2 KHANGTHU 20:21 - PATHIAN LEKHABU THIANGTHO (BSI)

²¹ Mipite kiang ah thu a gen zaw phatin, nibîk poimaw ah a kithuamna ding uh a siampiakte chu kithuam ah, Lalpa pâkna La sa ding ah a la guatdawsate chu hung kipan in; “Aw, Lalpa kiang ah kipak thu gen un, a ngilneina chun kumtuang a dai ngâlah,” ti’n sepaite âng ah chun a chiau a.

2 KHANGTHU 20:21 ပူးပေါင်းရင်းမြစ်များ

1 KHANGTHU 16:29

Lalpa min in lopina a kiang ah piau inla, thillat dingte chawi in, a kiang ah hung tau in. Thiangtho chungchuang in Lalpa chu biau inla;

1 KHANGTHU 16:34

Lalpa chu a pha ngal ah, a kiang ah kipak thu gen un; a ngilneina’n kumtuang a dai hi.

1 KHANGTHU 16:41

Lalpa ngilneina leh hepina’n kumtuang a dai ziak ah, a kiangah kipakna thu gen zing ding ah Heman, Jeduthun, leh midang a min uh taklat ah umte cheng chu guat a hiu hi.

2 KHANGTHU 30:21

Jerusalem khua mipi hungkhawmte chun, Thawipanglo Kût chu kipak tak in ni sagi sung a mang tau hi. Chuleh, thiampute tawh Levi chite zosia chun, thilgithei zosia tawh thua in Lalpa choihoina La ngai tak in a sa tau hi.

2 KHANGTHU 5:13

Pengkul mutte leh La sate mawpuakna chu: Lalpa pâkna leh kipak thugenna ding ah a thil githeiteu chu pakhat git gual ah hiat thei ding ah tumgit ahi, pengkul leh vai khutbette leh thil tumgit thei zosia tawh a awu hun sua in: “Ama a phat ziakin, a ngilneina chunle kumtuang a dai hi,” a tiu a; Ziaphatchun, Lalpa lopina sûmpi chun In chu a hun lua dim tai.

2 KHANGTHU 7:3

Israel mipi zosia chun vanah kipat mei hung ketha leh, Lalpa lopina’n Tempul a hun chup ziang chu a mu phât un, dawdan chung ah lei tual si hial ah bokkhup in, Lalpa ho in a kiang ah zia gual hin kipak thu a gen tau a: “Ama a phat ziakin, a ngilneina’n le kumtuang a dai hi,” a tiu a.

2 KHANGTHU 7:6

Thiampute chu a mun ding chiat un a ding un; Levite chunle Lalpa ma ah a thil githei tum dingteu chu a chawi chiat ua. Lengpa David in Lalpa choihoina dingah: “A ngilneina chun kumtuang a dai hi,” ti ah La a la guanggal dungzui in, amau tawh kimai ngat tua in, thiampute chun pengkul a hun mut tauah; ziaphatchun, Israel mipi zosia le a dingdok chiat tau hi.

NEHEMIAH 12:27

Jerusalem kulbâng latna ding ah chun, Levi mite chu limna, kipakna, La sakna, vaikhutbet, tumgitte leh tingtangte tawh kithua ah a lopna a hung pan theina ding un, a umnau chiat ah kipat Jerusalem ah hungkhawm dingin a hawl khawm tau a.

SAM 106:1

Lalpa chu pâk un! Aw Lalpa kiang ah kipak thu gen un, ama chu a pha ngal a; a ngilneina’n kumtuang dai ding ahi ngal a.

SAM 107:1

Aw, Lalpa kiang ah kipak thu gen un, ama chu a pha ngal ah; a ngilneina’n kumtuang a dai ngal a.

SAM 18:4

Thi’na khauhualte chun ei zem a; manthaina tuisânglêtte chun ei tawk ta’n;

SAM 29:2

Lalpa kiang in a min lopina piau inla, thiangtho hoina kijem in Lalpa ho tau in.

SAM 50:2

Hoina bukim in, Zion ah kipat Pathian in a salvâk tai.

SAM 90:17

Lalpa I Pathian doisakna chu, I chung un um hen la, I khut nasepteu chu maljawl in um hen la, ahi, I khut nasepteu chu, maljawl in um zing ta hen!

SAM 96:9

Thiangtho hoina’n Lalpa chu chibai hung bûk unla; leilung lua zosiate haw, a ma-âng in kithing tau in!

THUPILTE 11:14

Kikaihuaina umlo ziakin mite a pûk sek un; ahi’n, kawkmutu pil tamna chun bitna a um sek hi.

JEREMIAH 33:11

kipak limna aw gi leh, mopa aw leh monu aw leh, Lalpa In ah kipakna thilpiak lân ah Lâ sate chun: “Sepai honte Lalpa kiang ah kipak thu gen un, Lalpa chu a phatna ziak leh, a ngilneina’n kumtuang a dai ngâl a!” a ti’nau husate chu het in hung um kit ding ahi. Malai gual ah khan a vangphatnau chu, hun pia kit ding ka hi, Lalpa‘n a tii.