2 KHANGTHU 18:7 - PATHIAN LEKHABU THIANGTHO (BSI)

⁷ Israelte Lengpa chun Jehoshaphat kiang in, “Lalpa thu dot thei ding jawlnei dang pakhat a um nalai hi, ama chu Imlah chapa Mikaiah a hi. Ahi’n, ama hin ka chung ah thil phalo tung ding lam bep a gen sek in, ka lung lam mawng mawng a gen nop lo ziakin, ama chu ka mu nuam puai,” ti’n a dawnhu a. Jehoshaphat in, “Lengpa, zia gual chun gen kin,” ti’n a dawnhu a.

2 KHANGTHU 18:7 ပူးပေါင်းရင်းမြစ်များ

1 LENGTE 18:17

Ahab in Elijah a mu phât in a kiang in, “Nang la hi maw Israelte sulungngaipa chu?” ti’n a gen a.

1 LENGTE 18:4

Jezebel in Lalpa jawlneite a la thâlup lai ah khan, Obadiah in jawlnei za khat a pui ah, kawlhawm khat ah sawmnga nga’n a sêl ah, vaithum leh tui in a la vâk a.)

1 LENGTE 19:10

Ama chun a dawnhu a, “Lalpa, sepai honte Pathian â dingin phatchuam ka la ngai ma ma in; Israel chate’n la thuthung a nusia tau ah, la mâichâmte a suchim ua, la jawlneite le chemjam in a that tau hi. Kei bep hi ka um ta’n; chuleh, ka hinna hi lakmang dingin a hawl nalai ui,” a tia.

1 LENGTE 21:20

Ahab in Elijah kiang in, “Lei mudok tai maw, aw ka mêlmapa?” a tia. Ama chun a dawnhu a, “Ka hun mudok tai! Lalpa mit mu ah thil phalo bawl ding ah la kizokdaw tâk ziakin,

1 LENGTE 22:8

Israelte lengpa chun Jehoshaphat kiang in, “Lalpa kiang ah I dotsak thei ding un a dang pakhat a um nalai hi, Imlah chapa Mikaiah chu; himaleh, kei â dingin a pha lam hikha’ lo in, siatna bepcha a gen sek ziakin, ama chu ka hua ahi,” ti’n a dawnhu ah. Jehoshaphat chun, “Lengpa’n zia gual chun gen dâ in,” a tia.

2 LENGTE 9:22

Joram in Jehu a mu phât in, “Jehu, a pha lam thu a hem?” a tia. Ama chun, “La nu Jezebel ângkawmnate leh dawi leh kau biakte sutzop ahi laisia bang thil pha um thei ding a hem?” a tia.

2 KHANGTHU 18:13

Mikaiah chun vang, “Lalpa min in, ka Pathian in a gen gual gual in gensawn ding ka hi,” ti’n a dawnhu a.

2 KHANGTHU 18:6

Himaleh, Jehoshaphat in, “Aleh, ziate tilo hi Lalpa jawlnei dang dot thei um talo a hiu em,” ti’n a dong a.

2 KHANGTHU 18:8

Ziaphatchun, Israelte lengpa chun sepai hotu pakhat a ko ah, a kiang in, “Chia inla, Imlah chapa Mikaiah kha kin tak in vapui in,” a tia.

SAM 34:21

Thil phalo in migilote a that in, midik mudate chu thiamlo chang in au.

SAM 55:3

Mêlma husa ziak leh mi nunsiate tângsap khum ziakin, theplau in ka um tai. Ka chung ah buaina hun tut in, lungna’n ei do ui.

SAM 69:14

Buanthuak lak ah tum lo dingin, la ginumna ziakin ei hukdok in; ka mêlmate lak ah kipat leh, tuili thûk takte lak ah kipat in ei ladok in.

THUPILTE 25:12

Thumang thei nakhang ah hilgaina thu pha kigen chu, bil ah sana bilba leh ngawng ah sana khi tawhbang ahi.

THUPILTE 29:10

Thisan sua mang mite chun midikte a mudau in, mi lamzangte hinna chu a hawl vêl vêl ui.

THUPILTE 9:8

Musittu zilgaite chun mudâna a law un, mipil zilgaite chun ngainatna a law ui.

ISAI 30:10

Zia mite chun, thil mulawk theite kiang in: “Bangma mu ta kin,” a tiu a; jawlneite kiang in, “Ka kiang un thudik bangma gen ta kiu in; thu ngainop um cha cha gen unla, ngaituana vantang mai mai gen un;

JEREMIAH 18:18

Ziaphatchun amau in, “Hung tiam un, Jeremiah chung thu ngaitua hitiu, ei zilsak ding thiampu leh ei hil ding mipil tasam pua’n tin, thugen ding jawlnei le tasam diak pua’n a. Hung unla, ama do in hêk hitiu in, a thugen him him ngaisak ta puai tiu,” a tiu a.

JEREMIAH 38:4

Ziaphatchun, a milian leh lalte chun, lengpa kiang in, “Zia khawpi sung ah sepaite leh mipite zosia hilungthuai ding ah zia gual thu chu a gen ziakin, zia mipa hi thalup ding ahi. Zia mipa hin, mipite â ding ah thilpha hawl lo in, a siatna ding bep uh a hawl zaw ngâl a,” a ti tau a.

AMOS 5:10

Kul kotkhak ah zilgaipa chu a huau a, thudik genpa chu a ki’dak ui.

MIKAH 2:7

Israel mipite hi hânsia dong ah la bawl a hem? Lalpazaidaw zo lo a hita a hem? Zia gual tak ah chun bawl lawm lawm ding a hem? dik tak ah bawlte chu, nem tak in a kiang ua thu gen lo ding a hem?” a tiu a.

MARKA 6:27

ama vêngte lak ah sepai pakhat chu Johan luchang vala dingin a sawl a. Ama chule a chia ah, suangkul ah um chu a lu a vatan piak a,

LUKA 6:22

Mihing Chapa ziak ah a hun huat ua, a hun pâm pai ua, a hun hosiat ua, a hun sukminsiat phat ua leh mi hampha la hiu,

JOHAN 15:24

Midang in thil a la hi khâk ngailote a lak ua hi’lo hileng chu, gitlona nei hipua’n au; tun ahileh vang chu, kei leh ka Pa chu ei mu tau in, huat le ei haw tau hi.

JOHAN 7:7

Nang uh khawvel in a hun hawthei pua’n, keima ka hileh chu ei huau ahi, a thil phalo bawlteu a phatlo dan ka gendaw piak ziakin.

GALATIA 4:16

Chutichun, thutak ka hun hilna ziakin la mêlmau ka hung suak zaw ta mai em?