2 KHANGTHU 15:14 - PATHIAN LEKHABU THIANGTHO (BSI)

¹⁴ Lalpa kiang ah aw ngai takah kiko in, pengkulte leh belam kîte ngai tak ah mut in kitiamna a bawl tau hi.

2 KHANGTHU 15:14 ပူးပေါင်းရင်းမြစ်များ

2 KHANGTHU 15:13

Kuale Israelte Pathian, Lalpa lam nga nuam lo tapo chu, têksia hi’n, khanglai hileh; numei hi’n, pawsal hileh thalup ngal ding a hiu, a tiu a.

2 KHANGTHU 15:15

A lungthim zosiau leh a doinau gil tak ah thutiam bawl a hiziak un, zia a kitiamnau ziak ah chun Judah mipi zosia chu a kipak ma ma tau a; tichun, Lalpa chu a mudaw tâk ziak un, ama’n a kîmvêl ua mi zosia ah kipat galmuanna a pia tai.

NEHEMIAH 10:29

a unauteu leh a milianteu hun zawm in, Pathian dan, Pathian suak Mosi’n a piakte, I Lalpau thupiakte zawm ah, Lalpa thuguatte leh a vaihawmna dante chu vop ah zui dingin kitiamna chun a pang tau a.

NEHEMIAH 5:13

Ka kawng ah ka puan lom chên chu tham in ka thing a, “Zia thutiamna dungzui ah bawl lo taphot chu, Pathian in a In leh a nei thil zosia zia gual hin thinthâk piak hen la, a hawm ah siam hiu hen,” ka ti tai. Mipi kikhawm zosia chunle, “Amen,” ti chiat in, Lalpa chu a pakcha tau ah. Tichun, mipite chunle a thutiam gual chiat un a bawl tau hi.

SAM 98:6

Pengkul leh pengkul neute mût in, Lengpa, Lalpa ma ah chun lim tak in kiko tau in.

PAWTDAWNA THU 24:3

Tichun, Mosi a hung ah, Lalpa thugen tawh a thuguat zosiate chu mipite a hil ah: mipite chun kigual tak in, “Lalpa’n a gen zosia chu bawl ing kau,” ti’n a hun dawnhu tau a.

PAWTDAWNA THU 24:7

Ziazaw chun, thuthung lekhabu chu a la, mipi zosia het in a simdok ta’n; amau chun, “Lalpa’n a gen zosia chu bawl in, a thu le awi ing kau,” ti’n a hun dawnhuu a.

JOSHUA 24:24

Mipite’n Joshua kiang in, “Lalpa I Pathian uh na bep sêm ing ka tiu in, ama thu le jawm ing kau,” a tiu a.