2 KHANGTHU 15:1 - PATHIAN LEKHABU THIANGTHO (BSI)

¹ Pathian thagau in Oded chapa Azariah a hun thuam a.

2 KHANGTHU 15:1 ပူးပေါင်းရင်းမြစ်များ

2 SAMUEL 23:2

Lalpa thagau in keima kipat thu a gen ah, a thu ka lei ah hin a um hi.

2 KHANGTHU 14:15

Chuleh, ganchingte giamun haw le a sim un; tichun, belam leh kêlcha tam tak tawh, sangawngsaute le a hun lâkpiak zaw phat un, Jerusalem khua lam in a hung kit tau hi.

2 KHANGTHU 20:14

Zia lai tak ah chun mipi kikhawmte lak ah mi pakhat, Asaph suan ah Levi mi, Mattania chapa, Jeiel chapa, Benaiah chapa, Zekhariah chapa Jahaziel chung in Lalpa thagau a hung chu ta maiah.

2 KHANGTHU 24:20

Ziaphatchun, thiampu Jehoiada chapa Zekhariah chu Pathian thagau in a hun thuam ah; mipite muthei dingin a dingdok ah, a kiang un: “Pathian in zia gual hin a gen hi: Bang ding ah la lamzan theilo khawlawna hial ding ua Lalpa thupiakte botsia ziang la hiu em? Lalpa chu la kihei mangsan tâk ziak un, ama’nle a hun kiheimangsan ta a hi, a tii,” ti’n a gen a.

KISIMNA LEKHABU 11:26

Giamun ah chun mi pani a um den un, khatpa min chu Eldad ahi’n, khatpa min chu Medad ahi; a chung un thagau a hung um ta’n, a min kikhumte lak ah pang himaleu, biakbûk ah pawtdok lo a, giamun ah thugen a la hiu a.

KISIMNA LEKHABU 24:2

Balaam a dâk daw leh, Israelte a phung a phung ah giak chu a mu ta’n. Ziaphatchun, Lalpa thagau a chung in a hung chu ta’n;

2 PETER 1:21

Thu genlawk him him hi mihing thu pawt ahi ngai pua’n; mite’n Thagau Thiangtho sawl in, Pathian ah kipat a muu ah a gen uh ahi zaw sek hi.

VAIHAWMTE 3:10

Lalpa thagau a chung in a um ah, Israelte chung in vai a hawm tai; gâl do in a kuandok ah, Lalpa chun Aram ah lengpa Kushan-rishathaim chu a khut in a pia tai; chuleh, a khut in Kushan-rishathaim chu a zo tai.