2 KHANGTHU 13:9 - PATHIAN LEKHABU THIANGTHO (BSI)

⁹ Lalpa thiampu, Aron chate leh Levite chu nawdok in, gamdangte gual ah la thiampu ding uh kisiam kawm mai mai hilo la hiu em? Bawngchal khat a hem, belamchal pasagi a hem ah hung kilân thiangtho thei taphot chu, zia pathian bawn hilote thiampu ding po ah chun la pansak mai mai hilo a hem?

2 KHANGTHU 13:9 ပူးပေါင်းရင်းမြစ်များ

1 LENGTE 13:33

Zia nung ah hinle Jeroboam in a lampi phalo ah kipat in a kihei mang diak puai; himaleh, thoimualte â dingin mi vantang lak ah kipat in thiampu dingte a siam ah; thiampu hi’nuam taphot chu thoimual â ding in a koichuam tai.

2 LENGTE 19:18

a pathian teu chu mei in a hâl tum piak sek ah; ziate chu pathian titâkle a hipaw him ua, mihing khutsuak, thing leh suang haw po a hiu hi.

1 KHANGTHU 29:5

mi khutthiamte’n sana ah thil a siamna ding un sana dangka thikah a thil siamna ding uh dangka thikte le a kidai hi. Lalpa â dingah kilân thiangtho ah, tu’ni hun ah thawlawm pianuam la um nalai awm?” ti’n a gen tai.

2 KHANGTHU 13:10

Kei haw ka hiu leh vang, Lalpa chu ka Pathian uh ahi’n, ama chu ka nusia ngai puau hi. Lalpa kiangah sêm ding thiampu Aron leh Levi suante lak ah mi ngen ka nei uh ahi.

2 KHANGTHU 29:31

Ziaphatchun, Hezekiah in a kiang un, “Tu’hin, Lalpa â dingin la kilân thiangtho suak tau ah; hun nai unla, Lalpa In ah kithoina ding leh kipakna thilpiak dingte chu hun chawi khawm tau in,” ti’n a gen a. Mipi kikhawmte chun kithoina ding leh kipakna thilpiak dingte chu a hun chawi tau ah; a nuam tapo inle hâlmang thillat ding a hun chawi tau hi.

PAWTDAWNA THU 29:1

Chun, amau chun kei â ding ah thiampu na a septheina ding un zia gual hin a sukthiantho’na la bawl ding ahi: Bawngchal tuai khat tawh, belamchal pani, demna bei gêl hun la’n la tin;

PAWTDAWNA THU 29:29

Chuleh, Aron kithuamna sukthiantho ah um zosiate chu, ama nung ah a cha pawsalte’n hun luasawn jel intiu in; ziate ah chun kivan in sathaunu’ leh sukthiantho in a umtheina ding un.

PAWTDAWNA THU 29:35

Tichun, thu ka hun piak zosia gual ah chun Aron tawh a cha pawsalte chung ah chun la bawl ding ahi: Ni sagi sung in amau namdetna la bawl ding ahi.

PAWTDAWNA THU 32:29

Mosi’n a kiang un, “Tu’ni hin nangmau leh nangmau Lalpa nasêm dingin la kinamdet tau hi; mi tin in amau chapate, amau suapite a la do ta’ngal un; tichun, tu’ni hin hun maljawl ta’n a,” a tia.

JEREMIAH 2:11

Namte chun a pathianteu chu, Pathian tak hilomaleh, a theng ngai him him awm? Ka mipite’n vang a lopinau, thil phachuam lo mai mai in a theng tau hi.

JEREMIAH 5:7

Bangti hun ngaidam ding ka hem, la chateu in ei nusia in, pathian hilote min in a kitiam tau hi. A vâ sêt ua ka vâk phatin, nawchizuakte In ah lût in, a ângkawm zo tau hi.

HOSEA 8:6

Israel lak ah kipat in mi khutthiam khat in a siam ahi’n, Pathian khutsuak ahi puai. Samaria ah bawngno lim chu khet gawp hi’n a.

THIAMPUTE LEKHABU 16:32

A pa thatheng ah thiampu nasêm ding ah sathaunu’ ah hithian ah um pen pen in, tatna bawl dingin thiampu van thiangthote ah chun a kithuam ding ahi.

THIAMPUTE LEKHABU 8:2

“Aron tawh a chapate pui inla, a kithuamna ding, sathaunu’ ding leh a gitlo thoina ding uh bawngchal khat, belamchal pani tawh, vaithum thawipanglo law dim khat tawh keng unla,

NASEPTE 19:26

Ephesa khua bep ah le hilo in, Asia gam zosia hial inle, zia Paul hin, ‘Khut ah siam pathiante hi pathian ahi puai,’ ti’n mi tampi a thêm zo ta’n, a pui mang zo tai ti hi nangmau ngei in la muu in, la hiau hi.

GALATIA 4:8

Himaleh, Pathian la la hetlo lai ua khan, piandan mawng ah le Pathian hilote suak la hiu a.

DAN LEKHABU 32:17

Pathian kiang hilo, thithate kiang in a kithawi un; a hetngai lo uh pathiante kiang in, a pu leh pateu in a la lau ngailo uh, vainung lam tak ah hung um thak, pathiante kiang ah chun.