2 KHANGTHU 19:2 - PATHIAN LEKHABU THIANGTHO (BSI)

² Hanani chapa Jehu, thiamgau chu ama mu dingin a chia ah, Lengpa Jehoshaphat kiangah chun, “Mi nunsiapa panpi in, Lalpa mu nuamlote chu ngaina zing nalai ding la hem? Zia gual ah la um ziak ah chun, la chung ah Lalpa hachang thak ding ahi.

2 KHANGTHU 19:2 ပူးပေါင်းရင်းမြစ်များ

1 LENGTE 16:1

Ziaphatchun, Baasha kãl in, Hanani chapa Jehu kiang in, Lalpa‘n zia gual hi thu a hun gen a:

1 LENGTE 16:12

Jawlnei Jehu mang ah Baasha kãl ah Lalpa thugen dungzui in, Baasha Inkuante zosia chu Zimri in a chuti sukmangthai ahi.

1 LENGTE 16:7

Jeroboam Inkuante gual ah a umna a khut nasep ah Pathian a lungnatsakna, Lalpa mit muah thil phalo zosia a bawlna ngei leh, ama a tha ziakin Hanani chapa jawlnei Jehu kiang in, Lalpa chun Baasha leh a Inkuante kãl in thu a hun gen tai.

1 LENGTE 21:25

(Ahi ngei hi, Ahab gual ah a ji Jezebel in a nunmu, Lalpa mit mu ah thil phalo bawl ding ah kizuakdok hi kuama a um kha nai puai.

1 LENGTE 22:44

Jehoshaphat in Israelte lengpa tawh kichamna le a bawl hi.

2 KHANGTHU 16:7

Zia lai tak ah chun, thiamgau Hanani chu Judai gam ah Lengpa Asa kiang in a hungah, a kiang in, “Lalpa la Pathian ah kinga’ lo ah Aramte lengpa la kingak zawk tak ziakin, Aramte lengpa sepaite chu la tha’suak ta ahi.

2 KHANGTHU 18:1

Tu’hin, Jehoshaphat chu nasa tak ah hausa leh ja’um in a hung um ta’n; tichun, Ahab tawh kichenpol ding thuthung a hun siam tau hi.

2 KHANGTHU 18:28

Tichun, Israelte lengpa tawh Judai gam ah Lengpa Jehoshaphat chu Ramoth-gilead do dingin a kuan tau a.

2 KHANGTHU 18:3

Israelte Lengpa Ahab in Judai gam ah Lengpa Jehoshaphat kiang ah chun, “Ramoth-gilead lei hung do pi diam?” ti’n a chialah. Ama chunle, “Kei leh nang, ka mite leh la mite chu pumkhat I hiu hilam. Gâl chu do khawm ding I hi puau em!” ti’n a dawnhu a.

2 KHANGTHU 18:7

Israelte Lengpa chun Jehoshaphat kiang in, “Lalpa thu dot thei ding jawlnei dang pakhat a um nalai hi, ama chu Imlah chapa Mikaiah a hi. Ahi’n, ama hin ka chung ah thil phalo tung ding lam bep a gen sek in, ka lung lam mawng mawng a gen nop lo ziakin, ama chu ka mu nuam puai,” ti’n a dawnhu a. Jehoshaphat in, “Lengpa, zia gual chun gen kin,” ti’n a dawnhu a.

2 KHANGTHU 19:1

Judai gam ah Lengpa Jehoshaphat chu bit tak in Jerusalem khua a In lam a hung tung kit tai.

2 KHANGTHU 19:10

la chanaute kua a hem khat a khawpiu ah kipat thubuai thisan sua’na a hem, dan leh thupiak lam thu a hem, thu guat leh dan thuthung lam thu ahi chun, Lalpa chung ah thil diklo tak ah a bawl lona ding leh, amau leh a chanauteu chung ah hachang thakna a hung tun lona ding in hil sek un. Zia gual ah chun bawl leu chin, bawlkhial ah ngaw ah umlo ding la hiu.

2 KHANGTHU 20:34

Tu’hin, Jehoshaphat sepdaw leh bawldaw dang dangte chu, a masa pen ah kipat a tawp tiang in, Israel Lengte Chanchin kizikna Lekhabu, Hanani chapa Jehu khangthu zikna lekhabu chun a kizik lut sik sek hi.

2 KHANGTHU 24:18

A pu leh pateu Pathian, Lalpa In chu limsak talo in, dawikhuamte leh milimte chu a hun hosan tau a. Zia gual ah a thilbawl sualnau ziak ah chun, Judai gam leh Jerusalem khawpi chung in lungnatna a hung tung tai.

2 KHANGTHU 26:18

Lengpa Uzziah chu a nang ham ham un, a kiang in, “Uzziah, nang in Lalpa kiang ah kithoina la lat ding ahi puai; Aron suan ah thiampu hi ding ah kilân thiangthote bep in Lalpa kiang ah kithoina ka lat diu a hi. Mun thiangtho ah kipat in pawtdok in; diklo tak in thil la bawl tai, Lalpa Pathian in hun ja lo ding ahi ngâl in,” ti’n a gen tau a.

2 KHANGTHU 32:25

Himaleh, Hezekiah chu a chapo ziakin, a chung ah phatna kibawl tawh kigûn in bangma a bawldok puai. Ziaziakchun, ama chung leh Judah mipite leh Jerusalem khua mite chung in hânsia a hung tung ta’n.

SAM 15:4

a mit ua mi nunsiate simmaw a, Lalpa laute ngaisâng ah; ama liamna ding tiang ah le a thutiam ah ding det ah, a tiamsa hi’danglam kit ngailo mite;

SAM 21:8

La khut in la mêlmate zosia mai dok sik sek intin; la khut changlam in nangma do zosia mai dok suak in a.

SAM 68:1

Pathian hung kipan hen la, a mêlmate chu thejak ta hen; ama hawte a ma-âng in jamsia tau hen.

SAM 71:15

Kei â ding ah la phatna tam dan leh, ka hiatsen lo hiziang maleh, ka kam hin la dikna thu gen intin, sun nitum in la hukhinna thu gen ing ka.

PAWTDAWNA THU 20:5

Zia haw âng ah chun bokkhup kiu inla, a nau le la sep lo diu ahi; Kei Lalpa, la Pathian uh hi doichilgil Pathian, pate gitlona chu ei pom lo a chateu chung ah a khang thumna leh a khang li’na tiang ah phuba la sek ka hi’ngal a.

AMOS 7:14

Ziaphatchun, Amos in Amaziah dawnhu in, a kiang in, “Jawlnei ka hipua’n, jawlnei chapa le ka hi diak puai; himaleh, kei chu gan-gual chingpa leh theipi kung enkol bep ka hi hen;

JOHAN 15:18

Khawvel in a hun huat chun, nang uh a huat ma khan keima ei haw tai, ti la het diu ahi.

JOHAN 15:23

Kuale keima ei hua chu ka Pa le hua ahi.

ROMTE 1:18

Pathian ngaisak lona leh minsiatna zosia leh, thutak tawdente chung ah chun van ah kipat in Pathian lungnatna a hung kilang hi.

ROMTE 1:30

demhatnate, Pathian huatnate, musitnate, kiletsaknate, uannate, gitlo thil pandokte, nu leh pa thu awilonate;

ROMTE 1:32

Pathian in zia tawhbang mite chung thu chu a tan piak tak leh, thi tâk ah vaihawm piak ah um ding a hiu ti a hezing tho ui; himaleh, amau thil diklo bawlte bep le tongkhop lo in, zia gual ah bawl sek, midangte chule a kipakpi nalai sêt ui.

ROMTE 8:7

Taksa lam doidan vang Pathian tawh kimêlmâkna ahi’n; Pathian dan tawh kituakna a um puai; um le a um theilo him ahi.

EPHESA 5:11

Thim thilhi ga neilote ah chun panna nei kiu inla, zia sâng ah chun a dik lona hiatsak zaw tau in.

DAN LEKHABU 32:41

ka chemjam hiam lek ing ka tin, ka khut in vaihawmna la’ng ka tin, ka mêlmate chung ah phuba a lâk tak leh, ei mudate chu thuk ta’ng ka.

DAN LEKHABU 33:11

Aw Lalpa, a nei leh lam uh maljawl inla, a khut nasep uh pom ta’n; a dogâlteu leh amau do-tute chun, a hung do kitlona ding un a kawng uh khenbai in.

DAN LEKHABU 5:9

Zia tawhbang chu ho lo ah a nau le la sep lo ding uh ahi; keima Lalpa la Pathian uh hi Pathian thikthusia, pate gitlona ziak ah a chate gawt sek, ei pâmpaite chu a suan thumna leh a suan li’na tiang ah gawt sek leh,

DAN LEKHABU 7:10

chuleh, ama pâmpaite hi’mangthai ding ah amau chung ngei ah thuk sek mi ahi. Ama doi lo ah pampaite chung ah kipadâm lo ah, amau taksa chung ngei ah thuk kit ziang sek chu ahi.

JAKOB 4:4

Ângkawmte haw! Khawvel tawh kijawlna chu Pathian mêlma hi’na ahi ti la hepuau em? Ziaziakchun, kuale khawvel tawh kijawl nuam chu Pathian mêlma a hisek hi.

1 SAMUEL 9:9

(Masang lai ah chun, Israel gam ah Pathian kiang ah thu dong ding ah a chia phat ua leh, “Hung tiam in, thiamgau thil hetheipa kiang ah chia hi ti,” a ti sek un; tu’lai ah jawlnei I titeu hi zia lai ah chun thiamgau a la ti sek ziak uh ahi).