2 KHANGTHU 16:9 - PATHIAN LEKHABU THIANGTHO (BSI)

⁹ Ama ah lungthim dik tak nga zosiate hihat dingin, Lalpa mit chun khawvel pumpi a mu suak hi. Ngolhuai tak in zia gual hin la bawl ta mai hi; tu’kipat hin gâl do pan ta ding la hi,” ti’n a vagen a.

2 KHANGTHU 16:9 ပူးပေါင်းရင်းမြစ်များ

THILSIAM THU 31:28

Chuleh, bangatia ka tute, ka chanute ka chawp malam phal lo la hem? La thilbawl hi ngolhuai tak ahi.

2 SAMUEL 24:10

Himaleh, mipi a sim ziakin a vainung in David lungthim chu a na ta ma ma ziang a. David in Lalpa kiang in, “Ka la thilbawl ziak hin nasa tak in gilo ka hi tai. Himaleh, tu’hin, aw Lalpa, la suak gitlona hi ei lakmang piak dingin ka hun don hi; ngolhuai tak in thil ka la bawl ta’ngâl in,” a tia.

1 LENGTE 15:32

Israelte Lengpa Baasha leh Asa kikâl ah chun a dam sung siau kido’na a umtheng tai.

2 LENGTE 20:3

“Aw Lalpa, ka lungthim zosia ginum tak ah la mit mu ah ka umdan leh la mit mu ah thilpha bep ka bawl sek dante hi hezing in, ti’n ka hun ni hi,” a tia. Tichun, Hezekiah chu ha-kâ in a kap tai.

1 KHANGTHU 21:8

David in Pathian kiang in, “Zia thil ka la bawl ah hin la chungah ka sukhial nasa ma ma tai. Himaleh, tu’hin, ngolhuai tak ah thil ka la bawl tak ziakin, la suakpa sukkhialna hi ngaidam piak dingin ka hun don la hi,” ti’n a gen a;

2 KHANGTHU 15:17

Israelte lak in vang thoimualte chu suksiat in a um puai. Asa chu vang a dam sungsia’n lungthim dik tak in a um zing hi.

2 KHANGTHU 15:19

Tichun, Asa lal kum sawmthum leh nga a ti’n tiang in gâl kidona him him a um kha ta puai.

2 KHANGTHU 16:10

Ziaphatchun, Asa chu thiamgau chung in a lungna ma ma ta’n, kol busak in suangkul in a khum tai; a thugen ziak ah a lungnat man ah zia gual ah chu a bawl ahi. Zia hun ah chun Asa in mi dang dangte le a sugenthei ma ma hi.

2 KHANGTHU 19:9

Zia gual hin amau chu thu a pia’n: “Zia gual ah hin la bawl diu ahi: Lalpa lau kawm zing in, ginum tak leh la lungthim zosiau in sêm unla;

2 KHANGTHU 6:20

zia In lam hi nga’ la suak pauchapna hi la ngaithâk theina dingin, la min umna ding ah la tiamna mun lam hi a sûn a jan in hun nga zing in.

EZRA 5:5

Himaleh, Pathian in Judah mite lak ah hotute chu a vên zing ziakin, a thuu chu Darius kiang in a tunah, a dawnhuna lekha ah kizik a mu kit masangsiau chu a nasep uh a cholsak puau hi.

JOB LEKHABU 28:24

Ama’n lei mong lam tiang in a vak en ah, vante nuai ah thil um zosia hi a mu zing hi.

JOB LEKHABU 31:4

Ama’n ka lampi zosia a mu’n, ka kalsuan zosia a sim zing hilo a hem?

JOB LEKHABU 34:21

Mihingte umdan zosia a entha zing in, a kalsuan zosiau le a mu suak ngâl a.

SAM 113:6

vante leh lei hun en ah hung kum suk chu kua hem um?

SAM 33:14

A lalna chutpha ah kipat in, lei ah chêng zosia tawidan mu dingin a en zing a,

SAM 33:15

a leng ua lungthim siam piak ah, a thilbawl dan zosiau en zui zingpa ngei chun.

SAM 33:18

Lalpa mit chu ama kichate chung in a chu sek ah, a ngilneina’ ki-ngate leh,

SAM 34:15

Lalpa mit chun midikte a en sek in, a kiko thawm uh he ding in a bil le a daw sek hi.

SAM 37:37

Dem kailote tepte inla, midiktat chu kansui in: kicham nuamte chun suan leh pâk, tasam lo ding ahi ngal un.

THUPILTE 15:3

Lalpa mit chu mun tin in a um a, mipha leh phalo a entha zing hi.

THUPILTE 5:21

Lalpa‘n mihing lampite chu a enkâi zing in, a lampiteu chu a enchian zing sek ngal a.

ISAI 31:1

Aiguptate panpi’na hawl ah chiasukte, sakol hatna kisuanpite, sakol kângtalai tam ziak ah kimuangte, sakol hat ma ma te muang ah, Israel Mithiangtho ngaisak lo leh, Lalpa ngaisaklote chu, a chung uh a gik na lawm lawm e!

JEREMIAH 16:17

Ka mit in a um dan zosiau a mu suak ah, ka mu lona ding ah sêl mang thei ahi puau ah, a khawlonateu chule ka mulo ding ah sêlgûk thei a hipaw ngal a.

JEREMIAH 32:19

la lemguat dan a mak ah, la thilbawl dan a lopi hi; la mit chun mihingte tawidan zosia a mu suak ah, mi tin chu a tawidan dungzui leh a thilbawl uh tawh kigûn tak ah thuk zing sek la hi.

JEREMIAH 5:1

Jerusalem khawpi kotzing ah chun tai vêl unla, en vêl un la kansui un! dik tak ah bawl leh, thu dik hawl mi pakhat bêk la muu em, khawpi sung kil leh kâk hun hawl tiam un, Jerusalem ka ngaidam theina dingin.

JEREMIAH 5:21

Aw, mingol leh ngaituana beite haw, mit nei ngâl ah mulote, bil nei ngâl ah helote haw, zia thu hi ngai un:

JEREMIAH 5:3

Aw Lalpa, thu dikna hawl hilo la hem? Amau chu la vaw ta’n, maleh khawk a sa puau a; la sawi ta’n, ahi’n la, a kisudik nuam puau hi. A maichangteu suangpi sâng ah tâk zaw’n a kisiam un, kile’kit a nuam puau hi.

ZEKARIAH 4:10

Kuale, thil neucha nite musit taphot chu hung kipak intin; Zerubbabel khut ah etdikna um chu a la mu ngei in au. Zia mit pasagite hi Lalpa mit, kawlkil zosia mu suak chu a hi, a ti’n.

MATTHAI 5:22

Himaleh, ke’n vang, kuale a unau chung ah lungna tapo chu vaihawmna â dingin lauthawn um tak in um intin; chuleh, kua’n le a unau kiang ah, “Raka, Panna bei” ti tapo chu vaihawmte vaihawm piak lauthawn um tak in um intin; chuleh, a unau kiang ah, “More, Mingol” ti tapo chule vaihawm piak lauthaw’n um tak in um in a, ti ka hil la hiu.

LUKA 12:20

Himaleh, Pathian in a kiang in, “Mi ngolpa! Tu’jan ah hin la hinna la ding a hiu. La thil guanggalte chu kua â ding a hita diam?, a ti’n.

1 KORINTH 15:36

Mingol! La tu’ sekte hile, a thi zet lo chun a hung hingdok ngai puai.

GALATIA 3:1

Aw Galatia gam ah mingolte haw, kua’n a hun bum ngol ah a hem? La mit mu ngei un Jesu Khrista chu kichian tak ah khetden ah latsak ahi’siat tawh!

HEBRAITE 4:13

Thilsiam ama mit mu ah kilang lo a um pua’n; I chanchin uh I genna ding un, pa mit mu in thil zosia ngawnchang leh kihongsa kilang zing ahi.

1 PETER 3:12

Lalpa mit chu midikte chung in a chu sek in, a nakhang le a pauchapna lam un a daw sek hi; ahi’n la, Lalpa mêl chu thil hi’khialte chu, a do sek hi,” ti ahi ngal a.

1 SAMUEL 13:13

Samuel in Saul kiang ah chun, “Ngolhuai tak ah thil a la bawl la hita hilam; Lalpa la Pathian thupiak chu la zui ta puai. Chuti hilo leh vang, Lalpa‘n Israelte chung ah leng la hi’na hi kumkhua’n hun hi’det piak ding ahi’n;