2 KHANGTHU 14:14 - PATHIAN LEKHABU THIANGTHO (BSI)

¹⁴ Lalpa lau umna’n a umpi ziakin, zia Gerar tuam ah khawpi zosia chule a zo thiang tau a. Khawpi zosia chu a suam un, suam ding tam tak le a um him ahi.

2 KHANGTHU 14:14 ပူးပေါင်းရင်းမြစ်များ

THILSIAM THU 35:5

Chutia, a chia pek lai ua chun, a kîmvêl ua khawpite chung ah chun Pathian launa a um ah; tichun, kuama’n Jakob chate chu a del ta puau a.

1 LENGTE 15:23

Asa nasep dangte zosia leh a thilhithei dan zosia leh a hisa zosiate, a khawpi bawldawte chu, Judai gam ah Lengte Chanchin kizikna Lekhabu ziklut hilo a hem? Ahi’n la, a têk lam ah chun a keng ah natna a hung um tai.

2 LENGTE 7:16

Ziaphatchun, mipite chu a chiau ah, Aram mite kikulna chu a phejak tau a. Tichun, Lalpa thu dungzui in, changbuang a te’na dim khat chu shekel khat ah, barli bu le a te’na dim ni chu shekel khat ah zawk ahi tai.

2 KHANGTHU 14:15

Chuleh, ganchingte giamun haw le a sim un; tichun, belam leh kêlcha tam tak tawh, sangawngsaute le a hun lâkpiak zaw phat un, Jerusalem khua lam in a hung kit tau hi.

2 KHANGTHU 17:10

Judai gam kîmvêl ah lenggam zosia ah mite chun Lalpa launa a hun nei chiat phat un, Jehoshaphat chu a hung do ngam ta puau hi.

2 KHANGTHU 20:25

Jehoshaphat tawh a mipite chu gâllâk thil chom khawm dingah a hung phat un, gancha hon tam tak tawh, van, nîk leh puan leh suangmantamte chu a puakkhop chiat un a kilâk tau a. Gâllâk thil a tam bêk ziakin, a chomkhawmna’n le ni thum sung a lut hi.

2 KHANGTHU 20:29

Israelte mêlmate zosia Lalpa‘n do piak ahi ti a het ziak un, a kîmvêl ua lenggam zosiate chun Pathian launa a hun nei chiat tau hi.

JOB LEKHABU 15:21

A nakhang un thawmgi lau um tak a hezing un; a thil nei buting hun un a susia ding, a chung un hung tung in a.

SAM 68:12

“Lengte leh sepaite chu a jamsia tau.” Inngak numeite chu gal lâk a kihawm un,

ISAI 31:9

A kulpi detdo takteu chu, tizat umna ziakin chim intin; sepai hotute’n le a panmunteu chu, lauthawng tak in nusia ta’n au,” ti’n, Zion ah meikuang leh, Jerusalem ah tummeipi Lalpa chun, a gen ta’ngal a.

ISAI 33:23

La long puanlap hênna khauhualte a kikol zo ta’n; puanlap chu a um ding gual tak in, a kaichak zo ta puai. Ziaphat chuleh, sal ah mat leh, gal lâk thilte tam tak tak in kihawm intin uh; kengbai nasan gâl lâk thil chomkhawm in pang in a.

ROMTE 8:37

Ei khen zo lo e! Zia zosia ah chun ei haw ei hepipa zal ah chun gâl zo te sâng ah chungnung zaw I hiu.

DAN LEKHABU 2:25

Tu’ni hin, van nuai ah mi zosiate â ding ah tizat leh lau in hun siam ding ka hi; la chanchin a het phat phat ua leh, lau in kithing intiu in, nanghaw ziakin lungdong tak in um ta’n au,” a tia.

JOSHUA 2:24

Joshua kiang in, “Lalpa‘n a gam pumpi chu I khut un ei pia tak tak na ahi; zia bep chule hilo in, zia gam ah chêng zosia chu ei uh ei lau in I âng un a timaw zo tau hi,” a tiu a.

JOSHUA 5:1

Chuleh, Jordan lui gâl tumlam ah Amorte leng zosia tawh, tuisuagiat gei jul ah Kanaan mite leng zosia chun, Lalpa‘n Israel mite zosia’n Jordan lui a gâl kâi masang siau, Jordan lui tuite chu Israelte â dingin a kangtansak hi, ti a het phat un, Israelte a lau ziak un a lungthim uh timaw zo in, a tha leh zung le a nei puau hi.

VAIHAWMTE 14:19

Tichun, Lalpa thagau a chung in a hung tung a; chuleh, Ashkelon khua’n a chia suk ta. Khawpi sung ah tangval sawmthum a that ah, a puansilteu chu lâkpiak in, luaithe’na puanchênte chule a thu hetmaw hilchiante kiang in a pia tai. Tichun, lungna ma ma in a pa In lam in a chiato kit tau hi.

1 SAMUEL 14:15

Sepaite giamun, loulai leh sepai zosia lak ah chun patauna a hung um ta’n; sepai honte leh gâlgûk bawl pawlte nasan lau in a kithing ziang tau a; lîn nasa tak in a kilîng ah; patauna huaisia tak a hung um tai.