2 KHANGTHU 18:5 - PATHIAN LEKHABU THIANGTHO (BSI)

⁵ Tichun, Israelte Lengpa chun jawlneite chu a ko khawm ah, mi za li a hung khawm tau ah; a kiang un, “Ramoth-gilead do ah vakuan to ding I hiu em, kuan lo ding?” ti’n a dong a. Amau chunle, “Kuan to in, lengpa khut ah Pathian in hun pia ding ahi ngâl a,” ti’n a dawnhu tau a.

2 KHANGTHU 18:5 ပူးပေါင်းရင်းမြစ်များ

1 LENGTE 12:9

A kiang un, “Ka kiang ah, ‘La pa’n puakgik ei puaksak hi sujang in,’ ti’ ah hung gen, zia mipite hi bangti’n dawnhu leng lei tiu em?” ti’n a dong a.

1 LENGTE 18:19

Ziaziakchun, tu’hin Karmel tâng ah Israelte zosia tawh, Baal thiampu za li leh sawmngate kha tawh, Jezebel dawkan ah an ne sek Asherah jawlnei za li te kha ei hun ko khawm piak in,” a tia.

1 LENGTE 4:13

Ramoth-gilead ah Ben-geber (ama chun Manasseh chapa Jair khawneute a chang ah, Gilead ah um chu; Argob le ama â ahi’n; zia chu Bashan ah um ahi’n, sum-eng dawnggawl leh kulbâng nei khawpi lian sawmguk tawh ama â ahi’n;)

2 LENGTE 3:13

Elisha chun Israel lengpa kiang in, “Nang â ding bang bawl ding ka nei em? La jawlneipate kiang a hem, la jawlneinute kiang a hem in vachia ta’n la,” a tia. Himaleh, Israel lengpa chun a kiang in, “Ahipuai; Moab kiang ah piakdaw ding bep ah kei uh lengte pathum ei hung kodokpa hi Lalpa ahi,” a tia.

2 KHANGTHU 18:14

Mikaiah chu Lengpa kiang a hung tun phatin, lengpa chun a kiang in, “Mikaiah, Ramoth-gilead do ah kuan to ding ka hiu em kuan lo ding?” ti’n a dongah. Ama chun, “Kuan unla, vazo un; la khut un pûk ding a hiu,” ti’n a dawnhu a.

2 KHANGTHU 18:4

Himaleh, Jehoshaphat chun Israelte Lengpa kiangah chun, “Lalpa‘n bang a ti ngai em dong phot le hin la maw,” ti’n a gen a.

2 KHANGTHU 18:6

Himaleh, Jehoshaphat in, “Aleh, ziate tilo hi Lalpa jawlnei dang dot thei um talo a hiu em,” ti’n a dong a.

JEREMIAH 23:14

Himaleh, Jerusalem ah jawlneite lak in, thil huaisia zaw diak ka mu tai. A ângkawm un, zuau a gen ui; thil phalo bawlte khutbân a hi’hat un; tichun, kuama’n nunsiatna lampi a haisan puau a, keima ngai in, a leng un, Sodom khua mite gual leh, Gomorrah ah chêngte gual mai kha a hitau hi.

JEREMIAH 23:16

Sepai honte Lalpa‘n zia gual hin a gen a: La kiang ua thugen ah hung jawlneite thugen him him ngaitha kiu in, a hun thêm chavai mai mai a hiu. Lalpa kam ah kipat hilo, a lungthim suangtuanau mai mai a gen zaw ngal un.

JEREMIAH 23:17

Lalpa thu bangma ngailote kiang in, “Thil phalo bangma tuak pua’n lau,” a tipiak zing un; chuleh, amau ngaituana bep lochal tak ah zuite kiang ah chun, “La chung un siatna hung tung pua’n a,” a ti sek ui.

JEREMIAH 42:20

la thi law’na hial ding un bawl khial kha’n lau. Nang un ka kiang ah, “Lalpa I Pathian kiang un ei dot piak inla, Lalpa I Pathian un a gen tapo chu ei hil inla, bawl ngal ing kau,” ti’n Lalpa la Pathian kiang un lei sawl ta’ngal un.

EZEKIEL 13:22

Keima’n hi’lungkia lo maleng, nang un diklo tak ah midikte la hi’lungkiak ziak uh leh, mi nunsiate a lampiu nusia lo ding ah la tîlkho un, la hukhin ziak un;

MIKAH 2:11

Mumal lo leh diklo tak ah: “Uain thu leh khamthei thu la kiang ah hun hil ding ka hi,” ti ah min zuau a hun gen ua leh, ziate chu zia mite â ding bep ah chun, a thugentuu hiding ahi.

MIKAH 3:11

A vaihawmteu in golgûkna’n vai a hawm un, a thiamputeu inle law mu’na ding bep in a zilsak un; a jawlneiteu inle sum mu ding kinem in thu a gen sek ui; chutisapi’nle, Lalpa chung ah a ki-ngau in “Lalpaei umpi ngei hi! I chung ua siatna bangma hung tung pua’n ah,” ti’n thu a gen sek ui.

2 TIMOTHI 4:3

Mite’n thuhilna dik a ngaithâk peilo hun uh hung tung ding ahi ngal a; a nakhangteu a zat ziakin amau nopna tawh kituakte gen dingin, thuhil dingte kichom khawm ding a hiu;

THUPUAN 19:20

Sahâng chu a man ua, jawlnei lêm a ma-âng ah thilmak bawl sek leh, sahâng tepte’na nei ding ah mi thêm zo sek kha, a paniu in mei leh kât ah kâng meidil ah chun a hing in a pai lut tau a.