2 KHANGTHU 18:22 - PATHIAN LEKHABU THIANGTHO (BSI)

²² En ta’n la, la jawlnei zosia hi thagau lepchia Lalpa‘n a pia tai; Lalpa‘n la chung ah siatna tung dingin a gêl puk tak ziak ahi,” ti’n a dawnhu tai.

2 KHANGTHU 18:22 ပူးပေါင်းရင်းမြစ်များ

2 KHANGTHU 18:17

Israelte lengpa chun Jehoshaphat kiang in, “Ama hin ka chungah thil phalo lam bep a gen sek in, ka lung lam mawng mawng a gen nuam puai, ti ka hun hil ta hilo a hem?” ti’n a gen a.

2 KHANGTHU 18:21

Ama chun, ‘Kuan ing ka tin, a jawlneite zosia kam ah zuau gen dawsak dingin vakuan ding ka hi,’ a ti’n. Ziaphatchun, Lalpa‘n a kiang in, ‘Nang chun jawldok zo ding la hi’n, lawting ding la hi; chia kin inla, vabawl ngâl ta’n,’ ti’n a dawnhu a.

2 KHANGTHU 18:7

Israelte Lengpa chun Jehoshaphat kiang in, “Lalpa thu dot thei ding jawlnei dang pakhat a um nalai hi, ama chu Imlah chapa Mikaiah a hi. Ahi’n, ama hin ka chung ah thil phalo tung ding lam bep a gen sek in, ka lung lam mawng mawng a gen nop lo ziakin, ama chu ka mu nuam puai,” ti’n a dawnhu a. Jehoshaphat in, “Lengpa, zia gual chun gen kin,” ti’n a dawnhu a.

2 KHANGTHU 25:18

Israelte Lengpa Joash chun Judai gam ah Lengpa Amaziah kiang in zia gual hin a thuthâk a: “Lebanon tâng ah lingbuk pakhat in Lebanon tâng ah sidar thingkung kiang in, ‘La chanu kha ka chapa ji dingin ei pia’n,’ a ti hen; himaleh, Lebanon tâng ah gamsa pakhat a hung pawtdok ah, lingbuk chu a chuan pêk ta mai in.

JOB LEKHABU 12:16

Ama ah hatna leh pilna a um hi, mithêmpa leh thep ah umte chu, ama â gêl a hiu.

PAWTDAWNA THU 4:21

Lalpa chun Mosi kiang in, “Aigupta gam lam ah la chia kit phat leh thilmak la bawlthei ding ah ka hun piak zosia kha Pharaoh ma-âng in la bawl suak na em ti enpha’n la; ahi’n, a lungthim hi’tâk ding ka hi; tichun, mipite chu pawtsak nuam pua’n a.

ISAI 19:14

Lalpa‘n a lak un buaina thagau a sunthâk khum tai; zukham vuang dong dong ah a luak gual in, Aigupta chule a thilbawl zosia in a hawi dong dong tai.

ISAI 3:11

Thil bawlkhialte chung a gik na e! A thil bawl khial uh tawh kigûn in, a chung un bawl thuk hiding a hiziak un, mi vangsia ahi nau e!

JEREMIAH 18:11

Ziaziakchun, tu’hin Judah mipite leh, Jerusalem ah chêngte kiang in, zia gual hin Lalpa‘n a gen hi, vati’n: En un, la chung ua thil phalo tunsak ding leh, nanghaw do ah thil phalo guanggal ding ah bêl vêlpa chu ka hi. Tu’hin, la leng un, la thil phalo bawl uh chu hun haisan unla, la umchan uh leh la thilbawl zosiau siamphau in, ti in.

EZEKIEL 14:9

Chuleh, jawlnei pakhat chu thep zaw a um ah, thu a gen chun, Keima, Lalpa hin zia jawlnei chu ka thep zaw hi’ntin, ama do in ka khut lâm ing ka tin, ka mipite lak ah kipat paitha ding ka hi.

MIKAH 2:3

Tichun, Lalpazia gual hin a gen hi: Tu’hin, zia Inkuante chung ah hin thil phalo ka guanggal hen; zia kipat chun suakcha pua’n au; kisathei tak in vak kit ngai talo ding la hiu, zia chu hun phalo tak hiding ahi ngal a.