2 KHANGTHU 17:9 - PATHIAN LEKHABU THIANGTHO (BSI)

⁹ Lalpa dan lekhabu chawi in Judai gam ah chun a hil vêl un; chuleh, Judai gam sung ah khawpite ah chun chia vêl in mipite chule a hil pek un.

2 KHANGTHU 17:9 ပူးပေါင်းရင်းမြစ်များ

2 KHANGTHU 15:3

Israelte chu hun sawt tak Pathian dik tak nei lo in, amau thuhil ding thiampu leh dan nei lo in a la um tau a;

2 KHANGTHU 19:8

Zia bep chule hilo in, Jehoshaphat chun Jerusalem khua chunle, Lalpa â ding leh thubuai ngaitua dingin, Levite lak ah khenkhat leh thiampute tawh, Israel Inkuan tin ah hotute chule a guat ah. Amau chun Jerusalem ah umna mun a nei chiat ui.

2 KHANGTHU 35:3

Israelte zosia hil ah pang Levi mite leh, Lalpa â ding ah kikoi thiangthote kiang in zia gual hin tîlkho’na thu a gen a: “Israelte Lengpa David chapa Solomon in, thuthung thingkuang thiangtho a la bawl kha In sung ah koi lut unla; la liangko un paw zing ta kiu in. Tu’hin, Lalpa la Pathian uh leh a mipi Israelte â dingin sêm tau in.

NEHEMIAH 8:7

Mipite a mun chiat ua a um zing lai un, dan thute chu a hiat thiam theina ding un, Jeshua, Bani, Sherebiah, Jamin, Akkub, Shabbethai, Hodiah, Maaseiah, Kelita, Azariah, Jozabad, Haman, Pelaiah leh Levite chun a la panpiu a.

ISAI 8:20

Zia gual ah thugente chun phalvak mu him him pua’n au!

MALAKI 2:7

Thiampu chu sepai honte Lalpa tângsampa ahiziak in, a mûkte chun hetna a chintûp ah, mipite’n ama kam ah kipat zilsakna dik chu a hawl sek diu ahi ngal a.

MATTHAI 10:23

Chutichun, zia khua chun a sukgenthei phat ua leh khaw dang ah taisan un; titakzet in ka hil la hiu, Mihing Chapa a hung masang in Israelte khua haw chu chuan suak pua’n lau.

MATTHAI 11:1

Jesu chun, a nungzui sawm leh nite kiang ah zia thute a hil zaw phat ah chun, zia mun chu nusia in, a kiang nai tuam khuate chun thugen leh thuhil in a vâk vêl vêl a.

JOHAN 5:39

Pathian Lekhabu sung ah kumtuang hinna um ah la het ziak un, gunchu tak in la sim sek ui; ziate chu keima thasâng ah thu hun hiatsak ahi ngal a.

JOHAN 5:46

Mosi kha a la ging tak tak hileuchin, keima le ei ging ding la hiu: Ama khan kei chungchâng thu ngen a la zik ahi ngal a.

NASEPTE 13:15

Dan thu leh jawlneite lekha thu haw a hun sim zaw phat un, Sunagog hotute chun a kiang un, “Suapite haw, mipi tîlhatna ding thu la nei ua leh hun gen tau inla,” a hun tiu a.

NASEPTE 15:21

Mosi Dan thu hi nidang lai ah kipat, khawtin ah sabbath nisi’n leh sunagog tin ah a la kisim sek ahi tangal in,” a hun tia.

NASEPTE 28:23

Ni a tiam tau ah, zia ni chun a tunna In ah mi tam tak a hungkhawm tau ah. Jingkal ah kipat nitâk tiang in zia thu chu a hilchian ah, Pathian gam thu chu gen in, Mosi Dan leh Jawlneite lekhabu thu ah kipat in, Jesu chungchâng ah thuzaw a gua’n.

NASEPTE 8:40

Himaleh, Philip chu Azota khua mu in a um kit a; khawpi chuam chuam in thu a gen vêl vêl ah, Kaisaria tiang in a hung pek hi.

ROMTE 3:2

Bang lam lam inle a phachuam hi, Pathian thute a kiang ua vopsak ah a um ziak ahi pen hi.

1 PETER 4:11

Kua’n le thu a gen chun, Pathian thute gual in gen hen; kua’n le na a sep chun, Pathian in hatna a piak gual jel in sêm hen; tichun, Jesu Khrista ziakin Pathian chu bangkim ah chawihoi in um thei in a. Lopina leh vaihawmna chu kumtuang in ama â ahi ngal a.