2 KHANGTHU 20:1 - PATHIAN LEKHABU THIANGTHO (BSI)

¹ Zia nung ah chun Moabte, Ammonte leh Meunte lakah khenkhat chu Jehoshaphat do dingin a hung kuan tau a.

2 KHANGTHU 20:1 ပူးပေါင်းရင်းမြစ်များ

1 KHANGTHU 4:41

Tichun, zia a min kizikte chun Judah gam ah lengpa Hezekiah lal lai ah khan a valut un, zia hun ah a la chêng Meunimte puanbûkte chu a buluu ah, tu’ni tiang dai dingin a la that gam tau hi; a gam chu gancha tatna ding ah a phat ma ma ziakin, a gam ua chun a chêngden tau hi.

2 KHANGTHU 14:8

Asa chun Judah phung ah mi sepai nuai thum a nei ah, amau haw chu phawlian tak tak leh cheichate’n a kithuam un; chuleh, Benjamin phung ah mi sepai nuai ni leh sîng giat a nei in, amau chule phaw leh chemjamte’n a kithuam ui; zia haw zosia hi mihat minthang ngen a hiu.

2 KHANGTHU 19:11

Ngai un, thiampu lal Amariah chu Lalpa lam thu ah la hotu ding un a um hi; chuleh, lengpa thusuak lam zosia ah Judai gam-ukpa dingin Ishmael chapa Zebadiah a um hi; chuleh, Levite chule la hotu ding un a um ui. Hangsan tak in ngaituau inla, mi phate kiang in Lalpa chu um zing ta hen!” ti’n a gen a.

2 KHANGTHU 19:2

Hanani chapa Jehu, thiamgau chu ama mu dingin a chia ah, Lengpa Jehoshaphat kiangah chun, “Mi nunsiapa panpi in, Lalpa mu nuamlote chu ngaina zing nalai ding la hem? Zia gual ah la um ziak ah chun, la chung ah Lalpa hachang thak ding ahi.

2 KHANGTHU 19:5

Judai gam ah khawpi kul nei zosia ah vaihawm dingte a guat chiat ah; amau chun a umnau khawpi chiat ah maw a puau a;

2 KHANGTHU 20:10

Tu’hin en in, Aigupta gam ah kipat Israel chate a hung pawt daw lai un a do ua, a sukchimit ding uh la la phal lo–Ammonte, Moabte leh Seir tâng ah chêngte hi,

2 KHANGTHU 26:7

Pathian in ama chu Philistinte leh Gurbaal ah chêng Arabte leh Meun mite do dingin a kithuapi a.

2 KHANGTHU 32:1

Zia gual ah ginum tak ah na a sep zaw nung ah chun, Assuriate Lengpa Sennakherib chu Judai gam sim ding in hung kuanah, kulpi det tak tak nei khawpite chu lâk gua’n a hung kuan hi.

ISAI 16:6

Moab kiletsak dan ka la hiau a, a kiletsak na lawm lawm e! A kingaisânna, a kiletsakna leh, a lungchom dante ka hiau; a kisuanpiteu chu bangmalo mai mai a hiu.

ISAI 7:1

Judai gam ah Lengpa Uzziah chapa, Jotham chapa Ahaz a lal lai in, Suria Lengpa Rezin tawh, Israel Lengpa Remaliah chapa Pekah chu Jerusalem do dingin a kuan tau ah; himaleh, a va zo puau a.

JEREMIAH 10:24

Aw Lalpa, ei sudik inla, ka kiphutawk un ei soisa’n; lungna’n vang ei soisa kin, achutiloleh, bangmalo ei sua ding la hi.

JEREMIAH 49:1

Ammonte chung thu ah Lalpa‘n zia gual hin a gen a: Israel in chapa nei lo a hem? golua ding nei lo a hiu em? Bang ding ah Milkom in Gad khua suandok ah, a khawpite ah a mipite chêng den ziang a hitau em?

THUPUAN 3:19

Ka lungsiatte chu ka gai sek ah, ka thunun sek hi; ziaziakchun, phatchuamngai inla, la lung hun hei ta’n.