2 KHANGTHU 13:2 - PATHIAN LEKHABU THIANGTHO (BSI)

² Jerusalem khua’n kum thum sung vai a hawm hi. A nu chu Gibeah khua Uriel chanu Mikaiah ahi. Zia hun ah chun Abijah tawh Jeroboam chu a kido zing ui.

2 KHANGTHU 13:2 ပူးပေါင်းရင်းမြစ်များ

1 LENGTE 14:19

Jeroboam nasep dangte leh a galdo dan leh, a vaihawm dante chu, ngaitia, Israel lengte khangthu ah zik hilo a hem?

1 LENGTE 14:20

Jeroboam vaihawm sung chu kum sawmni leh ni ahi’n; tichun, a pu leh pate kiang in a ipmu tai; a chapa Nadab in ama thasâng in vai a hawm tai.

1 LENGTE 15:2

Jerusalem ah kum thum vai a hawm ah; a nu chu Abishalom chanu Maakah a hi.

2 KHANGTHU 11:20

A ji pani’na chu Absalom chanu Maakah ahi; ama chu tawh Abijah, Attai, Ziza leh Shelomith a hing ui.

2 KHANGTHU 12:15

Rehoboam chanchin chu a bul ah kipat a tawp tiang in, Jawlnei Shemaiah in a zik Chanchinbu leh, thiamgau Iddo in a zik Chanchinbu ah khangthu a zikna lak ah kizik hinalo a hem? Rehoboam tawh Jeroboam kikâl ah kidona chu sutzom pek ahi nalai hi.

2 KHANGTHU 13:3

Abijah chun kidona pang dingin sepai hangsan nuai li a nei ah; Jeroboam inle gâldo ding ah têlchuam, sepai hat leh hangsan ngen nuai giat tawh a dosak a.

JOSHUA 18:28

Zela, Haeleph, Jebus (zia chu Jerusalem ahi); Gibeah leh Kiriath-jearim, a leng ah khawpi sawm leh li, a khawpelteu chiat tawh a hiu a. Zia haw hi a Inkuan dungzui ua, Benjamin phung ah mite luana ding ah a chanvo uh chu ahi.

VAIHAWMTE 19:14

Tichun, a chia theng ua, a chia pek tau a; Benjamin mite khua Gibeah a tun phat un ni a tum ngâl tai.

VAIHAWMTE 19:16

Têksepu khat, lou kuan nitâk vai hung tung khat a um ah. Ama chu Ephraim tânggam ah kipat Gibeah khua hung pêm lut ahi. (Zia khua chêngte chu Benjamin mite ngen a hiu a.)

1 SAMUEL 10:26

Saul chule Gibeah khua a In lam zuan in a chia kit ta’n, sepai hangsan khenkhat, Pathian in a lungthim a sukkhakte chun a zui tau a.