2 KHANGTHU 18:16 - PATHIAN LEKHABU THIANGTHO (BSI)

¹⁶ Ziaphatchun, Mikaiah chunle, “Belamching ding nei lo vâkvai gual ah tânggam ah Israel mipite vâk chek in ka mu hen; Lalpa‘n ka kiang in, ‘Ziate hi pu nei lo a hiu; thamuang tak in a In lam chiat un chia tau hen,’ a tii,” ti’n a dawnhu a.

2 KHANGTHU 18:16 ပူးပေါင်းရင်းမြစ်များ

2 SAMUEL 2:7

Ziaziakchun, la khutteu chu suk-hat hi hen la, hangsan tak in um un; la lalpau Saul chu a thi ta ngal in, chuleh, Judah Inkuante’n a chung ua Leng hi dingin sathau ei nu’ ta’ngal un,” ti’n a vagensak tai.

2 SAMUEL 5:2

Tu’ma lam ah Saul ka lengpau ahi lai him ah khan le, Israelte a la puidok leh a la pui lût sektu kha nangma la hi’n. Lalpa‘n la kiang in, ‘Ka mipi Israelte chingtu ding chu nangma la hi’n, Israelte chung ah vaihawm ah la pan ding ahi,’ a la ti ahi,” a vatiu a.

1 LENGTE 22:17

Ziaphatchun, Mikaiah in, “Israelte zosia chu tâng chungte ah belam a ching ding nei lo gual ah taijak in ka mu’n; chuleh, Lalpa‘n, ‘Ziate hi hotu bei a hiu hi; mi tin thamuang tak in a In lam chiat un chiasak un,’ a tii,” ti’n a dawnhu a.

2 LENGTE 10:3

la hotupau chapate lak ah ting la sak pen uh chu têldok unla, a pa lalchutpha’n chutsak un; la lalpau Inkuante â dingin gâl hun bawl un,” ti in.

2 KHANGTHU 18:15

Himaleh, lengpa chun a kiang in, “Lalpa min ah zuau gen lo ah thu tak bep gen dingin bang vei jat hun kitiamsak ding ka hem?” a tia.

2 KHANGTHU 18:17

Israelte lengpa chun Jehoshaphat kiang in, “Ama hin ka chungah thil phalo lam bep a gen sek in, ka lung lam mawng mawng a gen nuam puai, ti ka hun hil ta hilo a hem?” ti’n a gen a.

EZEKIEL 34:8

Lalpa Pathian in kihaksial in thu a gen ah: Belampu a umlo ziak in, ka belamte chu a hingsan ah nêk ding bep ahi tâk ziak un, gamsate an ding bep a hung hitau hi; chuleh, ka belampute’n ka belamte a ching puau ah, zia malak ah chun, ka belamte kinêk in, a vâk puau hi;

EZEKIEL 35:4

La khawpiteu chu ka hi’chim ta’n, nutsia in um ta’n la; chuleh, Keima Lalpa ka hi ti hun he ta’n la”.

ZEKARIAH 10:2

A Inkuan pathianteu chun thu man lo mai mai a gen sek un, âisânte chunle zuau thu bep a muu in; mangsânte’nle mang diklote gen in, a thamuanna thugen uh a thawn mai ahi. Ziaziakchun, mipite chu belam gual in a vak jak zo tau a; belamching ding tâksap ziakin a thuak gim zo tau hi.

ZEKARIAH 13:7

“Aw chemjam, hung tho inla, ka belampu leh keima ei kithuapipa chu hun sât in,” sepai honte Lalpa chun a ti ahi. Belam honte a taijak theina ding un belampu chu sât inla; a note chung ah ka khut tha ta’ng ka.

KISIMNA LEKHABU 27:17

a ma âng ua chia ding leh lût dingin; amau puidok ah, pui lût dingin; tichun, Lalpa mipite chu chingtu nei lo belam hon gual ah a um ziang lona ding un,” a ti’n.

MATTHAI 26:64

Jesu’n a kiang in, “La hi, lei ti chu lam. Banghitaleh, ka hil la hiu, Tu’kipat hin Mihing Chapa hi, Bangkim Hi’theipa changlam ah kichu leh, van sûm lak ah hung suk hun mu’n lau,” a tia.

MATTHAI 9:36

Mipite chu a mu phât in, a ching ding umlo belam gual ah genthei leh chavai ah um chu a mu in a lainat ma ma a.

MARKA 6:34

Kuang ah kipat a hung pawt daw leh, mipi tam tak chu a hun mu ta’n, a lungsiat ma ma ah, amau haw chu a ching ding umlo belam gual in a mu’n; tichun, thil tam tak a hil tai.