2 KHANGTHU 19:6 - PATHIAN LEKHABU THIANGTHO (BSI)

⁶ zia vaihawm ding ah a guatte kiangah chun, “La mawpuaknau hi ngaitua phau in, mihing thasâng ah vaihawm hilo in, Lalpa thasâng ah vaihawm ah pang la hiu ti ngaitua zing unla; ama chun la vaihawmnau ah hun umpi zing ahi.

2 KHANGTHU 19:6 ပူးပေါင်းရင်းမြစ်များ

1 KHANGTHU 28:10

Tu’hin, Lalpa chun a mun thiangtho In sa ding ah chun a hun têl ta’ngâl a; lunglut tak leh hat tak in um inla, sêm mualsua ta’n, ti’n a gen tai.

THUGENTU 5:8

Migentheite nuaisia ah a um uh leh, gam sung ah vaihawmna leh dikna suksiat ah a um inle maksa kin; dinmun sangzawte chunle amau chung ah sangzaw, a mitmei a vên ding uh um jel ahi.

THIAMPUTE LEKHABU 19:15

Vai la hawm phat leh, diklo tak in thu tan kin la, a genthei simmaw in, a hausate jabawl diak kin la dik tak in vaihawm in.

LUKA 12:15

Chuleh, Jesu chun, a kiang un, “Chingthei un! Huaihapna lak ah chun kiveng un! Nei leh lam leh thil hauna mai hi mihing dampi pen ahi puai,” a tia.

LUKA 21:8

Ama chun, “Thepzaw ah la um lona ding un chingthei un. Mi tam tak ka min in hung intiu in, ‘Ama chu ka hi,’ a hun ti ding hun uh a nai tai. Zia gual mite chu zui kiu in.

NASEPTE 22:26

Sepai zahotu chun zia chu a het phat in, a hotu lian kiang ah chun, “Bang a hem la bawl guat chu? Zia pa hi Rom mi ahi,” a vatia.

NASEPTE 5:35

Chuleh, a kiang un, “Israel ka chanpite haw, zia mite chung ah la thilhi guat uh hi pilvâng tak in gêl tau in.

DAN LEKHABU 1:17

Doichuam nei in vaihawm kiu in; milian leh neu kibang in ngaitua piak unla; kuama lau chuam nei kiu in, vaihawmna chu Pathian â ahi ngalah. Nang uh ngaitua ding ah haksa talua phot chu, ka kiang ah hun tut un, keima’n ngaitua na’ng ka,” ti’n thu ka la pia ta ngal a.

JOSHUA 22:5

Lalpa suak Mosi’n, Lalpa la Pathian uh hepi ah, a lampi zosia haw in, la lunggil zosiau leh la thagau zosiau ah ginum tak ah a na sêm chiat dingin thu a hun piakte kha, zia thupiak leh a dan thuguatte chu chingthei tak in zawm phot mai un,” ti’n a gen a.