2 KHANGTHU 14:4 - PATHIAN LEKHABU THIANGTHO (BSI)

⁴ chuleh, Judah mipite chu a pu leh pateu Pathian, Lalpa lam nga ding leh a dan leh thupiak zui dingin thu a piai.

2 KHANGTHU 14:4 ပူးပေါင်းရင်းမြစ်များ

THILSIAM THU 18:19

Lalpa lampi a hawtheina ding un, a nung ah a chate leh a Inkuante, thil dik tak ah hiding leh, vaihawm gual ah um ding ah thu a piak theina dingin ama chu ka guat ta’ngal in; a chungchâng thu Lalpa’n a gen chu Abraham chung ah a tunsak theina dingin,” a ti’n.

2 KHANGTHU 11:16

Israel nam lak ah Lalpa Israelte Pathian lam lunglenna nei zosia chun a hun zui un, a pu leh pateu Lalpa, Pathian kiangah kithawi dingin Jerusalem khua chun a hung tau hi.

2 KHANGTHU 14:3

Ama chun gamdangte mâichâm haw leh thoimualte chu a susia sik sekah, a suang khuam zimteu khen chim in, a dawikhuamteu chule a phuk pâi sik sekah;

2 KHANGTHU 14:5

Judai gam ah khawpi zosia kipat thoimual leh gimtui mâichâm kisiam zosia chu a thialnâm sik sek hi. Tichun, ama lal sung in lenggam chu thamuang tak in a um tai.

2 KHANGTHU 29:21

A lenggam leh mun thiangtho leh Judai gam mipi zosiate gitlo thoina dingin: bawngchal pasagi, belamchal pasagi, belamno pasagi tawh kêlchal pasagi a keng un. Ziate chu Lalpa mâichâm ah lân dingin Aron chapa thiampute chu thu a pia tai.

2 KHANGTHU 29:27

Ziaphatchun, Hezekiah in mâichâm ah chun hâlmang thillatte chu lân dingin thu a pia. Hâlmang thillat a piak phat un, Israelte Lengpa David thilgitheite chu tawh, pengkulte chu thua in, Lalpa pâkna’n La a sa pan ngal un.

2 KHANGTHU 29:30

Lengpa Hezekiah tawh a milian leh lalte chun, David La phuakte leh thiamgau Asaph La te chu Lalpa pâkna ding ah sa dingin, Levi mite chu thu a piau a. Lim tak in pâkna La te chu a sau ah, Pathian ho in a bokkhup tau hi.

2 KHANGTHU 30:12

Judai gam ah mite chung ah Pathian in na a sep ziakin, lengpa leh a khawnbawlte chun Lalpa thugen dungzui ah thu a piakteu chu, lungthim kithu gual tak ah zui dingin a hung kipe tau a.

2 KHANGTHU 30:19

“Kuale a lungthim gil tak ah, a pu leh pateu Pathian, Lalpa hawl tapo chu, mun thiangtho dan dungzui ah kisuthiang nai lo himaleule Lalpa pha tak chun a ngaidam tai,” ti’n a gen a.

2 KHANGTHU 33:16

Lalpa mâichâm a siam kit ah, zia chung ah chun kichamna leh kipak thu genna ding ah kithoinate chu a lân kit ah; chuleh, Judai gam ah mipite chu Israelte Pathian, Lalpa na sêm dingin thu a pia tai.

NEHEMIAH 13:9

Ziaphatchun, pindante chu suthiangtho in, Pathian In ah matchâk ûm leh bêlte, thâilat thilte leh gimtuite chu ka lâklutsak kit tai.

SAM 119:10

Ka thinlung zosia’n ka hun hawl ah, aw, la thupiakte ka nutsia ding phal lojen in.

AMOS 5:4

Lalpa‘n Israel Inkuan kiang in zia gual hin a ti ngal a: Ei hawl un, tichun hing in lau;

JOSHUA 24:15

Tu’hin Lalpa nasep ding chu nuam lo la hiu leh, tu’ni ma ma hin kua pen na sêm ding la hiu em, la pu leh pateu in Luipi gâl lam ah pathiante na a la sep piak uh kha ahi em; ahiloleh, la luanau gam ah Amorte pathiante a hizaw diam, ti têl ngâl un. Kei leh ka Inkuante’n vang Lalpa na bep sêm ing kau, ti’n a dawnhu a.

1 SAMUEL 3:13

A chate’n Pathian a gensiatnau hezing ngâl in, a khawlo’nau haisan ding ah a hil lo ziakin, a In sung chu kumkhua’n gawt ding ka hi, ti ka la hilsa ahi tai.