2 KHANGTHU 14:7 - PATHIAN LEKHABU THIANGTHO (BSI)

⁷ Judai gam mipite kiang in zia gual hin a genah: “Zia khawpite hi bawlphai tiu in, kulpite ûmsak in, gâlven bûksângte siam hitiu in, kotpi leh thikjawlte zam hitiu; Lalpa I Pathian lung I hawl ziak un gam pumpi hi I khut ua ei piak ahi ngâl ah; ama lung I hawl un, ziaziakchun, kil tin ah gâlmuanna ei pia ta ahi,” ti in. Tichun, a hun bawlpha tau a, lamzang tak in a khawsa tau hi.

2 KHANGTHU 14:7 ပူးပေါင်းရင်းမြစ်များ

1 LENGTE 15:23

Asa nasep dangte zosia leh a thilhithei dan zosia leh a hisa zosiate, a khawpi bawldawte chu, Judai gam ah Lengte Chanchin kizikna Lekhabu ziklut hilo a hem? Ahi’n la, a têk lam ah chun a keng ah natna a hung um tai.

1 KHANGTHU 28:9

Chuleh, nang ka chapa Solomon, la pa Pathian chu hezing inla, thanuam tak leh lunglut tak in a na chu sêm in; Lalpa chun ngaituana zosia a patep sek in, thiltup leh ngaituana zosia le a hechian ma ma ngâl ah. Ama chu la hawl ahi chun, hun kimusak ding ahi’n; la nungngat leh vang kumkhua’n hun nusia ding ahi.

2 KHANGTHU 14:4

chuleh, Judah mipite chu a pu leh pateu Pathian, Lalpa lam nga ding leh a dan leh thupiak zui dingin thu a piai.

2 KHANGTHU 14:6

Gam sung ah muang tak ah a um pet un, Judai gam ah khawpi zosia kulbâng ding a siam un. Lalpa‘n gâlmuanna a piak ziakin, a vaihawm sung in gâl a do kha puai.

2 KHANGTHU 15:15

A lungthim zosiau leh a doinau gil tak ah thutiam bawl a hiziak un, zia a kitiamnau ziak ah chun Judah mipi zosia chu a kipak ma ma tau a; tichun, Lalpa chu a mudaw tâk ziak un, ama’n a kîmvêl ua mi zosia ah kipat galmuanna a pia tai.

2 KHANGTHU 17:13

Judai gam ah khawpite ah chun nasep thupi tak tak te le a bawlah; chuleh, Jerusalem khua chun sepai leh gâl hangsan tam tak a nei hi.

2 KHANGTHU 17:17

Benjamin phung ah chun: Sepai hangsan Eliada nuai ah sepai, thalpi leh phaw ah kithuam ngen nuai ni a hiuah;

2 KHANGTHU 20:30

Pathian in a kîmvêl ua gam zosia’ kipat gâlmuanna a piak tâk ziakin, Jehoshaphat gam sung chu thamuang tak in a um tai.

2 KHANGTHU 25:5

Amaziah in Judai gam ah mipite chu a ko khawm ah, Judah phung leh Benjamin phung ah mite chu, a phunggui dungzui un, sang khat pawl, za khat pawl ti’n a khenjak ah, ziate chung ah hotu dingte chu a guat piak chiat a. Kum sawmni ah kipat a chung lamte zosia chu nuai thum a simdok ah; ziate chu gâldo ah pang thei, chei leh phaw mang thei ngen kitêldok a hiu hi.

2 KHANGTHU 26:13

Amau thupiak dungzui ah lengpa mêlmate do ah pang ziang thei, thilhithei leh hat tak tak ngen sepai nuai thum, sang sagi leh za nga a pang ui.

2 KHANGTHU 32:5

Hezekiah chun kulbâng kisiatnate haw chu phatchuamngai tak in a puapha kit ah, a chung ah gâlvênna bûkte le a siam ah; chuleh, khawpi pawlam ah chunle kulbâng a siambe nalai ah; chuleh, David khawpi’ Millo chule a siampha, gâlvan leh phawte chule tam tak a siambe nalai hi.

2 KHANGTHU 8:5

Zia ban ah chun Beth-horon saknung leh Beth-horon thangnung chule tung ding zo in, khawpite chu kulbâng, kotpi leh thikjawlte’n a ûm kimvel in;

JOHAN 9:4

Sûn ahi pêtcha hin ei sawlpa na ka sep ding ahi: jan hiding ei tai, zia phat chuleh kuama’n na sêm thei ta pua’n au.

NASEPTE 9:31

Zia hun sung ah chun, kochuamte chu Judea, Galili, Samaria gam ah chun muang tak ah um in a det tau hi. Lalpa lau kawm in Thagau Thiangtho thamuan in a um un, a pung deu deu tau hi.

JOSHUA 23:1

Lalpa‘n Israelte chu a kîmvêl ua a mêlmateu ah kipat gâl muang tak ah kum sawt tak a umsak zaw phatin, Joshua chule a hung upa ta’n, a têk ma ma ta’n;

1 PETER 3:12

Lalpa mit chu midikte chung in a chu sek in, a nakhang le a pauchapna lam un a daw sek hi; ahi’n la, Lalpa mêl chu thil hi’khialte chu, a do sek hi,” ti ahi ngal a.