2 KHANGTHU 2:12 - PATHIAN LEKHABU THIANGTHO (BSI)

¹² Huram chun zia gual hinle a gen nalai a: Israelte Lalpa Pathian, lei leh van siampa leh Lengpa David kiang ah chapa pil tak leh hiatthiamna leh chitna leh hetna pia, Lalpa â ding ah Tempul leh ama â ding leng In sak ding pepa chu chawihoi in um hen.

2 KHANGTHU 2:12 ပူးပေါင်းရင်းမြစ်များ

1 LENGTE 5:7

Hiram in Solomon thugente chu a het phat in nasa tak in a kipak ta’n, “Zia mipi nasa tak mai chung ah vaihawm ding, David kiang ah chapa pil tak pepa Lalpa chu pâk in um hen,” ti’n a gen a.

1 KHANGTHU 29:20

Ziaphatchun, David chun mipi kikhawm te kiang ah chun, “Lalpa la Pathian uh chu chawihoi chiat tau in,” a tia. Tichun, mipi kikhawm zosia chun Lalpa, a suantu bulteu Pathian chu chawihoi in, Lalpa leh lengpa ma-âng ah khiangkho leh bokkhup in chibai a bûk tau hi.

2 KHANGTHU 2:1

Solomon in Lalpa min ah Tempul pakhat leh, ama chênna ding leng In pakhat sa dingin thupukna a siam tai.

2 KHANGTHU 2:13

Mi khutthiam leh hiatthiamna nei Huramabi hi ka hun sawl ngâl hi;

SAM 102:25

Masanglai ah kipat khan leilung kingakna hi, la phûmsa a hita’n; vante khi la khutsuak ahi.

SAM 102:5

Ka thûm git nasat ziakin, ka gute le ka vun in a bek hial tai.

SAM 124:8

Ei panpi’na chu Lalpa, lei leh van siampa min in a um hi, ti tau hen.

SAM 33:6

Lalpa thu’n vante khi siam ahi’n, zia um zosia chu a kam ah suak a hu ah siam a hiu.

JEREMIAH 10:10

Himaleh, Lalpa chu Pathian tak ahi, Ama chu Pathian hing leh kumtuang Lal ahi. A lungnat phat leh lei pumpi a kithing in, a lungnatna chu kuama’n a thuak zo ngai puau hi.

LUKA 1:68

“Lalpa, Israelte Pathian chu pâk in um ta hen; ama chun a mite a hung kan tha’n, a hung tandok tangal in.

NASEPTE 14:15

“Suapite haw, bangatia zia gual ah chu la bawl guat ziang uh a hem? Kei uh le nangmau gual ah piang mihing ka hiu, zia tawhbang thil manlote hi la hun kihei san ua, Pathian hing kiang lam la hun ngat zawk theina ding ua a thu gen ah hung ka hi zawu hi; zia Pathian chu lei leh van siampa, tuisuagiat leh a sung ah um zosia siampa chu ahi.

NASEPTE 4:24

Zia thute chu a het phat un, kithu gual tak leh aw ngai tak in, Pathian kiang in, “Thunei pen Lalpa, nang, lei leh van leh tuisuagiat leh a sung ah um zosia siampa,

1 PETER 1:3

I Lalpa Jesu Khrista Pathian leh, Pa chu pâk in um ta hen! Ama chun a hepina lopi tak in, mithi lak ah kipat Jesu Khrista thawkitna jal in, kinepna hing mu dingin hinna thak ei pia’n.

THUPUAN 10:6

Van leh vanlai jawl ah thil um zosia, lei leh a chung ah thil um zosia, tuisuagiat leh a sung ah thil um zosia siamtu, kumtuang ah hing zing min ah chun a kitiam a: “Hun chu sawt nawt ta pua’n a.

THUPUAN 4:11

“Aw ka Lalpau leh Pathian, lopinate choihoinate leh, thilhitheinate chu chang tâk him la hi; nang in bangkim la siam ah, la kipakna ding ah siam leh um him a hiu,” a tiu a.