2 KHANGTHU 2:6 - PATHIAN LEKHABU THIANGTHO (BSI)

⁶ Himaleh, ama chu van leh van sâng pen inle a dawl lo ahiziak in, a chênna In ding chu kua’n sathei ding a hem? Ama chêntheina ding In chu kei tawhbang bep hin sathei laizang pua’ng ka tin, a kiangah kithoinate latna ding mun bep a hilo ngâl leh?

2 KHANGTHU 2:6 ပူးပေါင်းရင်းမြစ်များ

2 SAMUEL 7:18

Ziaphatchun, Lengpa David chu Insung in a lut ah, Lalpa ma ah kitung in, “Aw Lalpa Pathian, kei hi kua ka hia, ka Insung hile bang a hiu ah zia tiang tiang hi lei pui tung ziang a hem?

1 LENGTE 7:13

Tu’hin, Lengpa Solomon in Tura ah kipat Hiram a chial ah, a hung ta’n.

1 LENGTE 7:14

Ama chu Naphtali nam ah meithâi pakhat chapa ahi’n; a pa Tura mi chu sum-eng ah thilbawl thiam a la hia; ama chu, thiamna, pilna, hetna leh sum-eng ah thil bawldan thiamna’ dim ahi. Ama chu Lengpa Solomon kiang in a hung ah, a sep ding zosia chu a sêm pan tai.

1 LENGTE 8:27

Himaleh, Pathian chu leichung ah hin chêng tak tak ding la hem? Van leh van sang pen inle a hun dawl pua’n, zia ka In sak diak diak hin hun dawl pua’n a!

1 KHANGTHU 22:15

Nasêm dingle mi tam tak la nei hi: suang sek dingte, mi khutthiamte, suangkhuak thiamte, thingbawl dingte leh mi them thiam simsên lo khop ah tam,

1 KHANGTHU 29:14

Himaleh, kei hi kua ka hia, ka mipite hile bang a hiu ah, zia gual tuk ah kiphalna tawh thilpiak hun pia ziang thei ka hiu em? Bangkim hi nangma ah kipat hung pawt ngen ahi’n, nang â ma ma chu ka hun piak kit uh a hizawi.

2 KHANGTHU 1:10

Zia la mipi zozai chung ah hin kua’n vaihawm thiam ding a hem? Zia mipite lakah ka lut ah ka pawttheina dingin pilna leh hiatthiamna ei pia’n,” ti’n a don a.

2 KHANGTHU 6:18

Himaleh, nang Pathian hi, lei chung ah mihingte lak ah hin la hung chêng tak tak na diam? Van leh van sângpen inle a hun dawl lo la hiziak in, zia ka In sak hi nang â dingin a neuna ding e!

PAWTDAWNA THU 3:11

Himaleh, Mosi’n Pathian kiang in, “Israel chate hi Aigupta gam ah Pharaoh ah kipat vapuidok dingin kei hi kua ka hia hem?” a tia.

PAWTDAWNA THU 31:5

suang sêk ding leh thing dawi dan dan ah khuak ding leh khutthiam thil tincheng bawl dingin.

ISAI 66:1

Lalpa‘n zia gual hin a gen hi: Van chu ka lalchutpha ahi’n, lei tual hi ka keng ngakna ahi; kei â ding ah khoi tak ah In ei sak piak ding la hiu ah, ka chawldamna ding mun chule khoi tak hiding a hem?

JEREMIAH 23:24

Ka mu theilo ding ah kisêlgû thei kua a hem um? Lalpa‘n a tii. Van hileh, lei chung hileh lua suak hilo ka hi em? Lalpa‘n a tii.

2 KORINTH 2:16

Lawi khat â dingin thina lak ah thi’na ding gimtui ka hiu ah, lawi khatte â dingin hinna lak ah hinna gimtui ka hiu.

EPHESA 3:8

Keima, mithiangthote lak ah neupen sâng ah le neuzaw kiang ah hin, zia hepina chu piak ahi’n; Khrista hausakna suidaw guallote chanchin chu Jentelte kiang ah gen ding leh;

DAN LEKHABU 12:11

Lalpa la Pathian un, a min chênna ding ah a têlna mun ah chun, la kiang ua ka gen zosia: La hâlmang thillat kithoinateu, sawm ah khatte, la ngamtawk thilpiakteu leh la kitiamnau thil piakteu chule la hun choi ding uh ahi.

DAN LEKHABU 12:14

La lak ua Lalpa‘n a têldaw bîk phungte luana gam bep ah chun, la hâlmang thillatteu la lat ua, la bawl ding ua ka thupiak zosia chule, zia tak mun bep ah chun la bawl ding uh ahi.

DAN LEKHABU 12:26

Ahi’n, la thawlawm thilpiak thiangthoteu leh, la kitiamnau dungzui ah la thil piakteu chu, Lalpa‘n a têlna mun lam ah chun hun keng tau in.