2 KHANGTHU 17:11 - PATHIAN LEKHABU THIANGTHO (BSI)

¹¹ Philistinte lak ah khenkhatte chun, Jehoshaphat kiang ah thilpiak leh lei man ding dangkate le a hun piau ah; Arabte chunle belamchal sang sagi leh za sagi tawh, kêlchal sang sagi leh za sagi le a hung piau a.

2 KHANGTHU 17:11 ပူးပေါင်းရင်းမြစ်များ

2 SAMUEL 8:2

Chuleh, Moabte le a zo kit ah; amau chu lei tual in a lupsak ah, te’na khauhual in a te’ ah; te’na khauhual chan ni tiang ah umte chu a tha dingte, te’na khauhual tawn khat sung ah umte chu a hawi dingte a hiu. Tichun, Moabte chu David suak in a lut tau ah, sia a choisak tai.

1 LENGTE 5:1

Ziaphatchun, Tura Lengpa Hiram in Solomon chu, a pa thasâng ah leng hiding in sathau a nu’ tau hi ti a het phat in, a kiang in a suakte a sawl ah; Hiram chu David tawh lawipha a la hiu a.

2 LENGTE 3:4

Moab ah Lengpa Mesha chu belam vul mi ahi’n, Israel lengpa kiang ah belamnote nuai khat tawh belamte nuai khat mul a la piak sek ahi’n.

2 KHANGTHU 17:12

Jehoshaphat chu awl awl in a hung khanglian deu deu ah. Judai gam ah chun kulpite leh go thil koikhawmna khawpite a siam a.

2 KHANGTHU 17:5

Ziaziakchun, Lalpa‘n ama khut in lenggam chu a sukdet piak tai. Judai gam ah mi zosia’n lei man Jehoshaphat kiangah a hun piak khawm phat un, hausakna leh za umna nasa tak a hun nei tai.

2 KHANGTHU 21:16

Ethiopiate kiangah um, Philistin leh Arabte chu Jehoram do ding in Lalpa‘n a hun choktho ta’n.

2 KHANGTHU 26:8

Ammonte’n le sia Uzziah kiang in a piau ah; a hung hat ma ma phatin Aigupta gam tiang in a min chu a kithang ma ma tai.

2 KHANGTHU 9:14

Arabia gam ah leng leh lal zosia tawh, a gam sung ah gam-uk zosia chunle sana leh dangka thikte chu Solomon kiang in a hun pesek ui.

2 KHANGTHU 9:24

a hung ve taphot in sanate, dangka thikte, sil leh chênte, gâlvante, thil gimtuite, sakolte leh sabiltungte a hun puak piak sek un; zia gual chun kum si’n leh tam tak tak a hun pekhawm sek ui.

ISAI 13:20

Tu’ leh khang zosia tiang inle, kuama chêng kit ta pua’n au; Arab khualzinte’n a puanbûk uh jak kit ta pua’n tin uh, belam chingte’nle a belamteu, kualsak kit ta pua’n au.

EZEKIEL 27:21

Arabia tawh Kedar ah milian zosia le la belam, belamchal leh kêlchal ah kiveite a hiu ah; ziate ah hin nang tawh kiveina a siam ui.