2 KHANGTHU 15:9 - PATHIAN LEKHABU THIANGTHO (BSI)

⁹ Judah leh Benjamin phung ah mite zosia tawh, a lak ua Lalpa a Pathian um ahi ti a het ziak ua Israelte lak hun taisan ah, amau hung bêl ah a gam ua gam dang mi gual ah a la chêng ta, Ephraim, Manasseh leh Simeon phung ah mi tam takte chu a ko khawm a.

2 KHANGTHU 15:9 ပူးပေါင်းရင်းမြစ်များ

THILSIAM THU 26:28

Amau chun, “Lalpa la kiang in a um hi ti kichian tak in ka muu ah; ziaziakchun, nang tawh kei uh kikâl ah thuthung siam ah, kitiamna bawl leu hin ti ah hung ka hiu;

THILSIAM THU 39:3

Lalpa chu a kiang in a um zing ah; a thil hi taphot ah a lawtinsak hi ti a pu chunle a he tai.

1 LENGTE 12:19

Tichun, tu’ni tiang hin Israelte chu David Inkuan do in a hel den tau hi.

1 LENGTE 3:28

Israel zosia chun lengpa thutan dan chu a la hiau ah, lengpa chu a ja zaw diak tau hi; thu dik tak ah tantheina ding ah Pathian pilna chu ama ah a um hi ti a mu tau hi.

1 KHANGTHU 12:19

Saul do ding ah Philistinte tawh David a hang kuan lai ua chun, a lak ua Manasseh phung ah mite khenkhat chu David lam ah pang dingin a hung jamdok tau a. Philistinte hotute chun, “Amau hin a pu Saul lam ah hung pang intin, thi law bep kha’i tiu,” a ti ziak ua a la sawl mang him uh ahiziak in, ama hin Philistinte hi a la panpi tak tak man puai.

2 KHANGTHU 11:16

Israel nam lak ah Lalpa Israelte Pathian lam lunglenna nei zosia chun a hun zui un, a pu leh pateu Lalpa, Pathian kiangah kithawi dingin Jerusalem khua chun a hung tau hi.

2 KHANGTHU 15:10

Asa vaihawmna kum sawm leh nga a tin ah, a tha thumna chun Jerusalem khua chun a hung khawm tau a.

2 KHANGTHU 19:4

Jehoshaphat chu Jerusalem khua’n a chêng ah; Beer-sheba khua kipat Ephraim tânggam tiang in a mipite lak in gam a fang ah, a mipite chu a pu leh pateu Pathian, Lalpa kiang lam in a hun pui khawm kit a.

2 KHANGTHU 30:25

Judai gam ah mipi hungkhawmte, thiampute leh Levi chite leh, Israel gam ah kipat hung khawm zosia tawh, Israel gam ah gam dang mi a chêngdente leh Judai gam ah gam dang mi a chêngdente chu tawh, a leng un a kipak ta ma mau hi.

EZEKIEL 37:16

Mihing, molkang pakhat la’n la, a chung in, “Judah leh a kizoppi Israelte â dingin,” ti’n zik inla; molkang dang khat le la’n la a chung in, “Ephraim mol leh a kizoppi Israel Inkuante â ding,” ti’n zik in;

NASEPTE 9:31

Zia hun sung ah chun, kochuamte chu Judea, Galili, Samaria gam ah chun muang tak ah um in a det tau hi. Lalpa lau kawm in Thagau Thiangtho thamuan in a um un, a pung deu deu tau hi.

1 SAMUEL 18:28

Himaleh, David chu Lalpa‘n a umpi hi ti leh a chanu Mikhal in a ngai hi ti a het ziakin,