2 KHANGTHU 15:7 - PATHIAN LEKHABU THIANGTHO (BSI)

⁷ Himaleh, nang vang kihihat in! La khut nasep zosia lamzang ding a hiziak in, la khut chu thâtdasak kin!” ti in.

2 KHANGTHU 15:7 ပူးပေါင်းရင်းမြစ်များ

THILSIAM THU 15:1

Zia nung chun, Lalpa thu chu Abram kiang in a manglam gual in a hung tung ta’n; a kiang in, “Abram, lau kin, kei hi la phaw ka hi; la kipakman ding chu thupi tak hi’n ah,” a ti’n.

1 KHANGTHU 28:20

Zia ban ah chun, David in a chapa Solomon kiang ah chun zia gual hin a gen a: “Hat tak leh hangsan tak in um in, zia haw chu bawldok sik sek in. Lauthawng kin la, lungthuai diak kin; Lalpa Pathian, ka Pathian chun a hun umpi la hi.

2 KHANGTHU 19:11

Ngai un, thiampu lal Amariah chu Lalpa lam thu ah la hotu ding un a um hi; chuleh, lengpa thusuak lam zosia ah Judai gam-ukpa dingin Ishmael chapa Zebadiah a um hi; chuleh, Levite chule la hotu ding un a um ui. Hangsan tak in ngaituau inla, mi phate kiang in Lalpa chu um zing ta hen!” ti’n a gen a.

2 KHANGTHU 32:7

“Hat tak leh hangsan tak in pang un. Assuriate lengpa leh a kiang ah a sepaite haw chu lau kiu inla, huphul him him kiu in; amau kiang ah umte sâng ah hatzaw ei panpi a um ngâl a.

SAM 19:11

Zia bep chule hilo in, la suak hi zia chun hilgai in ka um sek ah; ziate zop chu kipakman nasa tak, channa ahi nalai hi.

SAM 27:14

Lalpa chu ngâk zing in; kisuhat inla, la lungthim chu kihânsak ta hen; ahi, Lalpa chu ngâk zing in!

SAM 58:11

Tichun, mite’n, “Midikte â dingin kipakman a um tak tak in; lei ah hin vaihawmtu Pathian a um tak tak hi,” hun ti’n au.

JEREMIAH 31:16

Zia gual hin Lalpa‘n a gen hi: Kapdok talo dingin la aw chu kisûm inla, la mitthi le thiak-hul ta’n; la sep gim man chu mu ding la hi’ngâl a, Lalpa‘n a tii; la mêlmate gam ah kipat in, hung kit ding a hiu.

DANIAL 10:19

Ka kiang in, “Lau kin, nasa tak ah doisakna changpa! Nang chu humbit la hi tai. Hat tak leh hangsan tak in um in!” ei hun tia. Zia gual ah ei hun ho zaw phat ah chun ka hung hât ta’n, a kiang in, “Nang in lei hi’hât tâk ziakin, tu’hin ka Lalpa‘n thu hun gen ta’n le,” ka ti tai.

ZEKARIAH 8:9

Sepai honte Lalpa‘n zia gual hin a gen hi: Sepai honte Lalpa In, tempul ngei chu sakdaw kit a hitheina ding ah, In suangphûm lopi, a jawlneite thugen ma ma nanghaw tu’ni ngaithate hin, la khut uh hi’hat tau in.

MATTHAI 5:12

Lim unla, kipak tak in um un; van ah la kipakman ding uh chu a lopi ngal in; zia gual ma chun la mau ah jawlneite kha le a sukgenthei uh ahi kha.

MATTHAI 5:46

Nang uh hun hepite bep la hepiu chun, kipakman bang a hem la mu ding uh? Sedawl mite’n le zia gual ma chun a bawl tho puau em?

MATTHAI 6:1

La thilpha hi’teu mihing mit mu ah kilang ding bep hilo dingin chingthei un; chutilochun, la Pau van ah um kiang ah chun kipakman ding nei pua’n lau.

MATTHAI 6:18

Chutileh, la Pau a gûk ah um mit mu ah longal chun mihing mit mu in anngawl in kilang pua’n la tiu in, tichun, la thilbawlte a gûk ah a la mupa chun hun din in a.

MATTHAI 6:4

la thil piak chu a gûk ah a umtheina dingin; chutichun, la pa la thilhi’te a gûk ah a la musekpa chun hun dit in a.

MATTHAI 6:6

Nang vang la pauchap ding phat leh, la pindan sunggil ah lut inla, la kot khak inla, la pa kuama mu’lo ah a la um zing kiang ah chun pauchap in: tichun, la pa la thil bawlte a gûk ah a la musekpa chun hun dit in a.

LUKA 6:35

Himaleh, la mêlmateu hepiu inla, a phatna ding uh bawl un, mu ding kinem lo hial in thunglâksak un; tichun la kipakman ding uh chu thupi intin, Chungnung penpa chate hiding la hiu; ama chu kipakna châng helote leh mi nunsiate chung inle a jangai thei ma ma ngal a.

1 KORINTH 15:58

Ziaziakchun, ka doitakte haw, suklîng zaw lo ding ah det tak in um unla, Lalpa nasepna chun theitawp sua zing un; la sepgimnau chu Lalpa ah chun a thawn puai, ti la he ngal un.

1 KORINTH 16:13

Kivêng unla, ginna’n ding det in, hangsan tak leh hat tak in um un.

1 KORINTH 3:14

Kua Insakle In suangphûm chung ah a um zing chun, zia mi chun kipakman chu mu ding ahi.

1 KORINTH 3:8

A phupa leh a tuibuakpa chun a tup uh kibang ahi; mitin in ama sepgim ga chu, a sep dungzui un kimu chiat ding a hiu.

EPHESA 6:10

A tawp pen in ka suapite haw, Lalpa leh a hâtna thilhitheina ah chun hat tak in um unla.

KOLOSSA 3:24

La kipakman diu goluana chu chang ding la hiu ti la hiau a, Lalpa Khrista na chu la sêm uh ahi.

HEBRAITE 10:35

Ziaziakchun, la kingaknau chu haisan kiu in; kipakman nasa tak a um ngal a.

HEBRAITE 6:10

La nasep uh leh hepina ziak ah la sepgimnau, ama min ah la latsak uh, mithiangthote chung ah la nasepteu, tu’tiang ah le la sep zing uh chu hemil dingin Pathian chu mi diklo ahi puai.

JOSHUA 1:6

Hat tak leh hangsan tak in um in; a pu leh pateu kiang ah piak ding ah ka la tiamna gam hi, zia mipite gochan dingin hawm piak ding la hi’ngâl a.

JOSHUA 1:7

Ka suak Mosi’n dan thu a hun piak dung zui ah um dingin, hat tak leh hangsan tak in um phot mai in; la chiana taphot ah la lamzan zing theina dingin, la changlam a hem leh la veilam a hem in pêtmang him him kin.

JOSHUA 1:9

Ziaziakchun, thu ka hun pia la hi: hat tak leh hangsan tak in um in; lau kin la, lunglel diak kin; Lalpa la Pathian chun la chiana taphot ah hun umpi zing ding ahi ngâl ah,” a ti tai.

JOSHUA 14:14

Chutichun, Lalpa, Israelte Pathian chu a lunggil zosia a zui ziakin, tu’tiang hin Hebron khua chu Keniz mi, Jephuneh chapa Kaleb gochan a hung hiden tai.

2 JOHAN 1:8

I sepna ziak uh chu mansua lo ah, kipakman kim chu la mutheina ding un kivêng phau in.

RUTH 2:12

La nasep ga chu Lalpa‘n hun dit hen la, a thalîm nuai la hun bêl Israel Pathian chun kipak man bukim hun pia ta hen,” a tia.