2 KHANGTHU 20:18 - PATHIAN LEKHABU THIANGTHO (BSI)

¹⁸ Ziaphatchun, Lalpa chu ho in Jehoshaphat in lei tual si hial in a bokkhup ah; tichun, Judah mipi zosia leh Jerusalem khua chêngte zosia chule Lalpa âng in a bokkhup chiat tau hi.

2 KHANGTHU 20:18 ပူးပေါင်းရင်းမြစ်များ

THILSIAM THU 24:26

Suakpa chu a kûn ah, Lalpa chu chibai a bûk ta’n;

2 KHANGTHU 20:19

Chuleh, Levi suan lak ah Kohath leh Korah chate chu Israelte Pathian chawihoi ah aw a ngai thei pen sua in a hung dingdok chiat tau a.

2 KHANGTHU 29:29

Thillat zaw phat chun, lengpa tawh a kiang ah um haw zosia chun, bokkhup in Pathian a ho tau hi.

2 KHANGTHU 7:3

Israel mipi zosia chun vanah kipat mei hung ketha leh, Lalpa lopina’n Tempul a hun chup ziang chu a mu phât un, dawdan chung ah lei tual si hial ah bokkhup in, Lalpa ho in a kiang ah zia gual hin kipak thu a gen tau a: “Ama a phat ziakin, a ngilneina’n le kumtuang a dai hi,” a tiu a.

NEHEMIAH 8:6

Ezra in, Lalpa Pathian lopi tak chu a chawihoi ah, mipite chunle, “Amen, Amen,” ti ah dawnhu in a khut teu a jak ua. Chuleh, a luchang uh kûn in, a maichang ua lei tual si hial hial in Lalpa chu a ho tau a.

JOB LEKHABU 1:20

Ziaphatchun, Job chu a dingdok ah, a puanâk a botthêk ah, a sam chu metmui in, lei tual ah kipuk in Pathian a ho tai.

SAM 95:6

Aw hung unla, a ma-âng ah bokkhup in ho hitiu, Lalpa ei Siampa ma ah hin khiangkho hitiu!

PAWTDAWNA THU 4:31

Mipite chun a taksang ngal tau ah: Lalpa chun Israel mipite a kantha tai ti leh, a gentheinateu le a mu tai ti a het phat un, a bokkhup ua, Pathian chibai a bûk tau hi.