2 KHANGTHU 12:13 - PATHIAN LEKHABU THIANGTHO (BSI)

¹³ Tichun, Lengpa Rehoboam chu Jerusalem ah chun kisudet in vai a hawm a. Rehoboam chu leng ah a pan lim in kum sawmli leh khat mi ahi ta’n; Lalpa‘n a min umsakna ding mun ah Israel nam zosia lak ah kipat a la têlchuam Jerusalem khua chun kum sawm leh sagi sung vai a hawm ah; a nu chu Amon mi a hia, a min chu Naamah ahi.

2 KHANGTHU 12:13 ပူးပေါင်းရင်းမြစ်များ

1 LENGTE 11:1

Lengpa Solomon in Pharaoh chanu tawh pum in gam dang numei tam tak a doicha’n: Moab mi, Ammon mi, Edom mi leh Hit mi numeite,

1 LENGTE 11:36

Ahi’n, a chapa chu nam khat pia ding ka hi; tichun, ka min umna ding ah ka khawpi têlsa, Jerusalem ah chun ka suak David in ka ma-âng ah thaumei pakhat a nei zingna dingin.

1 LENGTE 14:21

Chun, Solomon chapa Rehoboam in Judai gam ah vai a hawm ah; a vaihawm pat lai in, Rehoboam chu kum sawmni leh khat ah upa ahi; Lalpa‘n a min umna ding ah Israel nam zosia lak ah kipat a têlchuam Jerusalem khawpi chun kum sawm leh sagi vai a hawm hi. A nu chu Ammon numei Naamah ahi.

2 KHANGTHU 12:1

Rehoboam in a lenggam a sukdet zaw ah a hung hat ma ma phatin, ama lam ah pang Israelte zosia chu tawh Lalpa dan chu a zui ta puau a.

2 KHANGTHU 13:7

ahi’n, Solomon chapa Rehoboam chu naupang leh lungthim piting ahi masang khan, zia Rehoboam chung ah helna siam dingin michavai leh dukdak lo zosia hung kisang pawm in, a hung khawm tau ah, ziate chu a la lang zo ta pua’n.

2 KHANGTHU 6:5

‘Aigupta gam ah kipat ka mipi ka puidaw ni’ kipat in, Israel phung tin lak ah khoima tak hile ka min umna ding ah In sakna dingin ka la têl ngai pua’n; ka mi Israelte chung ah hotu dingle kuama ka la têl ngai diak puai;

2 KHANGTHU 6:6

ahi’n, ka min umna dingin Jerusalem khua hi ka la têl ta hen, ka mi Israelte chung ah vaihawm dinginle David hi ka la têl ta ahi,’ ti ah a la genpa, ama khut ma ma ah hun guitunsakpa min hi pâk in um ta hen.

NEHEMIAH 13:1

Zia ni chun Mosi Lekhabu chu mipite het in a simdok un; Pathian mite kikhopna him him ah chun Ammon mite leh Moab mite chu bangtik lai inle a pan lo diu ahi, ti thu kizik chu a simdok tau a.

NEHEMIAH 13:26

Israelte Lengpa Solomon khan le zia gual ah numeite ziak ah gitlona hi a bawl kha ta hilo a hem? Nam tam takte lak ah ama gual ah Leng hi a la um kha pua’n, ama chu Pathian doisakna a la chang in, Israelte zosia chung ah Leng hiding in Pathian in a la siam ta ahi kha; himaleh, nam dang numeite’n ama nasan le gitlona’n a pûk lutsak tau ahi.

PAWTDAWNA THU 20:24

Keima â dingin lei ah hin mâichâm ei siam piak inla, zia chung ah chun la hâlmang thillatteu leh la kichamna thillatteu, la belamteu leh la bawngteu la hun lat sek diu ahi: ka min hetzingna taphot ah chun hung ing ka tin, hun maljawl ding ka hi’ngal a.

EZEKIEL 48:35

Khawpi kîmvêl chu tong sîng khat leh sang giat hual sung ahi. Chuleh, zia hun ah kipat chun a khawpi min chule, “Zia hin Lalpa a um hi,” ti hita’n a.

DAN LEKHABU 12:11

Lalpa la Pathian un, a min chênna ding ah a têlna mun ah chun, la kiang ua ka gen zosia: La hâlmang thillat kithoinateu, sawm ah khatte, la ngamtawk thilpiakteu leh la kitiamnau thil piakteu chule la hun choi ding uh ahi.

DAN LEKHABU 12:5

Lalpa la Pathian un la nam pumpiu lak ah kipat a chênna ding leh, a umna ding ah a têldawna pen mun chu hawldok un. Zia tak mun bep ah chun chia sek unla;

DAN LEKHABU 23:3

Ammon mi leh Moab mite him him chu Lalpa mite kikhawpna lak ah pansak lo ding a hiu. Amau suan leh pâk taphot chu a khang sawmna tiang unle, Lalpa mite kikhawpna lak ah lâklut lo ding a hiu;