2 KHANGTHU 17:5 - PATHIAN LEKHABU THIANGTHO (BSI)

⁵ Ziaziakchun, Lalpa‘n ama khut in lenggam chu a sukdet piak tai. Judai gam ah mi zosia’n lei man Jehoshaphat kiangah a hun piak khawm phat un, hausakna leh za umna nasa tak a hun nei tai.

2 KHANGTHU 17:5 ပူးပေါင်းရင်းမြစ်များ

THILSIAM THU 13:2

Abram chu ganchate, dangkate leh sanate in a hausa ma ma ta’n.

1 LENGTE 10:25

Amau chun thilpiak, dangka leh sana thilte, puansilte, gâlvante, thil gimtuite, sakolte leh sabiltungte chu a kum a kum in tam tak a hun thak sek ui.

1 LENGTE 10:27

Lengpa chun Jerusalem khua chun dangkate chu suangchang tawh bang mai in a umsak ah; chuleh, sidar thingte chule Shephelah ah theipi kungte tawh bang hial ah tam in a umsak hi.

1 LENGTE 4:21

Solomon in Euphrates ah kipat Philistinte gam zosia, Aigupta gamgi tiang ah lenggamte zosia chung in vai a hawm ah; amau chun Sia’ a hun chawi ua, Solomon dam sung sia’n a na a sep piak tau hi.

2 KHANGTHU 1:15

Lengpa chun, Jerusalem khua chun dangka leh sana chu suangchang a batsak ziang ah; chuleh, sidar thingte chule Shephelah lam ah theichang kung gual khop in a koi tai.

2 KHANGTHU 18:1

Tu’hin, Jehoshaphat chu nasa tak ah hausa leh ja’um in a hung um ta’n; tichun, Ahab tawh kichenpol ding thuthung a hun siam tau hi.

2 KHANGTHU 32:23

Mi tam tak in Jerusalem khua Lalpa kiang ah thilpiakte hun chawi in, Judai gam ah Lengpa Hezekiah â dingin thilpiak lûl tak tak a hun pekhawm tau ah; zia kipat chun nam tinte mit mu ah nasa tak ah choisa’n in a hung um tai.

2 KHANGTHU 9:27

Lengpa chun Jerusalem khawlai ah dangka thikte chu a tamsak ma ma ziakin, suangchang gual ah ngai thei hial in a tamsak ah; sidar thingte chule Shephelah mun ah theipi kung gual khop in a umsak hi.

JOB LEKHABU 42:12

Job hun nunung lam chu a tîl lai sâng a thupi zaw ma ma’n Lalpa‘n a maljawl ta’n: belam sîng khat leh sang li, sangawngsau sang guk, bawngchal tuak sang khat, leh sabiltung sang khat a hun nei tai.

SAM 127:1

Lalpa‘n In a sak lo chun, a sate chu a gimthawn a hiu. Lalpa‘n khawpi a vên lo chun, a vêngte chu a hak thawn a hiu.

SAM 132:12

La chate’n ka thuthung leh, ka thu hetsakte, amau haw ka hil dingte chu a zop uh chun, a chateu kumkhua’n la lalchutpha, chutsak zing ing ka,” ti in.

SAM 68:29

Jerusalem ah la tempul ziakin, lalte’n thilpiakte hun pawkhawm in au.

SAM 72:10

Tarshish leh thialkâl tin ah lengte chunle, leiman hun chawi uh hen la; Sheba leh Sheba lengte’n le, thilpiak hun chawi tau hen.

SAM 76:11

Lalpa la Pathian kiang un thuthung siam unla, zia chu mualsuau in; a kîmvêl ah mi zosia chun, kichâk dingpa â ding thilpiak, hun chawi khawm tau hen;

THUPILTE 16:12

Lalchutpha chu dikna tundin ahi ziakin, thil phalo bawlte hi lengte â dingin ki’dak um tak ahi.

MATTHAI 2:11

In sung ah a lut ua, a nu Mari tawh nausen chu a muu a; bokkhup in chibai a bûk ua, a gobawmteu hong in, kipakna thilpiak sana, begaw leh murra a piau a;

MATTHAI 6:33

Himaleh, a gam leh a dikna chu hawl masa tau in; tichun, zia thil zosia chule piak belap in um in lau.

1 PETER 5:10

Chun, hepina zosia Pathian, a kumtuang lopina chang ding ah Khrista ah hun kopa ngei chun, sawt lo la thok zaw phat ua leh hun tungding in, hun hi’det in, hun hi’hat ding ahi.

1 SAMUEL 10:27

Himaleh, michavai khenkhatte chun, “Zia mi phiangsan hin bang ei ti humbit ding a hem?” a tiu a. Ama chu a musit bêk ziak un thilpiak bangmale a pia puau a. Himaleh, ama chun a limsak puai. Zia lai ah chun Nahash, Ammonte lengpa chun Gadte leh Reubente chu a la sugenthei ma ma ah. A changlam mitteu a kheldaw piak ah, Israelte hukdaw ah a um ding uh a phal puai. Jordan luigâl ah Israel mi, Ammon lengpa Nahash in a mit uh a kheldaw piak lo pakhatle a um ta puau a. Himaleh, Ammonte khut ah kipat suakcha, pawsal sang sagi zet chu Jabesh-gilead a hung tung tau hi.