moabte chun Seir Tânggam ah chêngte chu a thâgam masiau a do tau ah; chuleh, Seir-te a thâgam zaw phat un, amau leh amau a kithat tua sau sau ziang tau hi.

2 KHANGTHU 20:25

Jehoshaphat tawh a mipite chu gâllâk thil chom khawm dingah a hung phat un, gancha hon tam tak tawh, van, nîk leh puan leh suangmantamte chu a puakkhop chiat un a kilâk tau a. Gâllâk thil a tam bêk ziakin, a chomkhawmna’n le ni thum sung a lut hi.

EZRA 9:14

la thupiakte botsia nalai ah, zia gual ah thil ki’dak um tak bawl mite hi tawh kichengpol nalai lai ding ka hiu em? A um nalai ding le um talo khop ah, a suakcha dingle um talo ding khop hial ah lei lungnat khum ma sia, ka chung un lungna zing talo ding la hia hem?

SAM 110:6

Namtin lak ah vaihawm intin, kidona phual chu mithiluang ah hi’dim in, lei chung zosia lengte luchang chu tan piak in a.

PAWTDAWNA THU 14:28

Tuite a hung luan mat kit phat in, sakol kângtalaite leh a chung ah chuang mite zosia tawh; Pharaoh sepai Tuipi ah a hun del zui zosiate chu, pakhat chale a suakcha umlo in a chup mang zo tai.

PAWTDAWNA THU 14:30

Zia ni chun Lalpa chun Israelte Aiguptate a kipat in a hukdok ah; Israelte chun Tuipi pang ah Aiguptate thi haw chu a muu a.

ISAI 37:36

Ziaphatchun, Lalpa vansawlchâk a hung kipandok ah, Assuriate giamun ah sepai nuai khat sîng giat leh sang nga a hung that ta’n; jingkal khua a hung vak phatin, mithi ngen a hitau a.

JEREMIAH 33:5

Ka lungnatna leh thangtawmna ziak ah ka thâlup dingte hung do ah, mithiluang ah hi’dim dingin Kaldaite hung ding a hiu; a gitlonau ziakin zia khawpi hi ka nungngatsan ahi tai.