2 KHANGTHU 11:16 - PATHIAN LEKHABU THIANGTHO (BSI)

¹⁶ Israel nam lak ah Lalpa Israelte Pathian lam lunglenna nei zosia chun a hun zui un, a pu leh pateu Lalpa, Pathian kiangah kithawi dingin Jerusalem khua chun a hung tau hi.

2 KHANGTHU 11:16 ပူးပေါင်းရင်းမြစ်များ

1 KHANGTHU 16:29

Lalpa min in lopina a kiang ah piau inla, thillat dingte chawi in, a kiang ah hung tau in. Thiangtho chungchuang in Lalpa chu biau inla;

1 KHANGTHU 22:1

Ziaphatchun, David in, “Lalpa Pathian In ding leh Israelte hâlmang thillatna ding chu zia takah hin a um ding ahi,” a ti tai.

1 KHANGTHU 22:19

Tu’hin, la lungthim leh ngaituanau chun Lalpa la Pathian uh hawl tau in. Kipan unla, Lalpa thuthung thingkuang tawh, Pathian ûm leh bêl thiangthote chu a In ah koikhawm hiding in, Lalpa min in Lalpa Pathian a ding ah mun thiangtho chu hun tungding tau in,” ti’n a gen tai.

2 KHANGTHU 11:17

Tichun, Judai gam chu a sudet deu deu tau a, kum thum sung chun Solomon chapa Rehoboam chu thamuang tak in a umsak tauah; kum thum sung chu David leh Solomon sulnung chu a zui tau hi.

2 KHANGTHU 15:12

A pu leh pateu Pathian, Lalpa chu a lungthim zosiau leh a ngaituanau zosia ah hawl dingin thuthung a siam tau hi.

2 KHANGTHU 15:15

A lungthim zosiau leh a doinau gil tak ah thutiam bawl a hiziak un, zia a kitiamnau ziak ah chun Judah mipi zosia chu a kipak ma ma tau a; tichun, Lalpa chu a mudaw tâk ziak un, ama’n a kîmvêl ua mi zosia ah kipat galmuanna a pia tai.

2 KHANGTHU 15:9

Judah leh Benjamin phung ah mite zosia tawh, a lak ua Lalpa a Pathian um ahi ti a het ziak ua Israelte lak hun taisan ah, amau hung bêl ah a gam ua gam dang mi gual ah a la chêng ta, Ephraim, Manasseh leh Simeon phung ah mi tam takte chu a ko khawm a.

2 KHANGTHU 19:3

Zia gual chu hitamaleh, gam sung ah dawikhuamte la suksiat ziak leh, la lunggil tak ah Pathian lam la ngat ziakin, nangma ah chun phatna khat a um tho tho hi,” ti’n a gen a.

2 KHANGTHU 20:3

Jehoshaphat chu a lau ma ma ziang ta’n; Lalpa a hun hawl phatin Judai gam pumpi anngawl ah pauchap ding thu a hun puang tai.

2 KHANGTHU 20:4

Judah mipite chu Lalpa lung lam hawl in a hung khawm tau ah; Judai gam ah khawpi zosia kipat in Lalpa lung lam hawl dingin a hung khawm tau hi.

2 KHANGTHU 30:11

Asher, Manasseh leh Zebulun mite lak ah mi tawmcha bep chu kingaitawm tak in Jerusalem khua’n a hung tau a.

JOB LEKHABU 34:14

Ama’n a thagau kilak kit in, a hu tha khum zosia lakhawm kit leh,

SAM 108:1

Ka thinlung hi a det hi, aw ka Pathian, ka thinlung hi a det hi; La sâng ka tin, gi hoi lem ing ka. Ka hinna, hung thodok in!

SAM 62:10

Thagum ah mi lâkpiak hi kimuanpi kin la, misuam hile kisuanpi diak kin; hausakna a hung pun inle, a chung in la lungthim nga diak kin.

PAWTDAWNA THU 9:21

Lalpa thugen limsaklote chun a suakteu leh a ganchateu chu loulai ah chun a um densak tau a.

DANIAL 6:14

Zia gual ah a hêknau chu a het phat in, lengpa chu a lungkham ma ma a. Danial a hukdaw theina ding dan sûn nitum in a ngaitua tai.

HOSEA 4:8

Ka mite gitlona chu kivâkna’n a mang un, a thulim lo’nau ah chun a huaihap ui.

HAGGAI 1:5

Tu’hin, sepai honte Lalpa chun: La umdan uh kisui thak tiam un.

ZEKARIAH 8:21

khawpi khat ah chêngte chu khawpi dang khat ah chia in, a kiang un, “Hung tiam un, ei hawle Lalpa doisakna I chan theina ding uh leh, sepai honte Lalpa chu hawl dingin chia ma tiam hitiu; keima chu a chia ka hi’ngal hi,” hun ti ta’n au.

NASEPTE 11:23

Ama tun phatin, Pathian hepi dan chu a mu in a kipak ma ma ah, phatchuamngai tak ah Lalpa tuzing dingin a tîlkho tai;

DAN LEKHABU 12:11

Lalpa la Pathian un, a min chênna ding ah a têlna mun ah chun, la kiang ua ka gen zosia: La hâlmang thillat kithoinateu, sawm ah khatte, la ngamtawk thilpiakteu leh la kitiamnau thil piakteu chule la hun choi ding uh ahi.

DAN LEKHABU 32:46

a kiang un: “Tu’ni la kiang ua ka thu hun hiatsak zosia ah hin la lungthim uh nga det unla, zia dan thu zosia hi gunchu tak ah zui ding leh bawl dingin la chateu thu piau in.

JOSHUA 22:19

Ahi’n la, la luanau gam chu a thianglo ahi chun, Lalpa gam sung, Lalpa biakbûk umna lam ah hin hung gâl kâi unla, ka lak ua hin hung chêng zaw tau in; Lalpa I Pathian â ding hilo mâichâm dang siam in, Lalpa mitdo leh kei uh mitdo in vang um dâ ham un.