2 KHANGTHU 14:3 - PATHIAN LEKHABU THIANGTHO (BSI)

³ Ama chun gamdangte mâichâm haw leh thoimualte chu a susia sik sekah, a suang khuam zimteu khen chim in, a dawikhuamteu chule a phuk pâi sik sekah;

2 KHANGTHU 14:3 ပူးပေါင်းရင်းမြစ်များ

THILSIAM THU 18:19

Lalpa lampi a hawtheina ding un, a nung ah a chate leh a Inkuante, thil dik tak ah hiding leh, vaihawm gual ah um ding ah thu a piak theina dingin ama chu ka guat ta’ngal in; a chungchâng thu Lalpa’n a gen chu Abraham chung ah a tunsak theina dingin,” a ti’n.

2 LENGTE 18:4

Thoimualte chu a subei ah, milim haw chu a subei sik sekah, dawikhuamte a phuk sik sek ah, Mosi bawl sa sum-eng gul lim Nehusthan kiti khale, zia hun tiang ah chun a pathian uh hona’n gimtui a hâl zing nalai ua; ziate haw chule a khen gawp sik sek hi.

2 LENGTE 23:14

Tichun, milim khet gawp theite chu a khen gawp ah, a gawp theilote chu a tan bot thaw ah, zia munte zosia chu mithi gu ngen in a hun koidim tai.

2 LENGTE 23:6

Tichun, Lalpa In ah Asherah milim umte chu a hun ladok ua, Jerusalem pawlam pek ah Kidron lui lam in a puau ah; zia Kidron luidung ah chun a hâl tum ua, a vâm chule a gawt buang dim diam ua, a mipite chate thân chung in a the’ tau hi.

2 KHANGTHU 14:2

Asa chun Lalpa a Pathian mit tung in, pha leh dik tak in a bawl hi.

2 KHANGTHU 14:4

chuleh, Judah mipite chu a pu leh pateu Pathian, Lalpa lam nga ding leh a dan leh thupiak zui dingin thu a piai.

2 KHANGTHU 15:17

Israelte lak in vang thoimualte chu suksiat in a um puai. Asa chu vang a dam sungsia’n lungthim dik tak in a um zing hi.

2 KHANGTHU 33:16

Lalpa mâichâm a siam kit ah, zia chung ah chun kichamna leh kipak thu genna ding ah kithoinate chu a lân kit ah; chuleh, Judai gam ah mipite chu Israelte Pathian, Lalpa na sêm dingin thu a pia tai.

2 KHANGTHU 34:4

Ama thu’n Baal hona mâichâmte chu a susiau ah; milim hona mâichâm a chung lam ah um haw chule a hun kai chim tau hi. Dawikhuamte leh milim sunthaw leh kikhuak ah kibawlte chule a khen chim ah; ziate chu a gawtbuang ah, ziate kiang ah kithoina a la bawl sekte haw thân lak ah chun a gawtbuangte chu a the’ tai.

PAWTDAWNA THU 34:13

A mâichâmteu la hisiat ding, a milimteu leh a dawikhuamteu chule la hichip ding ahi;

THIAMPUTE LEKHABU 26:30

La thoimualteu khênchim ing ka tin, la gimtui mâichâmte uh le hi’chim ding ka hi; la luangteu chule la milimteu chung in siavum ding ka hi; ziaphat chuleh, hun ki’dak ta’ng ka.

DAN LEKHABU 7:25

A pathian lim siamteu chu mei in hâltum unla, a sana leh dangka neiteu chu enla kiu in; nang uh â dinginle kilâk diak kiu in. Nang uh subuai ah hung pang ziang thei a hiziak un; ziate chu Lalpa la Pathian un a ki’dak lam tak ahi ngâl a.

DAN LEKHABU 7:5

Amau chu zia gual ah hin bawl un: A mâichâmteu chu hisiau inla, a suang phuteu khen bong unla, a dawikhuamteu chu phûk unla, a milim bawlteu chule hâl tum un.