2 KHANGTHU 13:7 - PATHIAN LEKHABU THIANGTHO (BSI)

⁷ ahi’n, Solomon chapa Rehoboam chu naupang leh lungthim piting ahi masang khan, zia Rehoboam chung ah helna siam dingin michavai leh dukdak lo zosia hung kisang pawm in, a hung khawm tau ah, ziate chu a la lang zo ta pua’n.

2 KHANGTHU 13:7 ပူးပေါင်းရင်းမြစ်များ

2 SAMUEL 3:39

Tu’ni hin sathaunu’, a la hilengle thunei zo lo ka hi. Zia Zeruiah chapate hi kei â dingin a thok hak ma mau hi. Zia tawhbang thil bawlte hi Lalpa‘n a nunsiatnau tawh kituak in a chung un dit kit zaw mai ta hen!” ti’n a gen tai.

1 LENGTE 21:10

milepchia pani a âng zawn in chutsak unla, amau chun zia gual hin a mawna thu gendawsak un, ‘nang in Pathian leh Lengpa la gensia ahi,’ ti sak unla. Ziazaw chuleh, puidok unla, suang in seplum un,” ti in a zik a.

1 LENGTE 21:13

Mi lepchia pani chu a hung ua, a âng zawn in a kichuu ah; chuleh, mipite âng ah chun mi lepchiate chun ama mawsak in thu a hun gen tau a: “Naboth in Pathian leh Lengpa gensia ahi,” a tiu a. Tichun, ama chu khawpi pawlam in a puidok ua, suang in a seplum tau hi.

2 KHANGTHU 10:16

Lengpa’n a thugen uh ngaisak lo ahi, ti Israelte’n a het phat un, mipite chun lengpa kiang in: “David ah hin bang chanvo ka nei ua a hem? Jesse chapa ah hin golua ding ka nei puau hi. Aw Israelte haw, la puanbûk lam chiat un chia kit tau in! Aw David, la Inkuante bep chu ki-etkol mai ta’n!” a tiu a. Tichun, Israelte zosia chu a puanbûk lam chiat un a chia kit tau hi.

2 KHANGTHU 12:13

Tichun, Lengpa Rehoboam chu Jerusalem ah chun kisudet in vai a hawm a. Rehoboam chu leng ah a pan lim in kum sawmli leh khat mi ahi ta’n; Lalpa‘n a min umsakna ding mun ah Israel nam zosia lak ah kipat a la têlchuam Jerusalem khua chun kum sawm leh sagi sung vai a hawm ah; a nu chu Amon mi a hia, a min chu Naamah ahi.

JOB LEKHABU 30:8

Mingol leh ngaituana bei chate a hiu ah, gam sung ah kipat zêp daw ah umte a hiu hi.

SAM 26:4

Mi mantheilote tawh ka kichu khawm ngai pua’n, mi phalêmte tawh le ka kithukop ngai pua’n;

THUPILTE 12:11

Ama lou ding kithawpa chun nêk ding muang intin; mi juljau zuipa vang chu ngaituana neilo ahi.

THUPILTE 28:19

Lou na sêmgimpa chun an nêk ding tam tak nei intin; himaleh, a hun man lo ah mang zo pa chu huaisia tak in chaga’n a.

THUGENTU 10:16

Aw gam, la chung a gik hi: La leng chu a khangdawng talua’n; la lalchapate’n jingkal nasan in, luaithe’na a siam ui!

ISAI 3:4

Tichun, naupangte a lal ding un pia’ng ka tin, nausente’n a chung un vaihawm ta’n au.

NASEPTE 17:5

Himaleh, Judate lak ah a taksang lo pawlte chu itsikna’n a dim tau ah, khawlai ah mi vak mai maite leh, mi a mu tapoteu chu a kaikhawm ua, khawpi sung chu a subuai tau a. Paul leh Sila chu mat ah vantâng lak ah puidaw gua’ a hawlna lam un, Jason In chu a buluu tau a.

1 KORINTH 14:20

Suapite haw, ngaituana lam in chapang kiu in; phatlona lam in nausen hiu inla, ngaituana lam in piting hiu in.

DAN LEKHABU 13:13

khua sung ah mite pui mang gua, la het ngailo pathian ho ding ah mi jawl ah: “Hung tiam un, pathian dangte ho dingin chia hi tiu,” ti aw git la het phat ua leh,

TITA 1:10

Dan khawksa lo leh thu manlo mawk gen gente, mi thêm ah puimangte a tam tangal ua, a diak in zektante lak in a tam diak uh ahi.

HEBRAITE 5:12

A hun ngaitua in vang zilsakpa hithei ding hialte la hitau hi; himaleh, Pathian thubul pen ah kipat hun hil ding mi la ngai zaw na lai ui; bugum nethei nailo in, nawitui ngai nalai gual la hiu hi.

VAIHAWMTE 11:3

Ziaphatchun, Jephthah chu a suapite lak ah kipat tai mang in, Tob gam in a vachêng den ta’n. Mi thumanglote chu Jephthah zui in, misuam in a vak tawl tawl tau hi.

VAIHAWMTE 9:4

Baal-berith ho’na in thawlawm ah kipat in dangka shekel sawmsagi a pia tau ah; Abimelekh in zia sum chu, mi dukdak lo leh pannabeite a nungzui ding ah gawina’n a mang tai.

1 SAMUEL 22:2

Mi lungdongte, leiba neite leh a lung awi lo taphot a hung khawm un; amau lak ah hotu’n a hung pang tai. A kiang ah umte chu za li lam hial a ting tau a.