2 KHANGTHU 15:6 - PATHIAN LEKHABU THIANGTHO (BSI)

⁶ Pathian in buaina tincheng ah a sukbuai tâk ziakin, nam khat in nam dang khat do in, khawpi khat in khawpi dang khat kidotua in, siatna huaisia tawp a tuak tau ahi.

2 KHANGTHU 15:6 ပူးပေါင်းရင်းမြစ်များ

2 KHANGTHU 12:15

Rehoboam chanchin chu a bul ah kipat a tawp tiang in, Jawlnei Shemaiah in a zik Chanchinbu leh, thiamgau Iddo in a zik Chanchinbu ah khangthu a zikna lak ah kizik hinalo a hem? Rehoboam tawh Jeroboam kikâl ah kidona chu sutzom pek ahi nalai hi.

2 KHANGTHU 13:17

Abijah tawh a sepaite chun a zo tau ah, mi tam tak le a that ui; Israelte lak ah doichuam kitêldok nuai nga hial chu a that tau hi.

2 KHANGTHU 33:11

Ziaziakchun, Assuria lengpa sepaite hotu haw chu Lalpa‘n hun sawl in, Manasseh chu man in thikkhau lingnei leh kol busak in, Babulon khua lam in a pui mang tau hi.

2 KHANGTHU 36:17

Ziaziakchun, Kaldai lengte chu a puilût ah, amau chun a mun thiangtho ah chun a tangvalteu chu chemjam in a sat lum tau ah; tichun, tangval hi’n nungak hileu, teksia tawi zo talote hi ziangleu le, lainatna pang lo in a hun soisa tau hi; amau chu a leng un a khut ua a piak daw suak ahi tai.

SAM 106:41

mi tinte khut in a pedok ta’n, amau mudate’n a chung un vai a hawm tau hi.

ISAI 10:6

Pathian ngaisak lo namte do dingin, amau chu ka sawl in; ka lungnatna mipite chung ah, gâl lâk ah la ding leh vachom ah vasuam gam ah, khawlai buanthuak gual ah, vachuan chil dingin thu ka pia tai.

ISAI 19:2

Aigupta mite do dingin Aiguptate ma ma chokphûl ing ka tin, amau leh amau kido intin uh, a Invêngteu chiat kidopi intin uh, khawpi khat in khawpi dang do intin, lenggam leh lenggam hung kido ta’n au;

JEREMIAH 25:32

Sepai honte Lalpa‘n zia gual hin a gen a: En un, siatna chu namtin chung ah, a ban ban in hung tung ding ahi; thigawpi hat tak leimun gamla pen ah kipat in, a hung hâng hi!

AMOS 3:6

Khawpi sung ah launa umlo in kuan, pengkul a mût ngai ah a hem? Lalpa sawl hilo in siatna’n khawpi a tun khum ngai em?

HAGGAI 2:22

lenggamte lalchutpha paitha’ng ka; namte lenggam hatna susia’ng ka tin, sakol kângtalai leh a chung ah chuangte le paitha’ng ka; sakolte leh a chung ah chuangte chu kipûk in, mi tin chu a lawipa chemjam ah chun kipûk in au.

MATTHAI 24:7

Nam khat leh nam khat kido in au, gam khat leh gam khat le kido intiu in, kialte hung tung in, mun chuam chuam in lîn hung kilîng in a;

MARKA 13:8

Nam chuam leh nam chuam kido intiu in; gam chuam leh gam chuam kido intiu in; mun chuam chuam in lîn kilîng intin; kial hung tung in a. Zia chu nauvei kipatna ahi,” a tia.

VAIHAWMTE 2:14

Tichun, Lalpa chu Israelte chung ah a lungna, amau chu mi suamte suam dingin a pedok ta’n; chuleh, a kîmvêl ua um, a mêlmateu khut ah a zokdaw tâk ziakin, a gâlteu âng in a pang thei ta puau a.