2 KHANGTHU 18:2 - PATHIAN LEKHABU THIANGTHO (BSI)

² Kum bang a hem jat zaw in Samaria gam ah Ahab kiang in a hang chia suk a. Jehoshaphat tawh a lawite nêkkhawmpi dingin Ahab in belam leh bawngchal tam tak that in ankuang a siamah; chuleh, Ramoth-gilead vadopi dingin Ahab in a chial a.

2 KHANGTHU 18:2 ပူးပေါင်းရင်းမြစ်များ

1 LENGTE 1:9

Adonijah chun Belamte, bawngchalte, gan kivak thaute chu Zoheleth suang kiang in a that ah; zia chu En-rogel kiang ah um ahi’n; a suapite, leng chate zosia tawh leng nasem Judah phung ah mite chule zia chun a chial a;

1 LENGTE 17:7

himaleh, gam ah gua a zuk lo ziakin, chomkhat zaw in zia lui chule a hung kang tai.

1 LENGTE 4:13

Ramoth-gilead ah Ben-geber (ama chun Manasseh chapa Jair khawneute a chang ah, Gilead ah um chu; Argob le ama â ahi’n; zia chu Bashan ah um ahi’n, sum-eng dawnggawl leh kulbâng nei khawpi lian sawmguk tawh ama â ahi’n;)

2 LENGTE 9:1

Jawlnei Elisha chun jawlneite pawl khat lak ah mi pakhat chu a ko ah, a kiang in, “La kawng gâk det in; zia sathaubûk hi chawi inla, Ramoth-gilead ah vachia in.

2 KHANGTHU 18:3

Israelte Lengpa Ahab in Judai gam ah Lengpa Jehoshaphat kiang ah chun, “Ramoth-gilead lei hung do pi diam?” ti’n a chialah. Ama chunle, “Kei leh nang, ka mite leh la mite chu pumkhat I hiu hilam. Gâl chu do khawm ding I hi puau em!” ti’n a dawnhu a.

2 KHANGTHU 19:2

Hanani chapa Jehu, thiamgau chu ama mu dingin a chia ah, Lengpa Jehoshaphat kiangah chun, “Mi nunsiapa panpi in, Lalpa mu nuamlote chu ngaina zing nalai ding la hem? Zia gual ah la um ziak ah chun, la chung ah Lalpa hachang thak ding ahi.

NEHEMIAH 13:6

Babulon Lengpa Artaxerxes lal kum sawmthum leh ni’na chun, Lengpa kiang ah ka vachia ziakin, zia hun lai ah chun Jerusalem khua’n ka la um pua’n. Chomkhat zaw in, lengpa kiang ah pawtdaw phalna ka la’n,

DAN LEKHABU 4:43

Zia khuate chu: Reubente gam tâng tawp ah um Bezer; Gadte gam ah Gilead ah um Ramoth leh, Manassehte gam ah Bashan ah um Golan te hi a hiu a.

JOSHUA 20:8

Chun, Jeriko sualam Jordan lui gâl lam ah chun Reuben phung ah mite, gam sung ah tângcham, gamthip mun ah Bezer khua a guat un; chuleh, Gad phung ah mite lak in Gilead gam ah Ramoth khua leh Manasseh phung ah mite lak in Bashan gam ah Golan khuate hi a guat tau hi.