2 KHANGTHU 14:10 - PATHIAN LEKHABU THIANGTHO (BSI)

¹⁰ Asa chule amau do ding in a kuandok ah; tichun, Maresha mun ah Zephathah Phâijawl langtuak ah chun a kigual tau hi.

2 KHANGTHU 14:10 ပူးပေါင်းရင်းမြစ်များ

2 KHANGTHU 13:18

Tichun, Judah mipite chun a pu leh a pateu Pathian, Lalpa a kisuanpi ziak un, Israelte chu zo in a nuaisia tau hi.

2 KHANGTHU 14:11

Asa chun Lalpa a Pathian zia gual hin a ko ah: “Aw Lalpa, nang in mi hat leh mi jawngkhal la panpi nop lo chuam a um puai. Aw Lalpa ka Pathian uh, nangma ah kinga leh la min bep suang ah zia mipite hi do gua ka hiziak un, ei hun panpi in. Aw Lalpa, nang chu ka Pathian uh la hi; mihing mai mai kizawsak ziang kin,” ti in.

2 KHANGTHU 14:9

Ethiopia mi Zerah chun sepai maktaduai khat tawh kângtalai za thum ah hung kuan in, Maresha tiang a hung tung to tau a.

2 KHANGTHU 26:7

Pathian in ama chu Philistinte leh Gurbaal ah chêng Arabte leh Meun mite do dingin a kithuapi a.

2 KHANGTHU 32:20

Ziaphatchun, Lengpa Hezekiah tawh Amoz chapa Isai chu zia thu ziak chun pauchap in, van Pathian a ko tau a.

2 KHANGTHU 32:8

Amau chu mihing thahâtna bep mang a hiu ah, ei haw ei panpi ding leh I gâlteu ei do piak ding chu Lalpa I Pathian uh ahi ngâlah,” ti in. Judai gam ah Lengpa Hezekiah thu gen ziak ah chun mipite chu nasa tak in a kisuhat tau hi.

SAM 20:8

Amau chu kisui in kipûk in au; ei haw vang tho in, dingchang ding I hiu.

SAM 31:15

Ka hunte chu la khut in a um in, ei do-te khut leh ei sugentheite lak ah kipat hin ei hukhing ta’n.

SAM 9:20

Aw Lalpa, amau chu hilau in; namtin in mihing bep a hiu ti kihe tau hen.

DAN LEKHABU 20:1

La gâlteu do ding ah la kuan lai un, sakolte, sakol kângtalaite leh sepai hon nanghaw sâng ah tam zaw la mu ziak un lau diak kiu in; nanghaw Aigupta gam ah kipat hun puidokpa Lalpa la Pathian un a hun umpi zing ngâl a.

JOSHUA 19:4

Eltolad, Bethul, Hormah,

VAIHAWMTE 1:17

Chuleh, Judah chu a suapipa Simeon tawh a chiau ah, Zephath khua chêng Kanaan mite chu a do zaw phat un, nasa tak in a suchimit tau a. Chuleh, a khawpiu chu hânsia lawkhum in, a min chule Hormah a sak tau hi.

1 SAMUEL 14:6

Jonathan in a gâlvan chawi tangval kiang ah chun, “Hung tia, zia zektanlote sepai umna lam ah sawn vachia hi ti, Lalpa‘n ei hun panpi mawlo ding ahi; Lalpa‘n ei panpi leh kuama’n dâl thei pua’n tin, Lalpa‘n ei hukdawna ding chu a mi tam leh tawm thu ah kinga khel khel lo ding ei ve,” ti’n a gen a.

1 SAMUEL 17:45

Himaleh, David in Philistin mipa kiang ah chun, “Kei ei do ding in nang in chemjam, cheipi tawh phaw chawi in la hung kuan ah; keima ka hileh vang, la hosiat, sepai honte Lalpa, Israelte sepai honte Pathian min ah hung kuan ka hi.