2 KHANGTHU 12:2 - PATHIAN LEKHABU THIANGTHO (BSI)

² Lengpa Rehoboam lal kum nga a ti’n phatin, Lalpa â dingah a ginum lo ziak un, amau do dingin Aigupta gam ah Lengpa Shishak chu Jerusalem do dingin a hung kuan to a;

2 KHANGTHU 12:2 ပူးပေါင်းရင်းမြစ်များ

1 LENGTE 11:40

Ziaziakchun, Solomon in Jeroboam thalup a gaw ta’n; himaleh, Jeroboam chu kin tak in Aigupta gam lam ah, Aigupta Lengpa Shishak kiang in a jam mang tai. Solomon thi’tiang in Aigupta gam ah a um den tai.

2 LENGTE 7:6

Lalpa chun Aram sepaite chu kângtalaite leh sakolte tai git, chuleh sepai tam tak kijawt git a la hiatsak ah; tichun, a kiho ua, “Israel lengpa’n Hit mite lengpa tawh Aigupta lengpa ei do ding ah a chial hi’nah,” a kitiu a.

1 KHANGTHU 28:9

Chuleh, nang ka chapa Solomon, la pa Pathian chu hezing inla, thanuam tak leh lunglut tak in a na chu sêm in; Lalpa chun ngaituana zosia a patep sek in, thiltup leh ngaituana zosia le a hechian ma ma ngâl ah. Ama chu la hawl ahi chun, hun kimusak ding ahi’n; la nungngat leh vang kumkhua’n hun nusia ding ahi.

2 KHANGTHU 14:8

Asa chun Judah phung ah mi sepai nuai thum a nei ah, amau haw chu phawlian tak tak leh cheichate’n a kithuam un; chuleh, Benjamin phung ah mi sepai nuai ni leh sîng giat a nei in, amau chule phaw leh chemjamte’n a kithuam ui; zia haw zosia hi mihat minthang ngen a hiu.

2 KHANGTHU 14:9

Ethiopia mi Zerah chun sepai maktaduai khat tawh kângtalai za thum ah hung kuan in, Maresha tiang a hung tung to tau a.

2 KHANGTHU 24:18

A pu leh pateu Pathian, Lalpa In chu limsak talo in, dawikhuamte leh milimte chu a hun hosan tau a. Zia gual ah a thilbawl sualnau ziak ah chun, Judai gam leh Jerusalem khawpi chung in lungnatna a hung tung tai.

ISAI 18:2

phâiluang ah pum kisiam chung ah, Nail luipi dung ah kitawl ah, gam palai sawl sekte tak chu aw! Chia kin un, nanghaw thangko kin-gangte haw, a gam uh luiliante’n a khen uh, nam sâng leh mi tuai phate, a gamla leh a nai ah umte’n a kichâk uh, nam hat leh gal zo zingte kiang ah chun chiau in.

ISAI 63:10

Himaleh, amau chu a la hel in, a thagau chu a la hilungngai tau hi; ziaphatchun, a mêlmau in a hung pang ta’n, ama ngei chun a le do ta ahi.

JEREMIAH 2:19

La nunsiatnau in hun gawt intin, la nungtolnau in hun kophil in a. Lalpa la Pathian uh la kihei mang san uh hi, nang uh a ding ah thil phalo tak leh, khawk tak ahi ti hia’n, muchian tau in; keima hi lei kicha mawng mawng puau hi, ti’n sepai honte Lalpa Pathian in a gen hi.

KÂ LATE 5:15

Ka lungthim ua kipakna a bei zo ta’n, ka lanau lusûnna’n a chang tai.