2 KHANGTHU 15:16 - PATHIAN LEKHABU THIANGTHO (BSI)

¹⁶ Lengpa Asa chun ama nu Maakah chule Asherah lim ki’dak um tak a nei ziakin, lengnu ah a panna chu a paithâk piak tai. Asa chun zia a milim chu a tan bong ah, a sat tel zaw nung in Kidron Guam ah chun a hâl tum tai.

2 KHANGTHU 15:16 ပူးပေါင်းရင်းမြစ်များ

1 LENGTE 15:10

Jerusalem ah kum sawmli leh khat vai a hawm ah, a nu chu Abishalom chanu Maakah ahi.

1 LENGTE 15:2

Jerusalem ah kum thum vai a hawm ah; a nu chu Abishalom chanu Maakah a hi.

2 LENGTE 23:12

Judah lengpa Ahaz in a la siam pindan chungnung lam tak ah a la koi mâichâm tawh, Manasseh in a siam Lalpa In pindan pani ah koi ding ah a siam a koite chu lengpa chun a hun latha’, a hun khen nawi ah, a nawn haw chu Kidron lui lam ah chun a vasun thâksak a.

2 LENGTE 23:15

Zia ban ah chun Bethel ah um mâichâm leh thoimual, Nebat chapa Jeroboam, Israelte gitlo sakpa khan a siam, mâichâm leh thoimualte chu a sukchip piak sik sek a; thoimual chu mei in a hâl ah, vut a suaksak ah; chuleh, a milim dawikhuamte chule a hâl tum piak tai.

2 LENGTE 23:4

Ziaphatchun Lengpa chun, thiampu lianpen Hilkiah tawh, ama nuai ah nasem ding thiampute tawh, a kotkhak vêngpa tawh, Lalpa In ah ûm leh bêl, Baal tawh Asher leh van lam thil haw biakna ding ah kikoi haw zosia chu hun ladok dingin thu a pia; chuleh, Jerusalem pawlam pek ah, Kidron loulai ah chun a hâl tum tau ah; ziazaw chun a vâmte chu Bethel lam in a puau a.

2 LENGTE 23:6

Tichun, Lalpa In ah Asherah milim umte chu a hun ladok ua, Jerusalem pawlam pek ah Kidron lui lam in a puau ah; zia Kidron luidung ah chun a hâl tum ua, a vâm chule a gawt buang dim diam ua, a mipite chate thân chung in a the’ tau hi.

2 KHANGTHU 15:17

Israelte lak in vang thoimualte chu suksiat in a um puai. Asa chu vang a dam sungsia’n lungthim dik tak in a um zing hi.

2 KHANGTHU 29:16

Thiampute chu Lalpa In sunggil lam suthiangtho dingin a lut un; tichun, Lalpa In huang sunggil leh Lalpa tempul sung ah kidak buaksia a muu zosiau chu a chomdok tau ah; Levite chun ziate chu Kidron guam lam ah chun a thakdok tau hi.

2 KHANGTHU 30:14

Jerusalem khua mâichâmte chu hun ladok in, gimtui hâlna mâichâmte chule Kidron guam lam in a vapai mang tau a.

2 KHANGTHU 34:7

mâichâmte chu susia’n, a dawikhuamteu leh a milimteu haw chu a gawt buangah, Israel gam sung zosia ah gimtui hâlna mâichâmte chu a susia dik dek tai. Ziazaw chun, Jerusalem khaw lam in a kile’kit tai.

PAWTDAWNA THU 32:20

A bawngno lim siam uh chu a la’, mei in a hâl ah, a gawtbuang ah, tui chung in a thejak ah, Israelte zia tui chu a dawnsak tai.

PAWTDAWNA THU 34:13

A mâichâmteu la hisiat ding, a milimteu leh a dawikhuamteu chule la hichip ding ahi;

THIAMPUTE LEKHABU 26:30

La thoimualteu khênchim ing ka tin, la gimtui mâichâmte uh le hi’chim ding ka hi; la luangteu chule la milimteu chung in siavum ding ka hi; ziaphat chuleh, hun ki’dak ta’ng ka.

ZEKARIAH 13:3

Chuleh, jawlnei dang him himle a hung pia’n kit khâk ahi chun, amau hingtu, a nu leh a pate chun, “Lalpa min ah zuau gen la hiziak in thi ding la hiu,” ti’n au; chuleh, amau hingte a nu leh a pateu khan, a thu a gen lai tak un chei in sun lum ngal in au.

MARKA 3:21

Mipite chun, “A ngol ahi tai,” a tiu ah a suapite’n a het phat un, a thotâng dingin a chia tau hi.

JOHAN 18:1

Jesu’n zia thute chu a gen zaw phatin, a nungzuite tawh a pawtdok un, Kidron guam gâl lam ah huan ah chun a chiau a, zia tak ah chun a nungzuite tawh a lut tau a.

2 KORINTH 5:16

Chutichun, tu’kipat hin taksa lam in kuama ka he ta puau hi; Khrista chu taksa lam in a la he ta leng unle, tun vang ka he ta puau hi.

DAN LEKHABU 33:9

la thupiak a ngaikhawk ziak leh, la thuthung a zop ziak un, a nu leh a pateu kiang a: “Ka hun ngaitua man puai,” tia, a chanauteu kihiatlosak ah, amau chate nasan le a he’pha ta puau.

DAN LEKHABU 7:5

Amau chu zia gual ah hin bawl un: A mâichâmteu chu hisiau inla, a suang phuteu khen bong unla, a dawikhuamteu chu phûk unla, a milim bawlteu chule hâl tum un.

DAN LEKHABU 9:21

La gitlonau ziak ah la bawngno lim siam uh chu la’n, mei in ka hal ah, ka gawtbuang ah, leivui gual ah nêl in ka gawtnêl ah; zia kigawtbuang chu tâng ah hung luang suk lui ah chun ka pai lut tai.