2 KHANGTHU 14:6 - PATHIAN LEKHABU THIANGTHO (BSI)

⁶ Gam sung ah muang tak ah a um pet un, Judai gam ah khawpi zosia kulbâng ding a siam un. Lalpa‘n gâlmuanna a piak ziakin, a vaihawm sung in gâl a do kha puai.

2 KHANGTHU 14:6 ပူးပေါင်းရင်းမြစ်များ

1 LENGTE 5:4

Tu’hin ahileh vang Lalpa ka Pathian in kiltin in muanna ei pia ta’n; kilanpi leh vangsiatna tung le a um diak pua’n.

1 KHANGTHU 22:13

Israelte â ding ah, Mosi kiang ah Lalpa thuguat leh dan leh mual a la piakte zosia phatakcha la vop chun, hung hampha ding la hi. Hat tak leh hangsan tak in um in. Lau kin la, lungthuai diak kin.

1 KHANGTHU 22:9

Ngai in, chapa hun nei ding la hi; ama chun kicham dial dial in vaihawm intin, kiltin ah kipat a mêlmate tawh kichamsak ding ka hi; a min chule Solomon hi’ntin, ama dam sung in Israelte lak ah gâlmuanna leh thamuanna hun pia ding ka hi.

2 KHANGTHU 15:15

A lungthim zosiau leh a doinau gil tak ah thutiam bawl a hiziak un, zia a kitiamnau ziak ah chun Judah mipi zosia chu a kipak ma ma tau a; tichun, Lalpa chu a mudaw tâk ziak un, ama’n a kîmvêl ua mi zosia ah kipat galmuanna a pia tai.

2 KHANGTHU 17:4

a pa Pathian lam chu nga’n, a dan thute chu zui in, Israelte umchan chu a zui puai.

2 KHANGTHU 20:30

Pathian in a kîmvêl ua gam zosia’ kipat gâlmuanna a piak tâk ziakin, Jehoshaphat gam sung chu thamuang tak in a um tai.

2 KHANGTHU 26:5

Pathian lau ding dan a la hil ah pang Zekhariah dam sungsia chu Pathian lam a hawl zing ah; tichun, Lalpa a hawl sungsia chu, Pathian in vangphatna a pia tai.

2 KHANGTHU 31:21

Tichun, Pathian In ah sep leh bawl hi’n, dan leh thupiak zosia leh Pathian hawlna lam thu inle, a lunggil zosia’n a bawl ah; tichun, a lamzang pek hi.

2 KHANGTHU 34:3

Kum giat bep mi ahi ah, naupang cha ahi in vai a hawm pan ah, a pu David gual in a Pathian lung lam chu a hawl ah; a lal kum sawm leh ni’na chun Judai gam leh Jerusalem khua chun thoimualte, dawikhuamte leh milim kisiam haw chu a subei thiang zo tai.

JOB LEKHABU 34:29

A la thip hiat hiat leh, kua a hem awimaw thei diak ding? A mai ah sêl mang leh kua nam hi’n, kua mimal hileh a mudok zo ding kua a hem um?

SAM 46:9

Ama’n kawl kîmvêl tiang in kido’na a hi’thip a; thalpi lawi bong in, cheicha a thiakbong ah; phawte chu mei in a hâl tum hi.

JOSHUA 23:1

Lalpa‘n Israelte chu a kîmvêl ua a mêlmateu ah kipat gâl muang tak ah kum sawt tak a umsak zaw phatin, Joshua chule a hung upa ta’n, a têk ma ma ta’n;

VAIHAWMTE 3:11

Tichun, gam chu kum sawmli gâl muang in a um tai. Ziazaw ah chun Kenaz chapa Othniel chu a thi tai.

VAIHAWMTE 3:30

Tichun, zia ni chun, Moabte chu Israelte khut ah zaw in a um tau a. Chuleh, a gam chu kum sawmgiat sung a gâl muang tai.

VAIHAWMTE 5:31

AW Lalpa, zia gual chun, la gâlte zosia mangthai tau hen! Himaleh, la gual leh pâite chu vang, jingkal ni suak vak hoi tak gual chu hitau hen, ti in. Tichun, gam chu kum sawmli sung gâl muang tak in a um tai.