2 KHANGTHU 15:2 - PATHIAN LEKHABU THIANGTHO (BSI)

² Asa kiang in a chia ah, zia gual hin a genah: “Lengpa Asa leh Judah leh Benjamin phung ah mi zosiate haw, ka thugen hi ngai tiam un: Lalpa ah la um sungsiau chu ama’nle a hun umpi hi. Ama la bawlphat ua leh hung kimusak intin; ahi’n, ama la nutsiau leh vang ama’nle hun nusia ngal ding ahi.

2 KHANGTHU 15:2 ပူးပေါင်းရင်းမြစ်များ

1 LENGTE 11:25

Ama chu Solomon vaihawm sungsia Israelte mêlma ahi zing ta’, Hadad gual ah khan buaina a siam tai.

1 LENGTE 18:18

Elijah chun a dawnhu ah, “Keima’n Israelte ka sulungngai puai. La Inkuanpite tawh, Lalpa thupiakte nusia in Baalte nung la zui tâk ziak in, nang la hi.

2 LENGTE 21:14

Ka golua ding ah um, a thibang sunte chule taisan ing ka tin, a mêlmateu khut nuai ah chun silut malam ing ka tin; tichun, a mêlmateu â dingin gâlhingmat leh thalup ding bep hita’n au.

1 KHANGTHU 28:9

Chuleh, nang ka chapa Solomon, la pa Pathian chu hezing inla, thanuam tak leh lunglut tak in a na chu sêm in; Lalpa chun ngaituana zosia a patep sek in, thiltup leh ngaituana zosia le a hechian ma ma ngâl ah. Ama chu la hawl ahi chun, hun kimusak ding ahi’n; la nungngat leh vang kumkhua’n hun nusia ding ahi.

2 KHANGTHU 11:12

Chuleh, khawpi tin ah chun phawte leh cheichate le a koikhawm in, khawpi detdo tak hiding in a siam chiat tai. Tichun, Judah leh Benjamin mite chu a awp khum tai.

2 KHANGTHU 12:5

Ziaphatchun, jawlnei Shemaiah chu Rehoboam tawh Judah mipi hotute, Shishak lau ziak ah Jerusalem khua hung khawmte kiang ah chia in, a kiang un: “Lalpa chun zia gual hin a gen hi: Lei kihei mangsan zaw tak ziak un ke’nle Shishak khut ah um dingin ka hun nusia ngâl la hiu,” ti’n a gen a.

2 KHANGTHU 13:12

Ngai un, Pathian chu ka hotu pen uh ahi’n, a thiampute chun kidona pengkulte chu chawi chiat in, nanghaw do ding ah mipi ko khawm zing dingsa pang zo a hitau hi, ti’n a gen a.

2 KHANGTHU 13:4

Ziaphatchun, Abijah chu Ephraim Thingtâng ah Zemaraim tângpang in a dingdok ah, zia gual hin a vak gen a: Jeroboam tawh Israel mipi zosiate haw, ka thugen hi a la ngai tiam un.

2 KHANGTHU 15:15

A lungthim zosiau leh a doinau gil tak ah thutiam bawl a hiziak un, zia a kitiamnau ziak ah chun Judah mipi zosia chu a kipak ma ma tau a; tichun, Lalpa chu a mudaw tâk ziak un, ama’n a kîmvêl ua mi zosia ah kipat galmuanna a pia tai.

2 KHANGTHU 15:4

himaleh, lungkhamna a tuak phat ua leh Israelte Pathian, Lalpa lam hun nga sek in, ama a hawl sek un, ama chu a mu sek ui.

2 KHANGTHU 20:15

Ama chun, “Ngai un, aw Judai gam ah mite leh Jerusalem khua chêngte leh Lengpa Jehoshaphat: Lalpa‘n zia gual hin la kiang un thu a hun gen ta ahi: Zia mipi tam takte hi lau kiu inla, lungdong diak kiu in; kidona hi nanghaw â a hipua’n, Pathian â a hizaw ngâl a.

2 KHANGTHU 20:17

Aw, Judai gam leh Jerusalem khua mite haw, zia kidona hin nanghaw la pan uh ngai pua’n ah; la panmun chiat un ding chil chel un la, nanghaw â ding ah Lalpa‘n a hun zaw piak dan chu en mai un! Lau kiu in la, lungdong ziang kiu in; jing leh gâldo dingin kuandok un la, Lalpa‘n hun kithuapi ding ahi,” ti’n a gen a.

2 KHANGTHU 20:20

A jing ah chun ma tak ah tho in Tekoa gamthip lam in a chiauah; a kipatdaw ding phat un Jehoshaphat chu hung dingdok in, zia gual hin a hun gen a: “Aw Judah mipite leh Jerusalem khua chêngte haw, ka thugen hi ngai tiam un! Lalpa la Pathian uh chu ging un; chutileh, phudet in um bep ding la hiu; a jawlneite hile gingcha tau in,” ti’n a gen a.

2 KHANGTHU 24:20

Ziaphatchun, thiampu Jehoiada chapa Zekhariah chu Pathian thagau in a hun thuam ah; mipite muthei dingin a dingdok ah, a kiang un: “Pathian in zia gual hin a gen hi: Bang ding ah la lamzan theilo khawlawna hial ding ua Lalpa thupiakte botsia ziang la hiu em? Lalpa chu la kihei mangsan tâk ziak un, ama’nle a hun kiheimangsan ta a hi, a tii,” ti’n a gen a.

2 KHANGTHU 26:5

Pathian lau ding dan a la hil ah pang Zekhariah dam sungsia chu Pathian lam a hawl zing ah; tichun, Lalpa a hawl sungsia chu, Pathian in vangphatna a pia tai.

2 KHANGTHU 32:8

Amau chu mihing thahâtna bep mang a hiu ah, ei haw ei panpi ding leh I gâlteu ei do piak ding chu Lalpa I Pathian uh ahi ngâlah,” ti in. Judai gam ah Lengpa Hezekiah thu gen ziak ah chun mipite chu nasa tak in a kisuhat tau hi.

2 KHANGTHU 33:11

Ziaziakchun, Assuria lengpa sepaite hotu haw chu Lalpa‘n hun sawl in, Manasseh chu man in thikkhau lingnei leh kol busak in, Babulon khua lam in a pui mang tau hi.

2 KHANGTHU 33:12

Lungngaina huaisia tak a tuak phatin, a pu leh pate Pathian, Lalpa kiang ah kingainiam tak in a doisakna a don tai.

2 KHANGTHU 34:3

Kum giat bep mi ahi ah, naupang cha ahi in vai a hawm pan ah, a pu David gual in a Pathian lung lam chu a hawl ah; a lal kum sawm leh ni’na chun Judai gam leh Jerusalem khua chun thoimualte, dawikhuamte leh milim kisiam haw chu a subei thiang zo tai.

EZRA 8:22

Lengpa kiang in, ka Pathian uh doisakna khut chu ama hawlte zosia chungah um sek leh, ama dodâl leh nusia zosiate chungah a thilhitheina leh a lungnatna chu sek ahi ti ka la hil tâk ziak un, lam kâl ah mêlma ei hung do dingte lak ah ei vêng ding sepai hi’n, sakol chungchuang mi bang a hem jat vêl lengpa kiangah dot ding chu la ka zak a cha ta’n.

SAM 34:4

Lalpa chu ka hawl ah, ama’n ei dawnhu ta’n; ka launa zosia lak ah kipat in ei hukdok tai.

SAM 53:2

Pil tak ah Pathian hawl him him a um diam uh ti’n, Pathian in van ah kipat in mihing chate a en suk a.

ISAI 45:19

Thimna gam ah hin a gûk in bangma ka gen puai; Jakob suan leh pâkte kiang in, “Buaina lak in ei hawl un,” ka ti ngai puai. Keima Lalpa hin thudik ka gen a, a dikte bep chu ka taklat sek ahi.

ISAI 51:1

Nanghaw dikna del ah, Lalpa hawlte haw; ka thugen hi a la ngai un. Khuak daw ah la umnau suangpi en unla, chawdaw la hi’nau khûk chu en un.

ISAI 7:13

Ziaphatchun, Isai in: Aw David Inkuan ah mite haw, zia hi he tau in! A thi thei mihing mai mai suklunggim hi, thil mai mai in la ngai ua a hem, ka Pathian nasan suklunggim la gaw nalai sêt un?

JEREMIAH 2:17

Lalpa la Pathian In lam dik ah a hun pui lai ah, ama la nutsia ziak ah zia gual thilte chu, la chung ah tung ding ah la kibawl hilo a hem?

AMOS 5:14

La hintheina ding un gitlona hilo, phatna chu hawl tau in; tichun, la gensa gual in, Lalpa, sepai honte Pathian chun hun umpi ta’n a.

ZEKARIAH 1:3

Ziaziakchun, a kiang un: Sepai honte Lalpa chun zia gual hin a gen hi: Sepai honte Lalpa‘n ka kiang lam ah hung kihei kit un, keile nang uh lam in hung kihei kit ing ka, sepai honte Lalpa‘n a tii.

KISIMNA LEKHABU 14:42

Chia to kiu in, Lalpa‘n a hun umpi paw’ngâl ah; la mêlmateu thagam mai dingin kipe ziang kiu in.

KISIMNA LEKHABU 14:43

Amalekte tawh Kanaan mite chun a la do ding a hiu in, a chemjam ua thi mai ding la hi’ngâl un; Lalpa la kiheimangsan tâk ziak un, Lalpa‘n le hun umpi talo ding ahi,” a tia.

MATTHAI 13:9

Kuale hetna ding ah nakhang nei chun he tau hen,” a tia.

DAN LEKHABU 20:1

La gâlteu do ding ah la kuan lai un, sakolte, sakol kângtalaite leh sepai hon nanghaw sâng ah tam zaw la mu ziak un lau diak kiu in; nanghaw Aigupta gam ah kipat hun puidokpa Lalpa la Pathian un a hun umpi zing ngâl a.

DAN LEKHABU 31:17

Ziaphat chuleh, a chung ua ka lungnatna kuangjak intin, amau chu kilepsan ing ka tin, ka mai sêlgu ta’ng ka; thil phalo leh tizat um tak in hun chup ta’n ah. Zia ni phat chuleh, ‘I Pathian un ei umpi lo ziak ah zia gual buainate hi tuak hi talo I hiu em leh?’ ti’n tiu in.

DAN LEKHABU 4:29

zia kipat chun, Lalpa la Pathian uh chu, la lungthim leh ngaituanau zosia ah, la hun hawl phat ua leh mu kit bep ta’n lau.

HEBRAITE 10:38

Himaleh la midik chu ginna’n hing in a. A kinungle kitte chung in vang, ka thagau lungdam pua’n a”. A tia.

HEBRAITE 12:25

Zia thugente chu doi lo ah la la um lona ding un chingthei un. Lei ah a kiang ua thugente doilote bawn in gawtna a pumpel lo ua leh, van ah kipat thu hung genpa chu a la kiheimang san leu hin, bangti suachât ding I hiu em!

JAKOB 4:8

Pathian chu nai un; tichun, ama’nle hun nai in a. Nang uh mi gilote haw, la khut uh sil thiang unla, nang uh mi phalêmte haw, la lunggil uh hithiang un.

JOSHUA 22:31

Eleazar chapa thiampu Phinehas in, Reubente, Gadte leh Manassehte kiang ah chun, “Tu’ni hin zia thu hin Lalpa chung ah thil phalo bawl ah a la bawlkhial lo la hiziak un, I lak un Lalpa a um tak zet hi ti ka hiau; tu’hin, Lalpa lungnatna khut ah kipat in Israelte chu la hukdok tau ahi,” a ti tai.

JOSHUA 24:20

Lalpa nungngat ah nam dang pathiante na la sepsan uh leh vang, la chung un pha tak ah a bawl zaw nung inle hun nusia intin, la chung un thil phalo hun tunsak in, hun hi’mangthai tho tho ding ahi,” ti’n a gen a.

THUPUAN 2:11

Thagau in kochuamte kiang ah thu a gen hi, nakhang nei taphot chun he tau hen. Kuale a zo tapo chu thinina chun bangma law ta pua’n ah, atii, ti in.

THUPUAN 2:17

Thagau in kochuamte kiang ah thu a gen hi, nakhang nei taphot chun he tau hen. Kuale a zo tapo chu manna sêlgûk chu pia’ng ka tin, suang val le pia ding ka hi; zia suang chung ah chun min thak, a chang dingte bep longal in a het lo diu chu a kizik hi, a tii, ti in.

THUPUAN 2:29

Thagau in kochuamte kiang ah thu a gen hi, nakhang nei taphot chun he tau hen, a tii, ti in.

THUPUAN 2:7

Thagau in kochuamte kiang ah thu a gen hi, nakhang nei taphot chun he tau hen. A zo tapo chu Pathian paradis ah a nêk dingin hinna thingga pia ding ka hi, a tii, ti in.

THUPUAN 3:13

Thagau in kochuamte kiang ah thu a gen hi, nakhang nei taphot chun he tau hen, a tii, ti’n a gen a.

THUPUAN 3:22

Thagau in kochuamte kiang ah thu a gen hi, nakhang nei taphot chun he tau hen, a tii, ti’n a gen a.

THUPUAN 3:6

Thagau in kochuamte kiang ah thu a gen hi, nakhang nei taphot chun he tau hen, a tii, ti in.

VAIHAWMTE 10:13

Chuti sapi’nle, lei kiheimangsan tei tei un, pathian dangte lei ho san sek un; ziaziakchun, tu’hin vang hun hukdok talo ding ka hi.

VAIHAWMTE 9:7

Zia thu chu Jotham a hil phat un, ama le a chia ah, Gerizim Tângvûm ah dingin, aw ngai tak in a kiko ah, a kiang un, “Nanghaw Shekhem khua hotute haw, Pathian in a hun ngaithâk theina dingin zia thu hi a la ngai tiam un:

1 SAMUEL 12:14

Lalpa chu lau ah, a na la sep ua, a thu ngai ah, Lalpa thupiakte chung ah la thukhel lo ua, nanghaw leh la chung ua leng vaihawmpa hin Lalpa la Pathian uh thu la zui phot uh chun, thilpha hi ding ahi;

1 SAMUEL 12:15

ahi’n, Lalpa thu la ngai lo ua, Lalpa thupiakte la zui nop lo ua leh vang, Lalpa khut in nanghaw leh la lengpau chu hun do ding a hi.