2 KHANGTHU 16:2 - PATHIAN LEKHABU THIANGTHO (BSI)

² Ziaphatchun, Asa chun Lalpa In leh lengpa In ah dangka leh sana haw chu chom khawm in, Damaska khua Aramte Lengpa Ben-hadad kiang in a thotah, a kiang in,

2 KHANGTHU 16:2 ပူးပေါင်းရင်းမြစ်များ

1 LENGTE 15:18

Zia nung ah chun, Lalpa In ah gothilte leh Leng Inpi gothilte, sana leh dangka zosia chu Asa chun a lakhawm ah, a suakte khut in a pedok ah; tichun, Lengpa Asa chun Damaska khua chêng Suria Lengpa Hezion chapa Tabrimon chapa Ben-hadad kiang in a sawl tai.

2 LENGTE 12:18

Judai gam ah Lengpa Jehoash chun Judah lengte, a suanpa Jehoshaphatte, Jehoram leh Ahaziah in a go lak ua kipat thilpiak a latdawsateu leh, ama go ah kipat a thilpiakte, Lalpa In leh lengpa In ah go koikhawmte, sana leh dangka zosia chu a la, ziate chu Aram Lengpa Hazael kiang in a thot tai. Ziaphatchun, Hazael in Jerusalem chu a do ta puai.

2 LENGTE 16:8

Chun, Ahaz chun, Lalpa In ah sana leh dangka umte chu a la’n, chuleh Lalpa In ah a go um haw chu tawh a ladok ah, Assuria lengpa kiang ah thilpiak dingin a thot tai.

2 LENGTE 18:15

Ziaphatchun, Hezekiah chun Lalpa In ah um leh, leng In ah um dangka zosia chu a kiang in a pia tai.

2 KHANGTHU 16:1

Asa lal kum sawmthum leh guk a ti’n in, Israelte Lengpa Baasha chu Judai gam do dingin a kuan ah; Judai gam ah Lengpa Asa kiang lam ah, kuama a chiatua lumlet theilona ding ua dâlna dingin Ramah khua’n kul a siam a.

2 KHANGTHU 16:3

“Ka pa tawh la pa kha a la pankhawm gual uh khan, ei te ni le pangkhawm hi ti; dangka leh sanale ka hun thot hi; chia inla, Israelte Lengpa Baasha hin ei hung dolona dingin la kizopnau thu kha vaphel kit ziang in,” a vatisak a.

2 KHANGTHU 28:21

Assuriate Lengpa kiang ah Sia piak dingin Ahaz chun Lalpa In hi’n, lengpa In hileh, a milian leh lalte In zosia chu a suam ta’n; himaleh, zia haw zosia chule bangma kham ahi nai diak puai.

JEREMIAH 49:23

Damaska chung thu ah chun: Thuthang phalo a het ziak un, Hamath leh Arpad a buai tau hi; tuisuagiat umthim thei lo gual in, launa dim in a lungjing tau hi.