2 KHANGTHU 2:4 - PATHIAN LEKHABU THIANGTHO (BSI)

⁴ Tu’hin Lalpa ka Pathian min in In sakdaw ka gua’n; zia chu Lalpa ka Pathian un Israelte’n kumkhua ka mat ding ua ei la guat piak, a kiang ah gimtui hâl ah, vaithum a tian ah lat zingna ding, jing leh nitâk si’n ah hâlmang thillat bawlna ding, sabbath ni si’n, tha thak ni si’n leh Kût nite haw ah, a kiangah ka lattheina ding uh ahi.

2 KHANGTHU 2:4 ပူးပေါင်းရင်းမြစ်များ

1 LENGTE 5:5

Tu’hin, Lalpa ka Pathian min ah In pakhat sak ka tup in, Lalpa‘n ka pa David kiang ah, ‘La chapa, nangma lalchutpha’ la thasâng ah ka chutsak dingpa chun, ka min umna dingin sa ding ahi,’ a la ti gual khan.

1 LENGTE 8:18

Himaleh, Lalpa‘n ka pa David kiang in a la gen ah, ‘Ka min umna ding ah In sak ding la lunggel hi la bawl hoi hi;

1 LENGTE 8:63

Solomon in chamna kithoina Lalpa kiang ah bawngchal sîng ni leh sang ni tawh, belam nuai khat leh sîng ni a lân a. Tichun, lengpa leh Israel mipite zosia’n Lalpa In chu a lân thiangtho tau hi.

1 KHANGTHU 22:5

David chun, “Ka chapa Solomon la a naupang in khua a henai paw’ngâl ah, Lalpa In ding chu a thupi thei pen, gam zosia ah gensim ah lopi ah sak ding ahiziak in, a van ding chu ka ngaitua ding ahi,” a ti’n, David chun a thi masang in a In van dingte chu a tam thei pen a guanggal tai.

2 KHANGTHU 13:11

Amau haw chun jing leh nitâk si’n ah, Lalpa kiang ah kithoina, hâlmang thillat leh gimtuite chu hâl in, sana thiangtho dawkan ah chunle vaithum haw chu tiang in, nitâk si’n leh sana thaumeite chu a vak zingna dingin a chingtup zing ui; kei haw hin Lalpa ka Pathian thupiak uh chu ka vop zing un, nanghaw’n vang la nusia tau ahi kha.

2 KHANGTHU 2:1

Solomon in Lalpa min ah Tempul pakhat leh, ama chênna ding leng In pakhat sa dingin thupukna a siam tai.

NEHEMIAH 10:33

Ka Pathian In ua nasepna chi chuam chuam: Vaithum zek thiangtho, nisi’n thâiga thillat, hâlmang thillat ding gancha, sabbath kûtte, thawlawm bî neite leh Israel mipite â ding ah gitlo thoina ding ah matchâk dingte ahi.

SAM 86:8

Aw Lalpa, pathian dangte lak ah, nangma gual a um pua’n, la thilbawlte gual bawlthei le a um puau hi.

SAM 96:4

Lalpa chu a lopi ziakin nasa tak ah pâk ding ahi; pathian dang zosia sâng ah nasa tak ah ja ding ahi.

PAWTDAWNA THU 25:30

Chun, dawkân chung ah chun ka âng ah umzing dingin Umpi Zing Vaithum chu la koi ding ahi.

PAWTDAWNA THU 30:7

Aron in zia mun ah chun gimtui a hâl sek ding ahi; jingkal si’n ah thaumeite chu a siam tup zaw tak leh, zia chung ah chun gimtui a hâl ding ahi;

THUPILTE 7:20

Paisa dip dim in a kipuak in, tha kit leh hung tung kit bep ding ahi ngal in,” a tia.