2 KHANGTHU 18:3 - PATHIAN LEKHABU THIANGTHO (BSI)

³ Israelte Lengpa Ahab in Judai gam ah Lengpa Jehoshaphat kiang ah chun, “Ramoth-gilead lei hung do pi diam?” ti’n a chialah. Ama chunle, “Kei leh nang, ka mite leh la mite chu pumkhat I hiu hilam. Gâl chu do khawm ding I hi puau em!” ti’n a dawnhu a.

2 KHANGTHU 18:3 ပူးပေါင်းရင်းမြစ်များ

1 LENGTE 22:4

Jehoshaphat kiang ah chun, “Ramoth-gilead ah kidona’n lei zui diam?” a tia. Jehoshaphat in Israelte lengpa kiang ah chun, “Kei hi nang ti gual gual hiziang ka hi; ka mite chu la mite a hiu in, ka sakolte chule la sakolte a hiu hilam,” ti’n a dawnhu a.

1 LENGTE 4:13

Ramoth-gilead ah Ben-geber (ama chun Manasseh chapa Jair khawneute a chang ah, Gilead ah um chu; Argob le ama â ahi’n; zia chu Bashan ah um ahi’n, sum-eng dawnggawl leh kulbâng nei khawpi lian sawmguk tawh ama â ahi’n;)

2 LENGTE 3:7

Chutia, a chia lai in, Judai gam ah Lengpa Jehoshaphat kiang in thu a thot a, “Moab lengpa’n ka chung in helna a bawl ta’n; Moab tawh kido dingin ei zui ding la hem?” ti in. Ama’n a dawnhu a, “Aw le; la lamah pang ka hi, ka mite chu la mite a hiu in, ka sakolte chu la sakolte a hiu,” a tia.

2 KHANGTHU 18:2

Kum bang a hem jat zaw in Samaria gam ah Ahab kiang in a hang chia suk a. Jehoshaphat tawh a lawite nêkkhawmpi dingin Ahab in belam leh bawngchal tam tak that in ankuang a siamah; chuleh, Ramoth-gilead vadopi dingin Ahab in a chial a.

2 KHANGTHU 18:4

Himaleh, Jehoshaphat chun Israelte Lengpa kiangah chun, “Lalpa‘n bang a ti ngai em dong phot le hin la maw,” ti’n a gen a.

2 KHANGTHU 19:2

Hanani chapa Jehu, thiamgau chu ama mu dingin a chia ah, Lengpa Jehoshaphat kiangah chun, “Mi nunsiapa panpi in, Lalpa mu nuamlote chu ngaina zing nalai ding la hem? Zia gual ah la um ziak ah chun, la chung ah Lalpa hachang thak ding ahi.

SAM 139:21

Aw Lalpa, nangma hun mudate chu, ke’nle muda lo ding ka hem? Nangma hun do-te chu ke’nle, luaksuak um sa lo diak ding ka hem?

EPHESA 5:11

Thim thilhi ga neilote ah chun panna nei kiu inla, zia sâng ah chun a dik lona hiatsak zaw tau in.