2 KHANGTHU 11:4 - PATHIAN LEKHABU THIANGTHO (BSI)

⁴ ‘Lalpa‘n zia gual hin a gen hi: La vakuan to lo diu ahi; la unauteu chu vado him him kiu in. Mi tin la In lam chiat un chia kit tau in; zia thil hi keima guanggal ahi ngal a,’ ti’n vagen in,” a tia. Tichun, Lalpa thugen chu awi in, Jeroboam do ding ah kuan gawte chu a kile’kit tau a.

2 KHANGTHU 11:4 ပူးပေါင်းရင်းမြစ်များ

THILSIAM THU 13:8

Ziaphatchun, Abram in Lot kiang ah, “Nang leh kei kikâl leh la ganchingte leh ka ganchingte kikâl in kinialna um ki’hen, Inkuan khat I hi’ngal un;

THILSIAM THU 50:20

Nang un ka chung ah lungthim phalo pu’n ei la bawlsia maleu chinle, Pathian in tu’ni gual ah hin mi tam tak hukhinna dingin, lungthim pha a la nei zaw ahi.

2 SAMUEL 2:26

Ziaphatchun, Abner in Joab a hun ko ah, “Chemjam pan zing nalai ding I hiu em? A tawp leh kihuatna’n hung dim ding a hi ti helo la hem? Sepaite chu a suapiteu del talo ding ah bangtik leh thotân gua la hi tam?” ti’n a hun ho a.

1 LENGTE 22:36

Ziazaw, nisa tum ding kuan vêl in sepaite lak ah, “Mi tin ama khawpi chiat leh a gam lam chiat del un!” ti’n a kiko pek tau hi.

2 KHANGTHU 11:3

“Judai gam ah Solomon chapa Lengpa Rehoboam leh, Judah Inkuan leh Benjamin Inkuan leh Israelte zosia kiang in zia gual hin gen in:

SAM 33:11

Lalpa lemguatna chu kumtuang in um den intin, a lungthim ah a ngaituanate chu, suan zosia tiang in um zing in a.

HOSEA 8:4

Keima pang lo in leng a kisiam un, ka hetlo kâl in hotute a kisiam ui. Amau siatna ding bep in a dangkau leh, sana’n milim a kisiam ui.

NASEPTE 7:26

A jing in a lak ua khenkhat a kinial lai tak un a vachia ah, a kilem theina ding un, gualte haw, suapi khat la hiu hi; bangatia dik lo tak ah kibawl la hiu em? a vatia.

HEBRAITE 13:1

Kihepi tua zing un.

1 PETER 3:8

A tawp pen in, la leng un lungthim munkhat nei in, kilainattua leh suapite kihepina leh thunuaigolna nei in um un.